Zapoteco, Sierra Juarez - 1970 Edition (Drama - NT)

<div class="version vid852 iso6393zaa" data-vid="852" data-iso6393="zaa">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="p"> 1Xuppa ubitsa bitola nna, Jes&#250;s nna guleqquie Pedrua nna Jacobua nna lani bettsi' bi Ju&#225;an y&#224;'latsi', guchi'e cabi lo ttu i'ya &#7929;eni ts&#232;'. 2N&#237;a nna bettsi&#225;n&#237; la' rinna' qu&#236;'e ru'a lo cabi nna uccua tittin&#237; l&#250;e t&#236;'a bits&#261;', &#261;'hua &#7929;&#250;e nna beyacca ts&#237;ttsi t&#249;ni ti' ta&#225;n&#237; &#7929;iani' bits&#261;'. 3De repente ta&#225; nna gudu Mois&#233;s nna El&#237;as nna ru'a lo cabi nna rue' cabi titsa' lani e. 4Gunne t&#232; Pedrua nna ra bi Jes&#250;s: Se&#241;or, yala ts&#232;' canchu eya'na ri'u n&#236;. Canchu hua calatsi' cui&#261;'lu' nna guni tu' tsunna y&#250;'u l&#183;la' to', ttu para cui&#261;'lu' nna, attu para Mois&#233;s nna, attu para El&#237;as nna. 5Atsaba rinne Pedrua nna gul&#183;lani ttu b&#237;a nu rud&#224;ni'raba nna bedib&#224;ga'&#261; cabi. Biyeni t&#232; tsi'i ttu enne' gunnie d&#232;sdeba le' b&#237;a nna r&#232;e: L&#224; enni'&#303; &#7928;i'nia' yala catsi'&#237; ti' e, yala redacca' te' por nu runie. Li&#250;da naga' le qu&#236;'e. 6De biy&#233;nini ca disc&#237;pulua ca t&#236;tsi'&#303; nna gubixi cabi gure'l&#243; ta&#225; l&#224;ti ts&#232;'e cab&#237;a de tantua gutsini cabi. 7L&#224;niana gubiga' Jes&#250;s bel&#225;ppe'e cabi nna r&#232;e: Ley&#225;tha nna, bittu g&#225;tsini le. 8Guch&#236;tha t&#232; lo cabi pero lanuru nu&#7929;a bil&#225;'ni cabi sino &#225;l&#225;teruba Jes&#250;s. 9Bey&#224;di b&#225; cabi lo &#237;'ya&#225; nna gun&#232;ni Jes&#250;s cabi nna r&#232;e: N&#250; tt&#250; tehua nu&#7929;a quixa'&#225;ni le nu bil&#225;'ni le sino h&#224;sta'na qui'ni Nubeyu' de &#7928;iabara' nna ey&#225;th&#232;e de lo l&#249;'uti. 10L&#224;niana ca disc&#237;pulo qui'&#225;a nna gun&#224;ba titsa' cabi e nna ra cabi: Biala cca rena ca maestro de la ley qui'ni naduel&#183;la' &#236;ta y&#224;'la la El&#237;as c&#225;. 11Bec&#224;bi Jes&#250;s nna r&#232;e cabi: Hualiba y&#224;'la El&#237;as &#236;ta; l&#224;bi nna guni bi arreglar iy&#225;bani. 12Pues El&#237;as nna ch&#236;la b&#236;ta bi, pero lab&#237; benibia' ca enne' bi sino beth&#225;cca' la c&#261; bi iyate nu uccua latsi' qu&#303;. &#260;'hua Nubeyu' de &#7928;iabara' nna bey&#224;l&#242; b&#225; n&#225; nu guthacca' c&#261; ne. 13L&#224;niana gutel&#237;ni ca disc&#237;pulua qui'ni qui' Juan el Bautista nu&#225; r&#232;e an&#237;a.</div><div class="p"> 14De betsina' cabi l&#224;ti ts&#232;'e ca enne' &#7929;&#233;tsi'&#225; nna bitsina' t&#232; ttu nubeyu' bedu&#7929;&#237;b&#303; ru'a lo Jes&#250;s nna r&#261; ne: 15Se&#241;or, bet&#250;a latsi' cui&#261;'lu' &#7929;i'ni yi'&#303; qui'ni yu'&#261;&#769; be' nna yala tel&#225; fuerte ridacca'&#261;; i&#7929;&#233; vuelta chi gubixi&#261; lo yi' &#261;'hua le' inda nna. 16Chi tahua' ya' &#261; ru'a lo ca disc&#237;pulo qui' cu&#237;&#261;'lu'&#303; pero lab&#237; uccuani cabi eyuni cabi &#261;. 17Bec&#224;bi Jes&#250;s nna r&#232;e: Lebi'i canu lab&#237; r&#237;alatsi' nna d&#237;&#225;tia le canu tul&#183;la' nna, ats&#225;lia c&#224;'a its&#225; d&#224; te' cuenia' lani le. Ats&#225;lia c&#224;'a its&#225; t&#233; qui'ni guchia' le c&#225;. L&#237;tahu&#225;' &#261; n&#236;. 18L&#224;niana gutil&#183;la Jes&#250;s esp&#237;ritu malua nna bets&#232;'e ta&#225; latsi'&#303; nubeyu' cu&#236;ti'a. D&#232;sdeba hora l&#224;nia nna beyacca ch&#236; latsi'&#303;. 19De chi ts&#232;'e cabi y&#224;'latsi' nna gun&#224;ba titsa' ca disc&#237;pulua Jes&#250;s nna ra cabi: Biecca intu' nna bihua uccuani tu' gudal&#183;la tu' &#261; fuera c&#225;. 20Jes&#250;s nna r&#232;e cabi: Porqui'ni lab&#237; rappa le confianza lani Tata Dios. Hualigani te' riquixa'&#225;nia' le qui'ni c&#225;al&#225; fe qui' le n&#261;&#769; m&#224;squi'di medida ttu b&#233;tsi' cu&#224;na nna huaccani le guni le mandar i'ya du&#303;: Gutt&#232; n&#224;'la, entonces hua tt&#236;&#261;. Porqui'ni lab&#237; bi&#7929;a t&#233; nu l&#224;a cca posible canchu r&#237;alatsi' le Tata Dios. 21Pero luetsi ca esp&#237;ritu malu&#261;' nna lab&#237; &#7929;&#225; eria b&#261;&#769; sino lani oraci&#243;n nna ayuno nna.</div><div class="p"> 22De ts&#232;'e cabi regi&#243;n qui' Galilea nna ra Jes&#250;s cabi: Nubeyu' de &#7928;iabara' nna gute c&#261; ne cuenta l&#224;tsi' n&#225;' ca enne' para qu&#233;e sufrir nna, 23&#261;'hua g&#250;tti c&#261; ne nna, pero bitsa tsunna nna ey&#225;th&#232;e de lo l&#249;'uti. De biy&#233;nini cabi r&#232;e an&#237;a nna yala behuin&#237;'ni cabi.</div><div class="p"> 24De bitsina' cabi Capernaum, l&#224;niana canu ruqui&#7929;a chuppa dracma hu&#237;a c&#261; ru'a lo Pedrua nna ra c&#261; bi: Maestro qui' l&#237;a' nna, ts&#237; bihua rute qui' l&#225;di bi chuppa moneda c&#225;. 25Pedrua nna ra bi c&#261;: Hua rutie &#7929;a. Gut&#224;'a t&#232; Pedrua le' y&#250;'a, pero y&#224;'lala Jes&#250;s bel&#183;lu&#237;tse'e bi nna r&#232;e: Sim&#243;n, biani ra lu' de nu cca qui' ca impuesto nna qui' l&#225;di nna nu ruqui&#7929;a ca rey le' y&#233;tsiloyu. Nuni ruqui&#7929;a c&#261;, ts&#237; ruqui&#7929;a c&#261; ca &#7929;i'ni qu&#303;, o, ts&#237; canu fuera b&#225; &#225;cc&#225;. 26Bec&#224;bi Pedrua nna ra bi e: Canu fuera nna t&#233; qui'ni qui&#7929;a c&#261;. Jes&#250;s nna ra t&#236;e bi: Entonces ca &#7929;i'ni rey nna ts&#232;'e b&#225; c&#261; libre &#225;l&#225;. 27Pero para qui'ni n&#250; ttu nu&#7929;a gutsa'&#225;ni iqqu&#303; nna, acca lu' nna hu&#237;a ru'a indat&#249;'&#261;' para gudaxu' lu' b&#233;l&#183;l&#225;. B&#233;l&#183;la nu gudaxu' lu' primero nna ebeqquia lu' &#261; nna ith&#224;lia lu' r&#250;'&#303;. Porqui'ni n&#237;a nna y&#249;'u ttu moneda nu dacca' tappa dracma, thi' lu' &#261;' nna gute lu' &#261;' lani c&#261; para qui'ni qui&#7929;a lu' nu cca quia' nna nu cca qui' lu' nna.</div>
 </div>
 </div>
</div>

Xuppa ubitsa bitola nna, Jesús nna guleqquie Pedrua nna Jacobua nna lani bettsi' bi Juáan yà'latsi', guchi'e cabi lo ttu i'ya ỹeni tsè'. Nía nna bettsiání la' rinna' quì'e ru'a lo cabi nna uccua tittiní lúe tì'a bitsą', ą'hua ỹúe nna beyacca tsíttsi tùni ti' taání ỹiani' bitsą'. De repente taá nna gudu Moisés nna Elías nna ru'a lo cabi nna rue' cabi titsa' lani e. Gunne tè Pedrua nna ra bi Jesús: Señor, yala tsè' canchu eya'na ri'u nì. Canchu hua calatsi' cuią'lu' nna guni tu' tsunna yú'u l·la' to', ttu para cuią'lu' nna, attu para Moisés nna, attu para Elías nna. Atsaba rinne Pedrua nna gul·lani ttu bía nu rudàni'raba nna bedibàga'ą cabi. Biyeni tè tsi'i ttu enne' gunnie dèsdeba le' bía nna rèe: Là enni'į Ỹi'nia' yala catsi'í ti' e, yala redacca' te' por nu runie. Liúda naga' le quì'e. De biyénini ca discípulua ca tìtsi'į nna gubixi cabi gure'ló taá làti tsè'e cabía de tantua gutsini cabi. Làniana gubiga' Jesús beláppe'e cabi nna rèe: Leyátha nna, bittu gátsini le. Guchìtha tè lo cabi pero lanuru nuỹa bilá'ni cabi sino áláteruba Jesús. Beyàdi bá cabi lo í'yaá nna gunèni Jesús cabi nna rèe: Nú ttú tehua nuỹa quixa'áni le nu bilá'ni le sino hàsta'na qui'ni Nubeyu' de Ỹiabara' nna eyáthèe de lo lù'uti. Làniana ca discípulo qui'áa nna gunàba titsa' cabi e nna ra cabi: Biala cca rena ca maestro de la ley qui'ni naduel·la' ìta yà'la la Elías cá. Becàbi Jesús nna rèe cabi: Hualiba yà'la Elías ìta; làbi nna guni bi arreglar iyábani. Pues Elías nna chìla bìta bi, pero labí benibia' ca enne' bi sino bethácca' la cą bi iyate nu uccua latsi' quį. Ą'hua Nubeyu' de Ỹiabara' nna beyàlò bá ná nu guthacca' cą ne. Làniana gutelíni ca discípulua qui'ni qui' Juan el Bautista nuá rèe anía.
De betsina' cabi làti tsè'e ca enne' ỹétsi'á nna bitsina' tè ttu nubeyu' beduỹíbį ru'a lo Jesús nna rą ne: Señor, betúa latsi' cuią'lu' ỹi'ni yi'į qui'ni yu'ą́ be' nna yala telá fuerte ridacca'ą; iỹé vuelta chi gubixią lo yi' ą'hua le' inda nna. Chi tahua' ya' ą ru'a lo ca discípulo qui' cuíą'lu'į pero labí uccuani cabi eyuni cabi ą. Becàbi Jesús nna rèe: Lebi'i canu labí ríalatsi' nna díátia le canu tul·la' nna, atsália cà'a itsá dà te' cuenia' lani le. Atsália cà'a itsá té qui'ni guchia' le cá. Lítahuá' ą nì. Làniana gutil·la Jesús espíritu malua nna betsè'e taá latsi'į nubeyu' cuìti'a. Dèsdeba hora lània nna beyacca chì latsi'į. De chi tsè'e cabi yà'latsi' nna gunàba titsa' ca discípulua Jesús nna ra cabi: Biecca intu' nna bihua uccuani tu' gudal·la tu' ą fuera cá. Jesús nna rèe cabi: Porqui'ni labí rappa le confianza lani Tata Dios. Hualigani te' riquixa'ánia' le qui'ni cáalá fe qui' le ną́ màsqui'di medida ttu bétsi' cuàna nna huaccani le guni le mandar i'ya duį: Guttè nà'la, entonces hua ttìą. Porqui'ni labí biỹa té nu làa cca posible canchu ríalatsi' le Tata Dios. Pero luetsi ca espíritu maluą' nna labí ỹá eria bą́ sino lani oración nna ayuno nna.
De tsè'e cabi región qui' Galilea nna ra Jesús cabi: Nubeyu' de Ỹiabara' nna gute cą ne cuenta làtsi' ná' ca enne' para quée sufrir nna, ą'hua gútti cą ne nna, pero bitsa tsunna nna eyáthèe de lo lù'uti. De biyénini cabi rèe anía nna yala behuiní'ni cabi.
De bitsina' cabi Capernaum, làniana canu ruquiỹa chuppa dracma huía cą ru'a lo Pedrua nna ra cą bi: Maestro qui' lía' nna, tsí bihua rute qui' ládi bi chuppa moneda cá. Pedrua nna ra bi cą: Hua rutie ỹa. Gutà'a tè Pedrua le' yú'a, pero yà'lala Jesús bel·luítse'e bi nna rèe: Simón, biani ra lu' de nu cca qui' ca impuesto nna qui' ládi nna nu ruquiỹa ca rey le' yétsiloyu. Nuni ruquiỹa cą, tsí ruquiỹa cą ca ỹi'ni quį, o, tsí canu fuera bá áccá. Becàbi Pedrua nna ra bi e: Canu fuera nna té qui'ni quiỹa cą. Jesús nna ra tìe bi: Entonces ca ỹi'ni rey nna tsè'e bá cą libre álá. Pero para qui'ni nú ttu nuỹa gutsa'áni iqquį nna, acca lu' nna huía ru'a indatù'ą' para gudaxu' lu' bél·lá. Bél·la nu gudaxu' lu' primero nna ebeqquia lu' ą nna ithàlia lu' rú'į. Porqui'ni nía nna yù'u ttu moneda nu dacca' tappa dracma, thi' lu' ą' nna gute lu' ą' lani cą para qui'ni quiỹa lu' nu cca quia' nna nu cca qui' lu' nna.

Listen to SAN MATEO 17