Popular Bible Verses from JUAN 21

ಶೇರ್

Kasumpal dan angan, tinepet nen Jesus ed kinen Simon Pedro, Simon ya anak nen Juan, lalon inaro mo ak nen saraya? On, Katawan, ebat to, amtan ya inaro ta ka. Inkuanen Jesus ed sikato, Asikasom iray kordirok. Pinidwa nen Jesus a tinepet, Simon ya anak nen Juan, inaro mo ak? On, Katawan, ebat to, amtam ya inaro ta ka. Inkuanen Jesus ed sikato, Asikasom iray karnirok. Pinitlo nen Jesus a tinepet, Simon ya anak nen Juan, inaro mo ak? Naermenay Pedro ta pinitlo nen Jesus a tinepet, Inaro mo ak? Kanyan kuantod kinen Jesus, Katawan, amtam iray amin a bengatla; amtam ya inaro ta ka! Inkuanen Jesus ed sikato, Asikasom iray karnirok.

Ibagak ed sikay katwaan: nen ogaw ka ni, sikay mansosolung na kawes mon dili tan oonla kad labay mon laen. Balet no masiken ka la, iyonat mo ray limam tan sananey so mangisolung na kawes mo tan iyakar to ka ed ag mo labay a laen.

Inkuantod sikara, Ipelag yoy iket ed nikawanay baloto tan makala kayo. Impelag da sirin so iket, et ag da la nagoyur lapud karakel na siran nala.

Inkuanen Simon Pedro ed saray kakaiba to, Mansigay ak. Mila kami, kuandad sikato. Kanyan nambaloto ran linma. Balet diad saman a labi anggapoy nala ra.