Zapoteco, Sierra Juarez - 1970 Edition (Drama - NT)

<div class="version vid852 iso6393zaa" data-vid="852" data-iso6393="zaa">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="p"> 1G&#249;dua ttu nubeyu' l&#225;&#261; L&#225;zaro, yala fuerte hu&#236;'ni&#261;. Uccu&#261; enne' Betania yetsi qui' Mar&#237;a lani &#7929;il&#237;&#303; Marta. 2L&#225;zaro nu r&#224;'nia nna uccua d&#224;na Mar&#237;a nu bedu&#261; ung&#252;ento iqquia Jes&#250;s nna bedib&#236;tsi t&#236;&#261; ca n&#236;'e lani ittsa' iqqu&#303;. 3Ca d&#224;na L&#225;zaru&#225; nna guthel&#183;la' c&#261; mandado tay&#224;tsi c&#261; Jes&#250;s: Se&#241;or, nu yala cc&#225;tse' cu&#237;&#261;'lu'a nna r&#224;'ni&#261;. 4Biyeni b&#225;ni Jes&#250;s noticia nna r&#232;e: Itsahue' qui' L&#225;zaru&#225; nna lab&#237; n&#261;&#769; para g&#225;ttini&#261;, sino para il&#225;'n&#237; la'huacca qui' Tata Dios, &#261;'hua por medio de itsahue' qu&#236;'&#303; nna th&#225;liani &#7928;i'ni Tata Dios. 5Jes&#250;s nna yala uccuats&#236;'e L&#225;zaru&#225; nna M&#225;rta&#225; nna &#261;'hua &#7929;il&#237;&#303; Mar&#237;a nna. 6Pero Jes&#250;s nna gul&#232;da b&#233;e &#225;ch&#250;ppa ubitsa l&#224;ti ri'&#225;a bitola de binee noticia. 7Bitola nna ra Jes&#250;s ca disc&#237;pulu&#225;: L&#237;tsa' Judea attu. 8Ca disc&#237;pulu&#225; nna ra cabi e: Maestro, ca jud&#237;ua nna ch&#236;' uccua ta&#225; latsi' qu&#303; hu&#233;' c&#261; cui&#261;'lu' &#237;yya. Biecca calatsi'&#237;ru cui&#261;'lu' ts&#237;a cui&#261;'lu' n&#237;a attu n&#236;'i. 9Bec&#224;bi Jes&#250;s nna r&#232;e c&#261;: Ts&#237; &#225;lahua ts&#236;'nu hora nua' cca ttu ts&#225; c&#225;. Nu&#7929;a tediba rib&#232;ni de rits&#225; nna lab&#237; ribixi&#261;, porqui'ni ril&#225;' b&#225;ni&#261; por la'yani' qui' rits&#225;. 10Pero nu&#7929;a tediba rib&#232;ni de r&#233;la nna ribixi ta&#261;&#769;, porqui'ni lab&#237; la'yani' t&#233; lani &#261;. 11L&#224;niana ra&#225;ruhu&#233;e cabi: Amigo qui' ri'u L&#225;zaru&#225; nna ti'&#225;thi b&#261;&#769; annana d&#237;'a' t&#225;dib&#225;ni ya' &#261;. 12Ra t&#232; ca disc&#237;pulo qui'&#225;a: Se&#241;or, canchu ti'&#225;thi b&#261;&#769; nna huey&#224;cca b&#225; latsi'&#303;. 13Pero Jes&#250;s nna acerca de l&#249;'uti qu&#236;'ba L&#225;zaru&#225; nu&#225; r&#232;e an&#237;a, pero ca disc&#237;pulu&#225; nna belaba latsi' cabi qui'ni gunnie acerca de b&#233;tsiala. 14L&#224;niana ra Jes&#250;s cabi claru ta&#225;: L&#225;zaru&#225; nna chi g&#249;tt&#236;&#261;, 15pero yala redacca' te' qui'ni l&#224;nua' t&#233; n&#237;a, porqui'ni annana ila'ni le la'huacca quia' nna gappa le fe lani inte'. &#201;yya ri'u tayu ri'u &#261;. 16L&#224;niana Tom&#225;s enne' reya cabi c&#250;&#225;chi'&#225; nna ra bi ad&#237; ca disc&#237;pulu&#225;: L&#237;tsa' lani e para qui'ni gatti hua ri'u lani e.</div><div class="p"> 17De bitsina' Jes&#250;s n&#237;a nna, ch&#236;l&#225; uccua tappa ubitsa big&#224;ttsi' L&#225;zaru&#225;. 18Yetsi Betania nna ri'&#261; &#232;xab&#225; Jerusal&#233;n ttu tsal&#183;lue' legua t&#236;'ga. 19Nu&#7929;etse' ca jud&#237;ua nna biria c&#261; le' Jerusal&#233;n nna hu&#237;a c&#261; litsi' Mar&#237;a nna M&#225;rta&#225; nna para &#233;yue' c&#261; c&#261; la'&#7929;eni porqui'ni g&#249;tt&#236; dana cani&#225;. 20B&#236;na b&#225; M&#225;rta&#225; qui'ni dia Jes&#250;s litsi' cani&#225; nna, biria ch&#236;&#261; para tattsa'&#261; ne; pero Mar&#237;a nna bey&#224;'na b&#261;&#769; le' y&#250;'u. 21M&#225;rta&#225; nna ra t&#236;&#261; Jes&#250;s: Se&#241;or, c&#225;al&#225; re' ba cui&#261;'lu' n&#236; nna, entonces lab&#237; g&#249;tt&#236; dana ya' a. 22Pero hua y&#250; hu&#225;' qui'ni bi&#7929;a tediba in&#224;bani cui&#261;'lu' Tata Dios lani oraci&#243;n nna, l&#232;e nna gunie na. 23Jes&#250;s nna r&#232;e na: Huey&#225;tha b&#225; dana lu'a de lo l&#249;'uti. 24M&#225;rta&#225; nna r&#261; ne: Hua yua' qui'ni ey&#225;tha dana ya' a canchu chi gal&#183;la' &#250;ltimo ts&#225;a nna eyatha hu&#225; iyaba canu yatti de lo l&#249;'uti. 25Jes&#250;s nna r&#232;e na: Inte' rech&#237;tha'a' ca enne' de lo l&#249;'uti, &#261;'hua n&#225;' la'lab&#224;ni nna. Nu r&#237;alatsi'&#303; inte', m&#224;squi'ba chi g&#249;tt&#236;&#261; nna ccab&#224;ni b&#261;&#769;, 26&#261;'hua iyaba ca enne' b&#224;ni canu r&#237;alatsi' qu&#303; inte' nna, para siempre ni lab&#237; gatti c&#261;. Ts&#237; hua r&#237;alatsi' lu' nui. 27Bec&#224;bi M&#225;rta&#225; nna r&#261; ne: Se&#241;or, hua r&#237;a b&#225; l&#225;tsa'a' qui'ni cui&#261;'lu' Enni'a Cristo &#7928;i'ni Tata Dios, chi gul&#183;lani cui&#261;'lu' y&#233;tsiloyu.</div><div class="p"> 28Beyacca b&#225; ra M&#225;rta&#225; an&#237;a nna, hu&#237;&#261; tat&#224;&#7929;i g&#224;ttsi' b&#261;&#769; &#7929;il&#237;&#303; Mar&#237;a nna r&#261; na: N&#236; du Ma&#233;stru&#225; nna rinnie lu'. 29Biyeni b&#225;ni Mar&#237;a nu ra M&#225;rta&#225; nna, guduli ch&#236;&#261; qu&#232;tha taan&#237; nna hu&#237;&#261; ru'a lo Jes&#250;s. 30Jes&#250;s nna du b&#233;e l&#224;ti tattsa' M&#225;rta&#225; n&#233;a, lab&#237; chi gut&#232;'e le' y&#233;tsi&#225;. 31Ca enne' jud&#237;o ts&#232;'e litsi' Mar&#237;a reyue' c&#261; na la'&#7929;&#233;ni&#225;, pues l&#224;c&#261; nna bil&#225;' b&#225;ni c&#261; qui'ni qu&#232;than&#237; gudul&#237; Mar&#237;a nna, acca biria tehu&#225; c&#261; den&#243; c&#261; na, nna ra c&#261;: Gub&#232;tsi b&#225; d&#237;&#261; lo b&#224;&#225;. 32Bitsina' b&#225; Mar&#237;a l&#224;ti du Jes&#250;s nna, de bila'ni&#261; ne nna bedu t&#232; &#7929;ib&#303; ru'a l&#250;e nna r&#261; ne: Se&#241;or, c&#225;al&#225; re' ba cui&#261;'lu' n&#236; nna, lab&#237; gutti dana ya'a. 33Jes&#250;s nna bil&#225;' b&#225;nie na qui'ni ribetsi&#261; &#261;'hua ca enne' jud&#237;o canu dia lani na&#225; ribetsi hu&#225; c&#261; nna, acca yala triste uccuani latsi'e nna gunnen&#237; latsi'e. 34Ra t&#236;e: G&#225;n&#237; gut&#236;xa li &#261;. Bec&#224;bi c&#261; nna ra t&#232; c&#261; ne: Gut&#224; ts&#225;ruhu&#225; inna' cui&#261;'lu'. 35Guretsi t&#232; Jes&#250;s. 36Acca ra t&#232; ca jud&#237;ua: Hualigani yala uccuani bi &#261;. 37Ttu te c&#261; nna ra c&#261;: L&#261; nna guth&#224;li&#261; iyyal&#243; nu uccua ci&#233;gu&#225;, ts&#237; l&#224;a uccua hu&#225;ni&#261; guni&#261; qui'ni bittu gatti L&#225;zaru&#225; ca.</div><div class="p"> 38Jes&#250;s nna fu&#233;rten&#237; gunne latsi'e attu de bitsine'e ru'a b&#224;&#225;. Ttu b&#232;lia b&#225; n&#225; nu&#225; nna y&#225;ya t&#232; r&#250;'&#303; lani ttu &#237;yya xeni ts&#232;'. 39Jes&#250;s nna ra t&#236;e: L&#237;ccua &#237;yy&#261;'. Marta dana enne' g&#249;tt&#236;a nna r&#261; ne: Se&#241;or, chi ril&#183;l&#224;'&#261; porqui'ni chi uccua tappa ubitsa big&#224;tts&#236;'&#261;. 40Jes&#250;s nna r&#232;e na: Ts&#237; &#225;lahua chi nia' lu' qui'ni canchu ts&#237;alatsi' lu' nna, hual&#225;'ni lu' la'huacca qui' Tata Dios. 41L&#224;niana gut&#249;a c&#261; &#237;yya&#225; de l&#224;ti bigattsi' mu&#233;rtu&#225;. Jes&#250;s nna guch&#236;tha t&#232; l&#250;e r&#225;' nna benie oraci&#243;n lani Tata Dios nna r&#232;e: Tata quia', qui&#7929;ar&#250; cui&#261;'lu' qui'ni chi biyeni cui&#261;'lu' oraci&#243;n quia', 42hua y&#250; b&#225;' qui'ni siempre ni rud&#224; naga' cui&#261;'lu' quia'; pero nia' nui para qui'ni ca enne' &#7929;&#233;tse'n&#237; ts&#232;'e &#236;ta'l&#249;ba n&#236; nna il&#225;'ni c&#261; nna ts&#237;alatsi' qu&#303; qui'ni cui&#261;'b&#225;lu' guthel&#183;la' cui&#261;'lu' inte'. 43Beyacca r&#232;e an&#237;a nna, gunnie id&#236;tsani nna r&#232;e: L&#225;zaro, beria fuera. 44L&#224;niana nu y&#224;tt&#236;a nna beria ch&#236;&#261; t&#233;ts&#237; l&#225;ri' ca n&#236;'a n&#237;'&#303;, t&#250;b&#237; t&#232; l&#250;&#303; ttu l&#225;ri'. Jes&#250;s nna ra t&#236;e c&#261;: Leth&#224;tsi &#261; nna, l&#237;hue'&#233;l&#183;la' t&#236; &#261; &#233;yy&#261;.</div><div class="p"> 45L&#224;niana nu&#7929;etse' ca enne' jud&#237;ua canu beni c&#261; Mar&#237;a acompa&#241;ar nna bil&#225;' b&#225;ni c&#261; milagro nu beni Jes&#250;s nna hu&#237;alatsi' qu&#303; ne. 46Pero attu te c&#261; nna hu&#237;a c&#261; ru'a lo ca faris&#233;ua nna gutix&#224;'a c&#261; nu beni Jes&#250;s. 47L&#224;niana ca sacerdote principal lani ca faris&#233;ua nna gunne t&#232; c&#261; ru'a lo Junta Suprema qui' ca enne' jud&#237;ua nna ra c&#261;: Biani &#237;na le guni ri'u, porqui'ni nub&#233;yu'&#303; nna nu&#7929;etse' ca mil&#225;grua runi&#261;, 48canchu hue'&#233;l&#183;la' b&#225; ri'u &#261; qui'ni guni&#261; &#261;&#769;', entonces prontu tab&#225; iyaba ca enne' nna ts&#237;alatsi' qu&#303; na, l&#224;niana hu&#224;l&#183;lani ta&#225; ca soldado da' de Roma nna gut&#224;ppa' c&#261; templo qui' r&#237;'u&#261;', &#261;'hua gul&#183;l&#249;&#7929;a c&#261; latsi' naci&#243;n qui' r&#237;'u&#303; nna. 49L&#224;niana de lo iyaba canu ts&#232;'e n&#237;a nna gudul&#237; ttu nu l&#225;&#261; Caif&#225;s, uccu&#261; huex&#225;na' qui' ca sacerdote qui' ida l&#224;nia. L&#261; nna gunni&#261; nna r&#261;: Lebi'i nna, lab&#237; bi&#7929;a y&#249; le, 50n&#236;di l&#224;a rulaba latsi' le qui'ni adila tsa' tal&#183;li&#261; ri'u canchu gatti ttu enne' por yets&#303; t&#236;'ca'la l&#183;l&#250;&#7929;a teb&#225; latsi' ituba naci&#243;n qui' r&#237;'u&#303;. 51An&#237;a r&#261;, pero al&#224;a por la' rul&#225;balatsi' qui' b&#237;&#303;, sino porqui'ni uccu&#261; huex&#225;na' qui' ca sacerdotea ida l&#224;nia nna gunni&#261; parte Tata Dios qui'ni Jes&#250;s nna n&#225; qui'ni gattie en vez de ituba naci&#243;n qui' ca enne' jud&#237;o. 52Pero al&#224;a tsua' teruba por l&#224;c&#261; gattie sino &#261;'hua para ey&#250;nie tt&#249;ba iy&#225;bani ca &#7929;i'ni Tata Dios canu n&#224;thil&#224;lia b&#225; le' ituba y&#233;tsiloyu. 53Acca d&#232;sdeba l&#224;nia nna guts&#233;'e c&#261; de acuerdo para gutti c&#261; Jes&#250;s. 54Acca l&#232;e nna labiru gur&#232;nie dacca'l&#243; t&#232; entre ca jud&#237;ua, sino bede'e n&#237;a nna hu&#237;e para regi&#243;n lu&#237;tta' desi&#233;rtu&#225; le' ttu yetsi l&#225;&#261; Efra&#237;n. N&#237;a b&#225; g&#249;due lani ca disc&#237;pulo qui'&#225;a. 55Ch&#236;' teg&#225;ab&#225; debiga' pascua qui' ca enne' jud&#237;ua nna, nu&#7929;etse' ca enne' qui' ca yetsi to' anta' n&#237;a hu&#237;a c&#261; Jerusal&#233;n &#225;ntesca gal&#183;la' fi&#233;sta&#225; para eyacca n&#224;r&#236; c&#261; seg&#250;n costumbre religiosa qui' qu&#303;. 56L&#224;c&#261; nna bey&#236;la c&#261; Jes&#250;s. Acca de ts&#232;'e c&#261; le' templua nna gun&#224;ba titsa' luetsi qu&#303; nna ra c&#261;: Biani ra le. Ts&#237; bihua it&#261;&#769; fi&#233;st&#303; c&#225;. 57Ca sacerdote principal &#261;'hua ca faris&#233;ua nna gun&#232;ni c&#261; ca enne' qui'ni nu&#7929;a tediba gun&#261; ga&#7929;a ri'e nna, n&#225; qui'ni equix&#225;'a ta&#225; c&#261;, para qui'ni gud&#224;xu' c&#261; ne preso.</div>
 </div>
 </div>
</div>

Gùdua ttu nubeyu' láą Lázaro, yala fuerte huì'nią. Uccuą enne' Betania yetsi qui' María lani ỹilíį Marta. Lázaro nu rà'nia nna uccua dàna María nu beduą ungüento iqquia Jesús nna bedibìtsi tìą ca nì'e lani ittsa' iqquį. Ca dàna Lázaruá nna guthel·la' cą mandado tayàtsi cą Jesús: Señor, nu yala ccátse' cuíą'lu'a nna rà'nią. Biyeni báni Jesús noticia nna rèe: Itsahue' qui' Lázaruá nna labí ną́ para gáttinią, sino para ilá'ní la'huacca qui' Tata Dios, ą'hua por medio de itsahue' quì'į nna tháliani Ỹi'ni Tata Dios. Jesús nna yala uccuatsì'e Lázaruá nna Mártaá nna ą'hua ỹilíį María nna. Pero Jesús nna gulèda bée áchúppa ubitsa làti ri'áa bitola de binee noticia. Bitola nna ra Jesús ca discípuluá: Lítsa' Judea attu. Ca discípuluá nna ra cabi e: Maestro, ca judíua nna chì' uccua taá latsi' quį hué' cą cuią'lu' íyya. Biecca calatsi'íru cuią'lu' tsía cuią'lu' nía attu nì'i. Becàbi Jesús nna rèe cą: Tsí álahua tsì'nu hora nua' cca ttu tsá cá. Nuỹa tediba ribèni de ritsá nna labí ribixią, porqui'ni rilá' bánią por la'yani' qui' ritsá. Pero nuỹa tediba ribèni de réla nna ribixi taą́, porqui'ni labí la'yani' té lani ą. Làniana raáruhuée cabi: Amigo qui' ri'u Lázaruá nna ti'áthi bą́ annana dí'a' tádibáni ya' ą. Ra tè ca discípulo qui'áa: Señor, canchu ti'áthi bą́ nna hueyàcca bá latsi'į. Pero Jesús nna acerca de lù'uti quì'ba Lázaruá nuá rèe anía, pero ca discípuluá nna belaba latsi' cabi qui'ni gunnie acerca de bétsiala. Làniana ra Jesús cabi claru taá: Lázaruá nna chi gùttìą, pero yala redacca' te' qui'ni lànua' té nía, porqui'ni annana ila'ni le la'huacca quia' nna gappa le fe lani inte'. Éyya ri'u tayu ri'u ą. Làniana Tomás enne' reya cabi cúáchi'á nna ra bi adí ca discípuluá: Lítsa' lani e para qui'ni gatti hua ri'u lani e.
De bitsina' Jesús nía nna, chìlá uccua tappa ubitsa bigàttsi' Lázaruá. Yetsi Betania nna ri'ą èxabá Jerusalén ttu tsal·lue' legua tì'ga. Nuỹetse' ca judíua nna biria cą le' Jerusalén nna huía cą litsi' María nna Mártaá nna para éyue' cą cą la'ỹeni porqui'ni gùttì dana caniá. Bìna bá Mártaá qui'ni dia Jesús litsi' caniá nna, biria chìą para tattsa'ą ne; pero María nna beyà'na bą́ le' yú'u. Mártaá nna ra tìą Jesús: Señor, cáalá re' ba cuią'lu' nì nna, entonces labí gùttì dana ya' a. Pero hua yú huá' qui'ni biỹa tediba inàbani cuią'lu' Tata Dios lani oración nna, lèe nna gunie na. Jesús nna rèe na: Hueyátha bá dana lu'a de lo lù'uti. Mártaá nna rą ne: Hua yua' qui'ni eyátha dana ya' a canchu chi gal·la' último tsáa nna eyatha huá iyaba canu yatti de lo lù'uti. Jesús nna rèe na: Inte' rechítha'a' ca enne' de lo lù'uti, ą'hua ná' la'labàni nna. Nu ríalatsi'į inte', màsqui'ba chi gùttìą nna ccabàni bą́, ą'hua iyaba ca enne' bàni canu ríalatsi' quį inte' nna, para siempre ni labí gatti cą. Tsí hua ríalatsi' lu' nui. Becàbi Mártaá nna rą ne: Señor, hua ría bá látsa'a' qui'ni cuią'lu' Enni'a Cristo Ỹi'ni Tata Dios, chi gul·lani cuią'lu' yétsiloyu.
Beyacca bá ra Mártaá anía nna, huíą tatàỹi gàttsi' bą́ ỹilíį María nna rą na: Nì du Maéstruá nna rinnie lu'. Biyeni báni María nu ra Mártaá nna, guduli chìą quètha taaní nna huíą ru'a lo Jesús. Jesús nna du bée làti tattsa' Mártaá néa, labí chi gutè'e le' yétsiá. Ca enne' judío tsè'e litsi' María reyue' cą na la'ỹéniá, pues làcą nna bilá' báni cą qui'ni quèthaní gudulí María nna, acca biria tehuá cą denó cą na, nna ra cą: Gubètsi bá díą lo bàá. Bitsina' bá María làti du Jesús nna, de bila'nią ne nna bedu tè ỹibį ru'a lúe nna rą ne: Señor, cáalá re' ba cuią'lu' nì nna, labí gutti dana ya'a. Jesús nna bilá' bánie na qui'ni ribetsią ą'hua ca enne' judío canu dia lani naá ribetsi huá cą nna, acca yala triste uccuani latsi'e nna gunnení latsi'e. Ra tìe: Gání gutìxa li ą. Becàbi cą nna ra tè cą ne: Gutà tsáruhuá inna' cuią'lu'. Guretsi tè Jesús. Acca ra tè ca judíua: Hualigani yala uccuani bi ą. Ttu te cą nna ra cą: Lą nna guthàlią iyyaló nu uccua ciéguá, tsí làa uccua huánią gunią qui'ni bittu gatti Lázaruá ca.
Jesús nna fuértení gunne latsi'e attu de bitsine'e ru'a bàá. Ttu bèlia bá ná nuá nna yáya tè rú'į lani ttu íyya xeni tsè'. Jesús nna ra tìe: Líccua íyyą'. Marta dana enne' gùttìa nna rą ne: Señor, chi ril·là'ą porqui'ni chi uccua tappa ubitsa bigàttsì'ą. Jesús nna rèe na: Tsí álahua chi nia' lu' qui'ni canchu tsíalatsi' lu' nna, hualá'ni lu' la'huacca qui' Tata Dios. Làniana gutùa cą íyyaá de làti bigattsi' muértuá. Jesús nna guchìtha tè lúe rá' nna benie oración lani Tata Dios nna rèe: Tata quia', quiỹarú cuią'lu' qui'ni chi biyeni cuią'lu' oración quia', hua yú bá' qui'ni siempre ni rudà naga' cuią'lu' quia'; pero nia' nui para qui'ni ca enne' ỹétse'ní tsè'e ìta'lùba nì nna ilá'ni cą nna tsíalatsi' quį qui'ni cuią'bálu' guthel·la' cuią'lu' inte'. Beyacca rèe anía nna, gunnie idìtsani nna rèe: Lázaro, beria fuera. Làniana nu yàttìa nna beria chìą tétsí lári' ca nì'a ní'į, túbí tè lúį ttu lári'. Jesús nna ra tìe cą: Lethàtsi ą nna, líhue'él·la' tì ą éyyą.
Làniana nuỹetse' ca enne' judíua canu beni cą María acompañar nna bilá' báni cą milagro nu beni Jesús nna huíalatsi' quį ne. Pero attu te cą nna huía cą ru'a lo ca fariséua nna gutixà'a cą nu beni Jesús. Làniana ca sacerdote principal lani ca fariséua nna gunne tè cą ru'a lo Junta Suprema qui' ca enne' judíua nna ra cą: Biani ína le guni ri'u, porqui'ni nubéyu'į nna nuỹetse' ca milágrua runią, canchu hue'él·la' bá ri'u ą qui'ni gunią ą́', entonces prontu tabá iyaba ca enne' nna tsíalatsi' quį na, làniana huàl·lani taá ca soldado da' de Roma nna gutàppa' cą templo qui' rí'uą', ą'hua gul·lùỹa cą latsi' nación qui' rí'uį nna. Làniana de lo iyaba canu tsè'e nía nna gudulí ttu nu láą Caifás, uccuą huexána' qui' ca sacerdote qui' ida lània. Lą nna gunnią nna rą: Lebi'i nna, labí biỹa yù le, nìdi làa rulaba latsi' le qui'ni adila tsa' tal·lią ri'u canchu gatti ttu enne' por yetsį tì'ca'la l·lúỹa tebá latsi' ituba nación qui' rí'uį. Anía rą, pero alàa por la' rulábalatsi' qui' bíį, sino porqui'ni uccuą huexána' qui' ca sacerdotea ida lània nna gunnią parte Tata Dios qui'ni Jesús nna ná qui'ni gattie en vez de ituba nación qui' ca enne' judío. Pero alàa tsua' teruba por làcą gattie sino ą'hua para eyúnie ttùba iyábani ca ỹi'ni Tata Dios canu nàthilàlia bá le' ituba yétsiloyu. Acca dèsdeba lània nna gutsé'e cą de acuerdo para gutti cą Jesús. Acca lèe nna labiru gurènie dacca'ló tè entre ca judíua, sino bede'e nía nna huíe para región luítta' desiértuá le' ttu yetsi láą Efraín. Nía bá gùdue lani ca discípulo qui'áa. Chì' tegáabá debiga' pascua qui' ca enne' judíua nna, nuỹetse' ca enne' qui' ca yetsi to' anta' nía huía cą Jerusalén ántesca gal·la' fiéstaá para eyacca nàrì cą según costumbre religiosa qui' quį. Làcą nna beyìla cą Jesús. Acca de tsè'e cą le' templua nna gunàba titsa' luetsi quį nna ra cą: Biani ra le. Tsí bihua itą́ fiéstį cá. Ca sacerdote principal ą'hua ca fariséua nna gunèni cą ca enne' qui'ni nuỹa tediba guną gaỹa ri'e nna, ná qui'ni equixá'a taá cą, para qui'ni gudàxu' cą ne preso.

Listen to SAN JUAN 11