Popular Bible Verses from JUAN 7

ಶೇರ್

Onung na ibabagay Masanton Sulat, Siopamay manisiad siak, onagos a manlapud puso to ray sobul na danum a mangiter na bilay.

Diad kaonuran tan manona ya agew na pista, inmalagey si Jesus tan kuantod maksil a bosis, Siopamay napgaan nepeg toy ondagod siak tan oninom.

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

Ag yo sisintinsiaay too lapud saray nanengneng yon gagawaen to; sintinsiaan yo onung ed kaptekan.

Say toon manlapud sikaton diliy bangat to, say kitanduro toy aanapen to. Say mananap balet na pakagalangay angibakid sikato, matwa tan matonung.

Inmebat si Jesus ed sikara, Ag ko kien so ibabangat ko, no ag ingen kien na angibakid siak.

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.