Popular Bible Verses from Marcos 14

ಶೇರ್

Ngana, Ibpa, O Ibpa ko, ing sabla arapat mu. Idayu me kaku iting kopa. Oneng aliwa ing kaburian ku, nune ing kaburian mu ya ing mipamintuan.

Magpuyat kayu at manalangin ban e na kayu sambutan ning tuksu. Ing espiritu makasadia ya, oneng ing laman maina ya.

Tandanan yu iti: nukarin ya man mipanaral ing Mayap a Balita mabanggit munaman ing depat na niting babai bilang kapigaganakan keya.

Sinabi na karela, Saskup ku salu uling mabayat ing panamdaman ku. Malakuan kayu ken at magbante kayu.

Kabang mamangan la, kinangwa yang tinape i Jesus, at pepasalamat ya king Dios. Pemirasu ne ing tinape, at binie ne karing alagad na. Ngana, Tanggapan ye; iti ya ing kanakung katawan.

Kaybat na nita, kinua ne ing kopa, at pepasalamat ya king Dios, at binie ne ing kopa karela at mininum la ngan. Nganang Jesus karela, Iti ya ing kanakung daya, ing daya ning kasunduan, ing dayang mibubu para karing dakal a tau.

Nganang Jesus karela, Ikayu ngan painggulutan yu ku, uling iti ya ing sasabian na ning kasulatan, Paten ke ing pastul at misalbag la ding tupa.

Mibangun na kayu at tara na. Oyni na ing magtaksil kanaku!

Pedro, nganang Jesus, pakatandanan mu ini, ngeni mu ring benging iti makatatlu mu ku ilingad bayu ya tulauk makatadua ing tatyo.