Popular Bible Verses from LUCAS 13

ಶೇರ್

Gawa yoy anggaay nayarian yon onloob ed mainget a puirta, ta kuankod sikayo: amayamay iray totoon mampilalek ya onloob, balet ag da nayariay onloob.

Walad may biin labinwaloy taon to lan mansasakit, ta inaponay maoges ya ispiritu. Lapud sayan sakit to mapalaloy inkabokut to, kanyag ag to naonat a balut so beneg to. Nen anengneng nen Jesus, tinawag to tan inkuanto, Inmabig ka lad liliknaen mo!

Insan intapew nen Jesus iray lima tod samay bii, et tampol a nampetek so beneg to tan indayew toy Dios.

Wala ray naonur a makaona, tan wala ray makaona a naonur.

No inmalagey lay panguloy pamilya tan inkaput to lay puirta, wala kayod paway tan ontoktok kayo. Katawan, inkuanyo, lokasan mo kami pa! Onebat ed satan, Ag ko amta no taga iner kayo!

Andi! Kuankod sikayo a no ag yo benegan iray kasalanan yo, ompatey kayo met ya amin, a singa sikara.

Balet ikuanto lamet, Ag ko amta no iner so nanlapoan yo. Arawi kayod siak, sikayon managgaway kaogsan!

Inkuanen Jesus, Antoy aliling na Panariay Dios? Antoy pangiparaan ko? Aliling toy bokel na mustasa ya intanem na sakey a too ed tanamanan to. Tinmubo tan binmaleg a sakey a kiew, tan saray manok ed tagey nanoobung irad saray sanga-sanga to.