Popular Bible Verses from Luk 12

ಶೇರ್

Doa yeoa novkaka aevvm. Kava arana ombol lohv, wo kava henga si hona petharamba provav, si homeis yimba tit vewuvm kana prolmba.

Manam yimba elsusva nengeuvmona vevav nomba, innem eva pom hlalm. Yimba manam duusva mindnamba vivav innemba. Puehalnindva mindnamba duus viv innemba aslalalmba, doa heva os yimba owai, Sesoa arapev himba doa yenamba nunglini, himba innem aslalv. Doa yeoa ehlana andra viu, Sesoatindim patvunilm, memba andramendekli. Wo os Sesoava hevpa yemba innemba daswolvav.

Yeoa indkumbi hillu, manam yimba pevmba alhuvav dirava, manara, indhanariniva himba mindnamba wohva iavrava, himba si nonapopolva wohavavmoa owai.

Noinda osoa viu, no vuherava yena wohva naluhunvpa, no vuhemba yimba elsus ningminivavta.

Himba nomba yeriniva duus vaomana vetava mindnamba, wo himba nomba hevna tahonmba mumushhoa vrungavma noindava, owai. Yimba es hevpa eva nomba vevav, memba mani mendeklima, noinda manam yimba duus vivav, mana emamba monglamba.

Yesus hevtindimba henga ishunna, manam yimba mindnamba duus vivav wohna innenamba, osva ata mani kava pikianalmba vreivav?

Yimba nonora, tuawa belkasva himba namahui, indhanamba hemba maketra sovawol vev espeta dina, doa heva os Sesoava es eva maisasa vethavav hemba, owai. Sesoana nengavnangnamba yimba kuvhueiv beltimba, wo noinda manam yimba pemba vivav indhananapenamba. Sesoava nonora lohv, tamba yenamba kuriniva, ora es phona, wo noinda manam yimba pemba vivav indhananapenamba.

Yimba katindiva espeta kuvulv, wo manam yimba pemba vivav, ara yemba doa ninginna, kava si hemba kavtindilm nembaomana vevav.

Nengam kava ov kungem tuawam, himba osomba hiluvmoa, osonnamba himba psewol vivmoa, wo himba meilna vivmoa deuvrava. Doa heva os himba beswonam euvmona vev. Manara, Sesoa doara doa hemba innemba vinna. Wo heva os pi indhana tuawamba kuvhoawol viv Sesoana novrava.

Manam yimba elsusva nengeuvmona vevav nomba, innem eva pom hlalm. Yimba manam duusva mindnamba vivav innemba. Puehalnindva mindnamba duus viv innemba aslalalmba, doa heva os yimba owai, Sesoa arapev himba doa yenamba nunglini, himba innem aslalv. Doa yeoa ehlana andra viu, Sesoatindim patvunilm, memba andramendekli. Wo os Sesoava hevpa yemba innemba daswolvav.

Sesoa hev kulva posrava nenga vrev, heva os no kulva ambo eusil, mani mendeklima. Detiva nemel phov, heva os simerava kongla henga vilovav, wo indhanamba suwera singivav. Sesoa hev vevpa, heva os pi indhana kuvhoawol viv no kulmba. Wo noinda Sesoa hev yenamba nesmos vewol vevav huhmohmba, noinda himba mindnam pimba und vewol vev. Manam eva yimba duus vivav, manara, doa doara Sesoava hev wohav.

Himba ambo hevm leslala vewol ovivna, doa heva os mana emamba daipotava hehlathalohvpa, Sesoa si wohpelahavav. Wo memba yimba nonglamba owai vivpa daipotava, indhanamba si sewonam nunglivav. Wo sinimba moamba yimba ishuvrava, indhanamba okombahul hillivav. Wo moamba yimba poaitava monglamba wonishovrava, indkumbiva henga hillivav kuksaruvra.