Popular Bible Verses from Ranehlö 6

ಶೇರ್

Ngaich ngam Mā Tēv nö haṙivtīre nö vī tarik nö ikui ngam tumlat, ngaich miṙivngölōn Ò angū-ö.

Ngaich ngam Mā Tēv nömeuk tö ötlanöökö tarik nö kiröng nö im tumlat, ane inrē ṙòkhöre chanöh ellōn ò nö iṙūöhen nö ötlöök.

I mat ngam Mā Tēv pöri Nō-a nö teūngen tö inkôlò.

Në nun ineūkö Nō-a, Töchiplö ök Nō-a nö tarik, töteung nö ik hēre: holröön ngam Tēv Nō-a nö kiröönköre.

Ngaich ngöṙô ngam Mā Tēv, Hòṅ piyāingö ngòh tarik Chin ngam vahī-il Chu ṙā-ang ikūö ngam tumlat; hĕnghöre töfënö kalröön inrē, töṙeūla chehen, chehechōn inrē el kuföt; pò e nö miṙivngen Chu töchu vīlen cha.

Chalô ngaich tö e, hē ranulten tarik nö ṙūölöre ṙôken nö ikūö ngam panam, kayôḵnyu ngaich nyīö kikānö; Ngaich yik nyīö kikōnyö aṅ im Tēv nö meuk yik nyīö kikānö aṅ i tarik, töcha növai; ngaich kēḵ pīhöre chā-a töcha nö ṙòkhöre yik töng atöllö cha. Ngaich ngöṙô ngam Mā Tēv, Hö-ö ön min ngihlōn Chu nö örheūheu nö lā-al tarik, pò ò inrē angā-aṅ nöng alaha: lökten nup sakāmö ò min nö hēngòng nët anāi samyeūheu. Nefēlim yik umuh ikūö ngam tumlat hē nuk sakāmö anū-ö, unôichrit e inrē, hē yik nyīö kikōnyö aṅ im Tēv nö yihtöre nö iyik nyīö kikānö aṅ i tarik, ngaich chā-a nö kayôḵnyö kūön cha tö nyīö: chā-a yik tökalēḵ tarik yik ik misī, tarik tö-eūnyu.

Ngaich ngatī Nō-a; sa nup taṙòkhöre ṙô ngam Tēv nö tölṙô ò, ngatī angā-aṅ.

Ngaich ngöṙô ngam Tēv tö Nō-a, Yih ön nö ikui Chu ngam manāngen në alaha nö ṙòkhöre: pòngam tumlat nö tööḵlö tö chanökhuṙen löktökūö cha; yĕh meuk, hòṅ piyāingen cha Chin anòngngen ngam tumlat.

Vīchōngre man tö Kòför chōn; vī nup urôhò pömchö el ap chōng, ngaich pīrööman tö paröm lā ël lā uk inrē.

Ngaich ngam Tēv nö ngëichkö ngam tumlat, yĕh meuk, chōich angū-ö: pòn ṙòkhöre alaha nö hachōichngö talöököre nö ikui ngam tumlat.

Aṅ inup tö-aṅ chehen nö ṙòkhöre tö-alahavö, nët nòng itöhĕng mihëṙö, kum meh min ël ngam chōng, haköpö u nö aṅ nö hol meh; kōiny, kan inrē anū-ö min.