Popular Bible Verses from John 1

ಶೇರ್

Aglaan iluqaisa akuqtuqtini ukpiqtuat inmiñun, ilaan miqłiqtuliutipkaŋagai God-mun.

Aullaqisaamiñqaŋa, taamna taggisiqaqtuaq Uqaluŋmik itaniŋaruq supayaat savaaguŋaiñŋaisa. Uqaluk itqatauŋaruq God-mun. Suli Uqaluk God-auŋaruq.

Qaummaqtun qaummaġiksuatun taaqtuami, suli taaqtuam qamilaiñmatun qaummaq, ilaalli iḷisautiŋagai iñuich God-im iḷumun ittuaŋanik aasii tamatkua akiḷḷiḷiqsuutiruat ilaanun payariŋaitkaat ilaa.

Tavra taamna taggisiqaqtuaq Uqaluŋmik iñuġuŋaruq aasii iñuuqataullakłuni uvaptiŋni, naamaruamik nagliktuutiqpaqaqłuni iḷumun ittuaguvluniḷu. Uvagut tautuŋagikput kamanautaa, kamanaun kisimisualuk Iġñitualuuruam Aapamun pigikkaŋa.

aasii taavrumuuna Uqalukun God-im savaŋagai supayaat, suli atausiuraq-unnii savaaguŋaruaq savaaguŋaitchuq ilaa piiḷḷugu. Uqaluŋmiñ kaŋiqaŋaruq iñuggun, aasii taavruma iñuggutim qaġġirrigai iñuich qaummaġmik, iḷisautivlugich God-im iḷumun ittuaŋanik.

Uvlutqiŋman John-gum tautuŋagaa Jesus qairuaq tuŋimiñun, aasii uqallaŋaruq, Avva, Imnaiyaaŋa God-im piiqsiruaq piḷuutiŋiññik nunam iñuŋisa.

Ilaa nunamiinŋaruq, ilaan savaŋagaa nuna, aasiiḷi nunapayaat naluŋagaat. Ilaa qaiŋaruq pimiñun, aasii nanmiñiq iñuŋisa akuqtuŋaitkaat.

iḷisaurriruaq iḷumun ittuamik, qaigaqsiruaq nunamun qaġġirriḷuni qaummaġmik iñupayaanun.

God-im qaiñŋagai pitqurat Moses-kun, aglaalli nagliktuutiqpak iḷumun ittuaġlu qaisauŋaruk Jesus Christ-kun.