Popular Bible Verses from Genesis 32

ಶೇರ್

Minikagi se otaw sìyan, “Lekat seini, eked ka den ingedani ki Jacob, meneng ingedanan ka beling ki Israel (kelebadan niyan, minato diyà te Timanem). So migpeliyangay ka aw Timanem, domaeg ka heman te menge otaw.”

Minikagi se otaw sìyan, “Pelowai a den, so agpet den lomibtak se aldaw.” Meneng minikagi si Jacob, “Eked a singed aw begayan a no te mèpiya.”

Olò si Jacob se wedà batas. Penga niyan, doen migpekità diyà ki Jacob aw migpeliyangay dan lamig te iselem.

Iningedanan i Jacob se tanà sìyan Peniel (kelebadan niyan, bawa te Timanem), so minikagi sikandin, “Kinità ko den se bawa te Timanem, meneng wedà a kedì kematay.”

Pegketaga-taga te otaw sìyan te eked dàgi si Jacob, inewidan din se pangkol i Jacob, aw neliyu iyan.

Mig-insà se otaw sìyan, “Sinu lay se ngadan nikaw?” Timaba sikandin, “Siak si Jacob.”

Mig-insà si Jacob, “Sinu ka lay bag?” Timaba se otaw sìyan, “Ikà eg-insà aw sinu a.” Penga niyan, mèpiya se impakang din diyà ki Jacob, aw nesayo sikandin.

Pelaban dakel se keido no diyà kanak wedad temanan niyan, so ontò a medanà diyà kamno. Kedengan te pegbatas ko te wayeg te Jordan pesalo doton ki Laban, wedad palos inibing ko olò bangkà. Meneng songkani doen den dowa dakel ebong ko seini.

Doun niyan, pengkey lamig songkani, kenà egpengànen te menge bowad-bowad i Israel se ogat te pangkol te ayam-ayam eg-iyawen dan, so yan se inewidan te Timanem te pangkol i Jacob.

Penga niyan, migtawal-tawal si Jacob, “E Timanem egseligan te apò ko si Abraham aw amay ko si Isaac. Pengolo ko, sikona se minikagi diyà kanak te keilangan molì a doton te tanà tinebawan ko aw menge kedomaan ko, aw migpakang ka heman te dakel se ibegay no diyà kanak.

Tebangi a bag seini amon eked a peelegi te kedowa ko si Esau. Nelemitan a aw lomompak sikandin diyà kenami, aw megelà se kedita day sipat te menge esawa ko aw menge batà ko.