Popular Bible Verses from يَيَ 12

ಶೇರ್

شَ نَشَن يٌ وَ مَ ﭑ مَ وَلِ سُشُقٍ، عَ شَ بِرَ ﭑ قْشْ رَ نّ، ﭑ تَن نَ لُ دّدّ، ﭑ مَ وَلِكّ قَن نَ نَا. شَ نَشَن يٌ ﭑ مَ وَلِ سُشُ، بَبَ عَلَ عَ كَنيِ بِنيَمَ نّ.»

نَشَن فبَكُمَ عَ يّتّ شَ دُنِحَ قٍ رَ، عَ لْيمَ نّ. نَشَن مُ كَنكَنمَ عَ يّتّ شَ قٍ مَ يِ دُنِحّءِفِرِ كُي، عَ عَبَدَن كِسِ نَن سْتْمَ.

ﭑ شَ عَ قَلَ وٌ بّ عَ نْندِ كِ مَ، شَ مَالٍ شْرِ مُ سِ، عَ مُ دِحّ عَ يّتّ مَ بْشِ بُن، عَ لُمَ نَ كِ، عَ كٍرٍن فبَنسَن. كْنْ شَ عَ سَ دِحّ عَ يّتّ مَ بْشِ بُن، عَ عَ بٌفِ فبٍفبٍ نَن نَمِنِمَ.

ﭑ تٌ قَشِ دُنِحَ، نَءِيَلَنيِ نَن ﭑ نَ، عَلَكٌ نَشَن يٌ نَ دَنشَنِيَ ﭑ مَ، نَ كَنيِ نَشَ لُ دِ مِ كُي سْنْن.

شَ نَشَن يٌ ﭑ شُي مّ، كْنْ عَ مُ عَ رَبَتُ، ﭑ تَن مُ نَ كَنيِ مَكِيتِمَ، بَرِ مَ ﭑ مُ قَشِ دُنِحَ مَكِيتِدٍ شّ. ﭑ قَشِ دُنِحَ رَكِسِدٍ نّ.

مَرِيَمَ نَشَ سَ نَرَدَ لَبُندّ تُرٍ لِتِرِ تَفِ تٌنفٌ. نَرَدَ تِنسٍشِ نَن نُ عَ رَ، نَشَن سَرٍ شْرْشْ كِ قَنيِ. عَ نَشَ عَ مَسٌ عِسَ سَنيِيٍ مَ، عَ عٍ مَقُرُكُ عَ شُنسّشّ رَ. لَبُندّ تُرٍ شِرِ نَشَ دِن بَنشِ بِرِن نَ.

عٍ نَشَ تُفِ قّنسّيٍ تٌنفٌ، عٍ سِفَ عَ رَلَندٍ عٍ شُي عِتٍ رَ، «تَنتُي نَ وٌن نَكِسِمَ بّ! بَرَكَ نَ عَ بّ نَشَن قَقٍ مَرِفِ شِلِ رَ، عِسِرَيِلَ مَنفّ!»

عِسَ نَشَ عٍ يَابِ، «وَشَتِ بَرَ عَ لِ عَدَ مَ شَ دِ شَ شُننَكٍلِ شَ مَكّنّن.