Popular Bible Verses from Juan 6

ಶೇರ್

Nganang Jesus karela, Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku.

Ing Espiritu ya ing babie bie. Ala yang aibie ing laman. Ding amanung sinabi ku kekayu Espiritu la at bie.

E yu panintunan ing masisirang pamangan, nune panintunan yu ing pamangan a manatili angga king bie alang angga. Ibie na iti kekayu ning Anak ning Tau uling ya ing dininan nang upaya ning Dios Ibpa.

Uling iti ya ing kaburian nang Ibpa ku: ing balang metung a manakit king Anak at maniwala keya mika bie yang alang angga at pasublian keng mie king tauling aldo.

Nganang mekibat Jesus, Iti ya ing parapat na ning Dios: maniwala kayu king tinubud na.

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku

Nganang mekibat Simon Pedro, Ginu, kenu ke pa munta? Atyu la keka ding amanung babie bie alang angga.

Aku ing mabie tinape a tinipang ibat banua. Ing ninumang mangan kaniti mie ya kapilan man. At ing laman ku ya ing tinape a ibie ku ban mie ya ing yatu.

Alang makalapit kanaku subali mu nung ilapit ne ning Ibpang mitubud kanaku at pasublian keng mie king tauling aldo.

Uling ing tinape a babie na ning Dios ya itang titipang ibat banua at babie yang bie king yatu.

Aku ing tinape ning bie.

Kinua na lang Jesus ding tinape at inyang mekapasalamat ne king Dios, pemie na la karing pakalukluk. Makanyan munaman ing gewa na karing asan. Mirinan la ngan ding tau anggang bisa la. Inyang kinabsi la ngan, sinabi na karing alagad na, Tipunan yu la ding pisipising mitagan ban alang masayang.

Inyang mekabagse na lang ating lima o anam a kilometru, ikit deng lalakad i Jesus babo ning danum at palapit ya king bangka. Mitakutan la. Nganang Jesus karela, Aku, e kayu tatakut.