Popular Bible Verses from Lucas 5

ಶೇರ್

Kayari nang migsalita, ngana kang Simon, Ilaut me pang bagya ing bangka king malalam at ibaldug yu la ding lambat yu ba kayung makarakap asan.

Nganang mekibat Simon, Maestro, kabukas na keng babaldug lambat, oneng e ke mekarakap nanuman. Makanyan man, nung ita ya ing yutus mu, ibaldug ku la ding lambat. Bildug da la ring lambat; milalu la king karakal ding arakap dang asan at halus masira la ding lambat da.

Makanyan man, maralas yang pupunta i Jesus karing lugal a tahimik at karin ya manalangin.

E ku dinatang ban ausan ku lang sumisi ding banal, nune ding makasalanan.

Inyang ikit nang Simon Pedro iting mepalyari, siniklaud ya arap nang Jesus at ngana, Dumayu ka kanaku, Ginu, uling tau kung palpikasala!

Nganang mekibat Jesus karela, E re kailangan ding taung alang sakit ing doktor, nune ding taung masakit ilang mangailangan king doktor.

Ginuyud da la king mamala ding bangka ra; likuan da ing sabla-sabla at tinuki la kang Jesus.

Misan a aldo, atyu i Jesus king metung a balen nung nune disnan ing metung a lalaking leprosuan king mabilug nang katawan. Inyang ikit ne i Jesus, migsakab ya king arap na at inawad na, Ginu, nung burian mu, apakayap mu ku! Inatiat neng Jesus ing gamat na at tigkilan ne. Ngana, Buri ku, kumayap ka! Kanita mu rin milako ya lepra ing lalaki.

Oneng lalung mikalat ing balita tungkul kang Jesus, inya minta la kang Jesus ding dakal a tau ban makiramdam at paulu king miyayaliwang sakit da.