Popular Bible Verses from Tongo nda ti aye 21

ಶೇರ್

KOTA GBIA aga ti sara nzoni na Sara alingbi na tënë so lo tene. Lo sara ye na Sara alingbi na zendo so lo mu ando.

Nzapa ama toto ti molenge ni si na nduzu kâ, *ange ti Nzapa airi Agar, atene: “Agar, nyen laa asara mo, nyen? Sara mbeto pepe, ngbanga ti so Nzapa ama toto ti molenge ni na ndo so molenge ni ayeke daa so. Londo! Mu molenge ni na nduzu! Mo gbu lo ngangu, ngbanga ti so mbi yeke sara titene mbeni kota mara abaa gigi na lege ti lo.”

Sara amu ngo si lo du molenge-koli na Abraham na ndembe so Abraham aga mbakoro awe. Sara adu molenge ni gi na ngoi so Nzapa afa na lo.

Sara atene: “Nzapa asara titene mbi he ngia. Azo so kue ayeke ma tënë ti Isaac ayeke bongbi na mbi ti he ngia ni.”

Me Nzapa atene na lo: “Ayeke nzoni be ti mo aso ndali ti molenge ni na ngbaa-wali so pepe. Ma tënë so kue Sara ayeke tene na mo, ngbanga ti so na lege ti Isaac laa mo yeke wara ahale so mbi mu zendo ti ala na mo.

Ti molenge ti ngbaa-wali ni, mbi yeke sara titene na lege ti lo mbeni mara abaa gigi, ngbanga ti so lo nga lo yeke molenge ti ya ti mo.”