Popular Bible Verses from Genesis 13

ಶೇರ್

Ibie ku keka at karing maging lahi mu ing heganaganang gabun a akakit mu ban maging kekayu king kapilan pa man.

Kalako nang Lot, migsalita ya ing GINU kang Abram. Ngana, King kekang kabilian maglalawe ka; lumawe ka king dane norti, mauli, aslagan, at albugan.

Parakalan ku lang anti ing alikabuk na ning yatu ding kekang lahi; nung sakaling abilang da ing alikabuk ning yatu, kanita abilang da la naman ding lahi mu.

Kanita nganang Abram kang Lot, E kata sana mipapate at ding magpastul ta. Mikamaganak kata!

Linipat na lang Abram ding tolda na at menuknangan ya lele na ning sagradung tanaman ning Mamre ning Hebron. Mitalakad yang altar karin para king GINU.

Linawe yang makapadurut i Lot at ikit nang mipaparanuman yang masalese ing mabilug a Kapatagan ning Jordan angga karin Zoar, kalupa na ning sarili nang mulahan ning GINU o ning Ehipto. (E ne pa kanita silaban ning GINU ing Sodoma at Gomorra.)