Popular Bible Verses from Jean 19

ಶೇರ್

Jésus anyon kpingo vin ni si na pekoni, lo tene: “Ye kue ahunzi awe!” Lo ba li ti lo na sese si lo kui.

Na pekoni, Jésus ahinga atene, fadeso ye kue ahunzi awe. Ti sara si tënë ti Mbeti ti Nzapa aga taa-tënë, lo tene: “Nzara ti ngu asara mbi!”

Jésus abaa mama ti lo na mbeni disiple ti lo so lo ye lo mingi, ala yeke luti kâ. Tongaso Jésus atene na mama ti lo: “Wali, baa, molenge ti mo laa.” Na pekoni, lo tene na disiple ni: “Baa, mama ti mo laa.” Ti londo na ndembe ni so, disiple ni amu mama ti Jésus na da ti lo.

Me so ala si na Jésus, ala baa so lo kui awe, nilaa ala kungbi agere ti lo pepe. Mbeni turugu akpo kate ti Jésus na likongo, gi hio tongaso, mene na ngu asigigi daa.

Ye so asi titene tënë ti Mbeti ti Nzapa aga taa-tënë; tënë ni atene: “Fade bio ti lo oko ayeke kungbi pepe.” Mbeni tënë so a su ayeke so: “Lo so ala kpo lo so, fade azo ayeke baa lo.”

Lo wani, lo yo keke ti kroa ti lo, lo sigigi si lo gue na ndo so ala iri ni “Ndo-ti-abio-ti-li”; a iri ni na yanga ti hebro “Golgota.”

Aturugu amu akamba ti ki aleke ni tongana kpoto ti gbia si ala zia na li ti lo; ala yu na lo mbeni kota bengba bongo.