Popular Bible Verses from Lucas 17

ಶೇರ್

At nganang Jesus king Samaritano, Talakad ka at mako na ka; kinayap ka uli na ning kasalpantayanan mu.

Nung makatapitung besis yang mikasala keka kilub ning patingapun, at makatapitung besis yang linapit keka at sinabing, Sisisi ku, sukat meng patawaran.

Inyang apansingan na ning metung karela king kinayap ya; migbalik yang kukulisak kapurian king Dios. Migsakab ya arap nang Jesus at pepasalamat ya keya. Samaritano ya ing taung iti.

Inya mingat kayu! Nung mikasala ya ing kapatad mu, sabianan me; patawaran me nung sumisi ya.

E la wari apulu ding kinayap? nganang kinutang Jesus. Nu la karin ding siam?

Pekibat na ning Ginu, Nung atin kayung kasalpantayanan a kasing dagul na mu man ning butul mustasa, asabi yu kaniting tanaman a sikomoro, Mabagut ka at iyalis mu ing kekang sarili king dagat! at mamintu ya kekayu.

Ing ninumang magkapilit magligtas king bie na, abating ne iti; oneng ing ninumang mibating king bie na, aligtas ne.

Nganang Jesus karing alagad na, E la kapilan man mawala ding panibatan na ning pamikasala, oneng makapangilabut ing kararasan na ning taung panibatan na niti! Mayap pa ing isabit ya king batal na ing metung a maragul a gilingan-batu at iyatsa ya king dagat kesa king maging sangkan ne ning pamikasala na ning metung karing mangalating deti.

Nung nanu ing milyari kanitang panaun nang Noe, makanyan munaman ing malyari king panaun ning Anak ning Tau. Kanitang panaun nang Noe, mamangan la at miminum ding tau, kakasal la at makiasawa la angga king aldo a sinake ya i Noe king barku. Dinatang ing albug at mete la ngan.