If you have would like a copy of this version please contact info@davaraudiobibles.org

Inner Seraji New Testament, CC-BY-SA-4.0, The Love Fellowship (Text). Inner Seraji New Testament Audio Bible, CC-BY-SA-4.0, Davar Partners International, The Love Fellowship, 2022 (Audio).

Inner Seraji New Testament

Inner Seraji 2017 BI (NT) NonDrama

Inner Seraji 2017 BI (NT) Drama

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

जेबा खासे लोका परमेश्वरा रे बचन शुणने री तणी तेऊ पीछे हाणडदे लागे दे थी, होर सह गन्नेसरता रे सारी री झिला रे किनारे खडअ थी, तेबा एडा होऊ। कि झीला रे किनारे दुई किस्ती लागी दी हेरी, होर माछी मारन आले जाले धोऊदे लागे दे थी, त्याह किस्ती मेंजा कअ एकी पैंदे वैशी करे, जोह सिमोना री थी, तेबा यीशु त्याहक बिनती करी की धरती रे किनारे कअ थोडे जेह तक चाला तेबा यीशु किस्ती पैंदे वैशी करे उपदेशा दींनदअ लागअ। जेबरे तेऊ गल्ला करी छेकी तेबा सिमोने बोलू बीचे जेह किस्ती नीह, होर माछी ढाकणे वै आपणे जाले फेंक। सिमोने तेऊवै बोलू, हे स्वामी, हामे सारी राच मेहनत करी होर किछे नांई ढाकु, तेबा तेरे बोलणे का हाऊं जाल पाऊदा। जेबा त्याह ऐडा करू, तेबा त्याहय वखे बहु माछी ढाकी, होर त्याह रे जाले चुटदे लागे। तेबा त्याह आपणे साथी जोह दूजी किस्ती में थी, त्याह वै इशारा करू कि माहरी सहायता करे, होर त्याह इछी करे दुहे किश्ती अखे तणी भरी कि त्याह डुबदी लगी। ऐता भाल़ी करे सिमोने पतरस सह यीशु रे पइरे पडू होर बोलू, हे “प्रभु! महा सेटा कअ नाशअ, किबेकी हाऊं पापी मणश साहा।” किवकी ऐतरी माछी ढाकणे कअ हाऊं होर मेरे सघी हेरान होई, होर तेहड़े ही जब्दी रअ शोहरू याकूब होर यूहन्ना भी, जोह सिमोना रे सांझीदार थी, हेरान होई। तेबा यीशु शामोना वै बोलू, नांई डरे; ऐवरा पोरी ताह मणश ज़िउदे ढाकणे। होर त्याह किस्ती धरती रे किनारे वै आणी होर सभे कुछ-छाडी करे तेऊ पीछे नाठे।


जेबा सह कासु नगरे थी तखे एक कोढ़ी मणश आऊअ; होर सह यीशु हेरी करे सह ऊटे होई करे प्रार्थना करी की, हे परमेश्वर, अगर तुह चाहे तो हाऊं शुद्ध होई सका। तेऊये हाथअ बड़ाई करे सह छुउ होर बोलू, हाऊं चहादा कि तुह राम्बडअ हो। होर सह कोढ़ी तेवरी ठीक होऊ। तेबा तेऊवै बोलू, कासी का नांई बोले पर नाशी करे आपणे याजका वै रीहाय, होर आपणे शुद्ध हूणे रे बारे में जोह मूसा बलिदान डाहूदा साहा तेता चढा कि तेता पैंदे गुआही हो। पर तेत्की गल्ला होर भी फेल्दी रही, होर भीड़ा पैंदे भीड़ तेता शुणदी होर आपणी बिमारी वै ठीक हुणे री तणी कठे हूँदी लगी। पर सह अंगी नाशी करे बूणे प्रार्थना करदे लागअ।


ऐकसा धयाडी ऐडा होऊ की सलाह दिहंणे आले, फरीसी होर तखे होरा लोका भी तखे बेठे दे थी, जोह गलीला होर यहूदिया रे हर एकी ग्रा का होर यरूशलेमा का आऊद थी, होर राम्ब्ड़े करने वे परमेश्वरा री सामर्थ्य तेऊ संघे थी। तेऊ वक्ते कई लोका एकी मन्शा जासु लकबे री बीमारी थी, मांजे पैंदे आणू, होर त्या तेऊ मितर निणे री वाता भाले होर तेऊ यीशु जेह निणे वे स्कीमा बणाउदे लागे थी। पर जेबा बड़ी भिड़ा री वज़हा का तेऊ मितर नांई नीई सके तेबा त्याय छापरे नाशी करे छापर पेचु, होर मांज तेसी उन्दे पाऊ होर मांजे संघे सह यीशु रे मु़ंहा जैह पजेरू। तेऊ त्यारा बुशाह हेरी करे त्यावे बोलू, हे मणशा तेरे पाप माफ होई। तेबा शास्त्री होर फरीसी आपु मे गल्ला लागे, यह कुण साहा जोह परमेश्वरा री निन्दा करदा? परमेश्वरा छाड़ी करे होर कुण पाप माफ करी सका? यीशु त्याहरे मना री गलअ जाणी करे, त्याका बोलू, तमे आपणे मने क़ह सोचना लाउदा? सच क़ह साहा? क़ेह यह बोलणा की तेरे पाप माफ होई या यह की उठ अखा का नाश? पर ऐतकी तणी कि तमे जाणे कि मणशा रै शोहरू धरती पेंदे पाप माफ करणे रा अधिकार साहा। तेऊ लकबे रै मरीजा बै बोलू, हाऊं ताहवे बोला, उठ आपणे मांजे चुआकी करे आपणे घरा वे नाश। सह तेबरी तेऊ जेह उठू, होर जासू पैंदे सह बश्यागुदअ थी तेता चुआकी करे, परमेश्वरा री बड़ाई करदअ आपणे घरा वे नाठअ। तेबा सबे हेरान होई होर परमेश्वरा री बड़ाई करदे लागे होर बखे डरी करे बोल़दे लागे, आज हामे बखे नोखी गल हेरी।


ऐता बाद सह वागे नाठअ होर लेबी ना रअ एक चुंगी लउण आल़अ चुंगी घरा रे दुआर ज़ेह बैठदअ हेरू, होर तेऊवे बोलू, महा पीछे इच्छ। तेबा सह सबे साह छाड़ी करे उठू, होर तेऊ पीछे नाठअ। तेबा लेबी सह आपणे घरा बे नीऊ, होर एकी बडे धामा रा इतजाम करु, तखे चुंगी लउण आले संगे होरा लोका रोटी खांदे बेठेदे थी। एता हेरी करे फरीसी होर त्यारे शास्त्री यीशु रे चेले बे बोलदे लागे, तमे चुंगी लउण आले होर पापी सगे किबे खांदा पिदा? यीशुये तयाबे उतर दीना, बईद रामड़े मणशा ठीक करदे नांई ईनद पर बीमरा बे जरूरी हुंदा। हाऊं धर्मी बे नांई पर पापी मणशा रे मन फिराव री तणी त्या शादद आदअ।


त्याये त्याका बोलू, यूहन्ना रे चेले बराबर ब्रत डाहदा होर प्रार्थना करदा, होर फरीसी रे चेले भी, पर तेरे चेले खांदा पिन्दा। यीशु ये त्याह का बोलू, क़ेह तमे बराती का जेबरे तणी लाडअ त्याह संघे रहे, ब्रत करी सका? पर त्याह धयाडे ईहणे, त्यामें लाडअ अंगी कर्णअ, तेबा त्याह धयाडे त्याह ब्रत करणे। तेऊये एक होर दृष्टान्त भी त्याव खोजु , कोहे मन्श नउये झिकड़े री शाटी करे पूराणी शाती नांई लाउअद, नांई तअ नंउय थोछ़ा होर सह पैबंद पुराने संघे मेल नाई खानदअ होर कई लोका नया दाखरस पुराणे भानड़े में नांई भरदे, नांई नया दाखरस नए भांडे फाल्ली करे बागे नाहणा होर भांडअ भी खराब हूँणअ। पर नया दाखरस नये भांडे में भरू लोड़ी कोई मन्श पुराणा दाखरस झूटी करे नया झुटना नांई चहानदे, किबेकी त्या बोला पुराणा ही ठीक साहा।

Listen to लूका 5