Popular Bible Verses from LUK 4

ಶೇರ್

“Mapao vei Rakosü Apei hi bue, daiolouzü puhnou Eye sü toure hamai hi ko avei paodou peire donou dopa peire. Puh nou Eye sü hukhakihi bumai taohi mado souyu ea nghichamai hisü nghi ngaolouyu sü shangao peire, sovea-souhowuyu maiye phapeiyu, alia Mapao vei aetou peiyu po nasü shangao peire Eye seipeire.”

Alia Jisu nou puh hi chila peie, “Haibüa rüthoure, ‘Nenou ne Ramai Mapaoye khurülai ea nenou puhye likheithe kuvah soubailai.’”

Ana Jisu nou puh hi chila peie, “Haibüa rüthoure, ‘Emai nou raokhao likheinou hrilouhoe.’”

Alia Jisusü Rako Mashinou phoupfüa Jordan hinou khaitare, alia Rakonou süthaipoa rekouhi tare

Ana Jisu nou puh hi chila peie, “Sheeyu larübvü hinou haibüa paore, ‘Nenou ne Ramai Mapaoye zhai zhuwulaimoe.’”

Alia rashi nanou Jisu ye thaolou veisa thaowuyu thaisü, kukhe zhou avei ngaomosa koutesü puhnou puhye sü thaowu-a tare.

Süthaisü rashi nanou puhye sü kuyu buhhi sapaloua nghiphei ali hinou deiphao vebuh teiteisü puh hi pongaoe, alia haibüa puh hi paoe, “Haitao teiteivei ea kini veishisü Enou nehi peilai, daiolouzü haitao teiteisü Ahi thoupeiwure, alia sünasü Enou peinüyu mai talihi peilou süe. Südonou nenou Eye khurü louzü, sütaosü nevei soukhailai.” Alia Jisu nou puh hi chila peie, “Haibüa rüthoure, ‘Nenou ne Ramai Mapaoye khurülai ea nenou puhye likheithe kuvah soubailai.’”

Süthaisü rashi nanou puhye Jerusalem hi saveloua puhye sü Rathoki kipei dukhahi sapa khaire, alia puh hi paoe, “Nehai Ramai Nahpoutue toulouzü, nelah buh haihinou chokoukhaio. Daiolouzü haibüa rüthoure, ‘Ramai nou puhvei rakivamai taohi neye soutaosoua khotou loure donou kharochi peilai,’ alia ‘puletao nou puletao bah nou neye polah peilai, sübüa nephi koutea panou chuh hinou zhulaimoe.’” Ana Jisu nou puh hi chila peie, “Sheeyu larübvü hinou haibüa paore, ‘Nenou ne Ramai Mapaoye zhai zhuwulaimoe.’”