Mwanzo 1ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mwenyezimungu akisema tena: “Timumbe binadamu kwa wajii yetu, wakulandana nofwe, ataware inswi za mbahari, nyuni zakwiruka, manyama wakufuwiwa, wa nnundu, na wadudu piya wakurikweta pansi.” Basi Mwenyezimungu kamumba binadamu kwa wajii yake, kweli-kwelini kwa wajii yake mwanyewe kamumba munu, mwananlume na mwanamuka kawomba.

Mwenyezimungu akiwajanliya, akiwambira javi: “Muwe na rútuba, mukure na mupongolane. Mongezeke na muwe na uwezo julu ya vinu piya. Mutaware inswi za mbahari, nyuni zakwiruka, na manyama piya wakwenenda muinti.”

Mwanzo Mwenyezimungu komba bingu na duniya.

Ardhi íkiwa yawaka bila umbo. Íkiwa bahari yakwica na kwinukala, na Roho ya Mwenyezimungu ákidandaza yaaa julu ya maji.

Sambi Mwenyezimungu akisema javi: “Iwepo nuru!” Basi ire nuru ikanza kuwapo.

Mwenyezimungu vyaatendire vire piya kawona kuwa vyema pakulu sana. Ikipita suku ya sita, kukica subuu.

Mwenyezimungu akiwona nuru ire kuwa ngema. Akawanya nuru na kisi.

Mwenyezimungu akiwambira tena: “Onani! Nukupani kila namuna ya minyani yakupa mbeyu ijare muinti-mu piya, na miti piya yakupa visumo vya nango, ipate viwe cakurya cenu.

Mwenyezimungu nuru ire keta “nsana” na kisi keta “usiku”. Ikipita suku ya kwanza, kukica subuu.

Sambi Mwenyezimungu akisema: “Uwe-po wasaa kati ya maji, ipate maji awanyike!”

Na nyama piya za muinti, nyuni piya zakwiruka, na wadudu piya wakurikweta pansi, piya vyenye uhai, cakurya cawo cikuwa minyani miwisi piya.” Kwa javyo, vikikuna novyo.

Basi Mwenyezimungu akisema: “Binguni viwepo vyakumwarika, ipate wawanyike usiku na nsana! Viwe alama ya kumanyirisa mirongo ya wakati, suku, na myaka.

Mwenyezimungu tena akisema: “Ardhi iwotese minyani yakupa mbeyu jisijisi na miti ya visumo jisijisi ya kila namuna, na kila kisumo na nango yake.” Kwa javyo, vikikuna novyo.

Basi Mwenyezimungu paatendire wasaa akawanya maji ari sini na julu ya wasaa. Kwa javyo, vikikuna novyo.

Ardhi ikiwotesa minyani yakupa mbeyu jisijisi ya kila namuna, na miti ya visumo vya nango jisijisi ya kila namuna. Basi Mwenyezimungu akiwona kuwa vyema.

Mwenyezimungu katenda vinu viwiri vikulu vyakumwarika. Cakumwarika kikulu pakulu ndi juwa ritaware nsana, na kitoto ndi mwezi utaware usiku. Na katenda novyo nondwa.

Sambi Mwenyezimungu akisema javi: “Maji ari sini ya wasaa akusanyike awe mahala pamoja, iwoneke nrima.” Kwa javyo, vikikuna novyo. Mwenyezimungu nrima ire keta “ardhi” na maji akusanyike are keta “bahari”. Basi Mwenyezimungu kawona kuwa vyema.

Mwenyezimungu akiwajanliya akisema: “Muwe na rútuba mukure mupongolane na mwijare maji mbahari, na novyo nyuni zipongolane zongezeke muinti!”

Sambi Mwenyezimungu akisema javi: “Ardhi ipongore viyumbe hai piya vya kila namuna jisijisi: nyama zakufuwiwa, wadudu wakurikweta pansi, na nyama za nnundu za kila namuna jisijisi.” Kwa javyo vikikuna novyo.

Sambi Mwenyezimungu akisema: “Mmaji ainshi makundi a viyumbe hai na nkati ya wasaa uri kati ya ardhi na bingu ziruke nyuni!”

Mwenyezimungu kawomba manyama wa nnundu wa kila namuna jisijisi, manyama wakufuwiwa kila namuna jisijisi, na wadudu piya wakurikweta pansi kila namuna jisijisi. Basi Mwenyezimungu akiwona kuwa vyema.