Maori Bible - 2012 Edition (Non Drama) ℗ Bible Society New Zealand, 2012
Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Paipera Tapu - 2012 Edition (Non Drama)

<div class="version vid3363 iso6393mri" data-vid="3363" data-iso6393="mri">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Te Kupu o te Ora</div><div class="p"> 1I te t&#299;matanga te Kupu, i te Atua te Kupu, ko te Atua an&#333; te Kupu. 2I te Atua an&#333; t&#275;nei Kupu i te t&#299;matanga. 3N&#257;na ng&#257; mea katoa i hanga; k&#257;hore hoki t&#275;tahi mea i kore te hanga e ia o ng&#257; mea i hang&#257;. 4I a ia te ora; ko te ora te m&#257;rama m&#333; ng&#257; t&#257;ngata. 5I roto i te p&#333;uri te m&#257;rama e whiti ana; heoi, k&#299;hai i mau i te p&#333;uri.</div><div class="p"> 6I tonoa mai he tangata e te Atua, ko Hoani t&#333;na ingoa. 7I haere mai ia hei kaiwhakaatu, hei whakaatu m&#333; te m&#257;rama, kia meinga ai e ia ng&#257; t&#257;ngata katoa kia whakapono. 8Ehara ia i te m&#257;rama, engari, i haere mai hei kaiwhakaatu m&#333; te m&#257;rama. 9Ko te m&#257;rama pono t&#275;r&#257;, ar&#257;, ko te m&#257;rama e m&#257;rama ai ng&#257; t&#257;ngata katoa e haere mai ana ki te ao.</div><div class="p"> 10I te ao ia, i hang&#257; an&#333; e ia te ao, &#257;, k&#299;hai te ao i m&#333;hio ki a ia. 11I haere mai ia ki &#333;na, &#257;, k&#299;hai &#333;na i manako ki a ia. 12T&#275;n&#257; ko te hunga i manako ki a ia i tukua e ia ki a r&#257;tou ng&#257; tikanga e meinga ai r&#257;tou hei tamariki m&#257; te Atua, ar&#257; ki te hunga e whakapono ana ki t&#333;na ingoa. 13Ki te hunga ehara nei i te toto, ehara i t&#257; te kikokiko i pai ai, ehara i t&#257; te tangata i pai ai, engari, n&#257; te Atua i wh&#257;nau ai.</div><div class="p"> 14I whakakikokikotia te Kupu, &#257;, noho ana i a m&#257;tou, i kite an&#333; m&#257;tou i t&#333;na kor&#333;ria he kor&#333;ria e rite ana ki t&#333; te Tama kotahi a te Matua, k&#299; tonu i te aroha noa, i te pono.</div><div class="p"> 15I k&#333;rerotia ia e Hoani; i karanga t&#275;r&#257;, i mea, &#8220;Ko ia t&#275;nei i k&#333;rerotia r&#257; e ahau, &#8216;Ko ia e haere mai ana i muri i ahau e meinga ana ki mua i ahau; n&#333; mua hoki ia i ahau.&#8217; &#8221;</div><div class="p"> 16Kua riro hoki i a t&#257;tou katoa t&#275;tahi w&#257;hi o t&#333;na raneatanga, te aroha noa hono iho ki te aroha noa. 17N&#257; Mohi hoki i h&#333;mai te ture; ko te aroha noa me te pono i ahu mai i a &#298;hu Karaiti. 18K&#257;hore an&#333; he tangata i kite noa i te Atua; ko te Tama kotahi, kei te uma nei o te Matua, n&#257;na ia i whakapuaki.</div><div class="s">Te K&#333;rero a Hoani Kaiiriiri</div><div class="r">(Matiu 3.1-12; M&#257;ka 1.1-8; Ruka 3.1-18)</div><div class="p"> 19N&#257;, ko te k&#333;rero t&#275;nei a Hoani, i te tononga mai a ng&#257; H&#363;rai i Hiruh&#257;rama i ng&#257; tohunga nui r&#257;tou ko ng&#257; R&#299;waiti hei ui ki a ia, &#8220;Ko wai koe?&#8221;</div><div class="p"> 20N&#257;, ka wh&#257;kina e ia, k&#299;hai i whakak&#257;hore, i wh&#257;ki hoki, &#8220;Ehara ahau i a te Karaiti.&#8221;</div><div class="p"> 21&#256;, ka ui r&#257;tou ki a ia, &#8220;T&#275;n&#257;, p&#275;hea? Ko Ir&#257;ia koe?&#8221;</div><div class="p">Ka mea ia, &#8220;K&#257;hore.&#8221;</div><div class="p">&#8220;Ko te poropiti oti koe?&#8221;</div><div class="p">Ka whakahokia e ia, &#8220;K&#257;hore.&#8221;</div><div class="p"> 22N&#257;, ka mea r&#257;tou ki a ia, &#8220;Ko wai koia koe? Hei kupu whakahoki m&#257; m&#257;tou ki te hunga i tonoa mai ai m&#257;tou. E p&#275;hea ana koe ki a koe?&#8221;</div><div class="p"> 23Ka mea ia:</div><div class="q1">&#8220;He reo ahau n&#333; t&#275;tahi e karanga ana i te koraha,</div><div class="q2">&#8216;Whakatikaia te huarahi o te Ariki!&#8217; &#8221;</div><div class="m">He p&#275;r&#257; me t&#257; Ih&#257;ia poropiti i mea ai.</div><div class="p"> 24N&#333; ng&#257; Parihi hoki te hunga i tonoa mai r&#257;. 25N&#257;, ka ui r&#257;tou ki a ia, ka mea ki a ia, &#8220;He aha oti koe i iriiri ai, ki te mea ehara koe i a te Karaiti, ehara i a Ir&#257;ia, ehara i te poropiti?&#8221;</div><div class="p"> 26N&#257;, ka whakahoki a Hoani ki a r&#257;tou, ka mea, &#8220;He iriiri t&#257;ku ki te wai; otiia t&#275;n&#257; te t&#363; n&#257; i waenganui i a koutou t&#275;tahi k&#257;hore e m&#333;hiotia e koutou. 27Ko ia t&#275;nei e haere mai ana i muri i ahau k&#257;hore hoki ahau e tau hei wewete i te here o t&#333;na h&#363;.&#8221;</div><div class="p"> 28I meatia &#275;nei mea ki Petapara, ki t&#257;w&#257;hi atu o Horano, ki te w&#257;hi e iriiri ana a Hoani.</div><div class="s">Te Reme a te Atua</div><div class="p"> 29I te aonga ake, ka kite ia i a &#298;hu e haere ana mai ki a ia, ka mea, &#8220;N&#257; te Reme a te Atua, hei waha atu i te hara o te ao! 30Ko ia t&#275;nei i k&#333;rero ai ahau, &#8216;Kei te haere mai i muri i ahau t&#275;tahi tangata kua meinga ki mua i ahau; n&#333; mua hoki ia i ahau.&#8217; 31&#256;, k&#257;hore ahau i m&#257;tau ki a ia; heoi, hei whakakite i a ia ki a &#298;haraira, i haere mai ai ahau me t&#257;ku iriiri ki te wai.&#8221;</div><div class="p"> 32N&#257;, ka whakaatu a Hoani, ka mea, &#8220;I kite ahau i te Wairua e heke iho ana i te rangi, &#257;n&#333; he k&#363;kupa, &#257;, noho ana i runga i a ia. 33&#256;, k&#257;hore ahau i m&#257;tau ki a ia; engari i k&#299; mai ki ahau te kaitono mai i ahau ki te iriiri ki te wai, &#8216;Ko te tangata e kite ai koe i te Wairua e heke iho ana, e noho ana ki runga ki a ia, ko ia t&#275;n&#257; te kaiiriiri ki te Wairua Tapu.&#8217; 34&#256;, kua kite ahau, kua whakaatu nei hoki, ko te Tama t&#275;nei a te Atua.&#8221;</div><div class="s">Ng&#257; &#256;konga Tuatahi a &#298;hu</div><div class="p"> 35I te aonga ake i te t&#363; an&#333; a Hoani me &#257;na &#257;konga tokorua; 36n&#257;, ka titiro ia ki a &#298;hu e haere ana, ka mea, &#8220;N&#257;, te Reme a te Atua!&#8221;</div><div class="p"> 37&#256;, ka rongo ng&#257; &#257;konga tokorua ki a ia e k&#333;rero ana, &#257;, aru ana r&#257;ua i a &#298;hu. 38&#256;, ka tahuri a &#298;hu, ka kite i a r&#257;ua e aru ana, ka mea ia ki a r&#257;ua &#8220;E rapu ana k&#333;rua i te aha?&#8221;</div><div class="p">N&#257;, ko t&#257; r&#257;ua meatanga ki a ia, &#8220;E Rapi&#8221; (ko te tikanga t&#275;nei ina whakam&#257;oritia, e te Kaiwhakaako), &#8220;kei hea t&#333;u k&#257;inga?&#8221;</div><div class="p"> 39Ka mea ia ki a r&#257;ua, &#8220;Haere mai kia kite.&#8221; Haere ana r&#257;ua, &#257;, ka kite i t&#333;na w&#257;hi i noho ai, &#257;, noho ana i a ia i taua r&#257;; ko te tekau hoki ia o ng&#257; h&#257;ora.</div><div class="p"> 40Ko Anaru, teina o Haimona Pita t&#275;tahi o taua tokorua i rongo nei ki a Hoani e k&#333;rero ana, &#257;, aru ana i a ia. 41Ko ia kua kite wawe i t&#333;na tuakana ake, i a Haimona, ka mea ki a ia, &#8220;Kua kitea e m&#257;ua te M&#299;haia.&#8221; (Ko te tikanga t&#275;nei ina whakam&#257;oritia, ko te Karaiti). 42N&#257;, ka &#257;rahina mai ia e ia ki a &#298;hu.</div><div class="p">&#256;, ka titiro a &#298;hu ki a ia, ka mea, &#8220;Ko Haimona koe, ko te tama a Hona, me hua koe ko Kipa.&#8221; (T&#333;na whakam&#257;oritanga ko Pita, ar&#257; ko K&#333;hatu).</div><div class="s">Ka Karangatia e &#298;hu ki a Piripi r&#257;ua ko Natanahira</div><div class="p"> 43I te aonga ake ka mea a &#298;hu kia haere ki Karir&#299;, &#257;, ka kite i a Piripi; &#257;, ka mea a &#298;hu ki a ia, &#8220;E aru i ahau.&#8221;</div><div class="p"> 44N&#257;, ko Piripi n&#333; Petahaira, n&#333; te p&#257; o Anaru r&#257;ua ko Pita. 45Ka kite a Piripi i a Natanahira, ka mea ki a ia, &#8220;Kua kitea e m&#257;tou a ia, m&#333;na nei te tuhituhi a Mohi i roto i te ture, t&#257; ng&#257; poropiti hoki, a &#298;hu o Nahareta te tama a H&#333;hepa.&#8221;</div><div class="p"> 46N&#257;, ka mea a Natanahira ki a ia, &#8220;E puta koia t&#275;tahi mea pai i Nahareta?&#8221;</div><div class="p">Ka mea a Piripi ki a ia, &#8220;Haere mai kia kite.&#8221;</div><div class="p"> 47Ka kite a &#298;hu i a Natanahira e haere ana mai ki a ia, ka puaki t&#257;na kupu m&#333;na, &#8220;N&#257;, he tino tangata n&#333; &#298;haraira, k&#257;hore &#333;na tinihanga.&#8221;</div><div class="p"> 48Ka mea a Natanahira ki a ia, &#8220;N&#333; hea koe i m&#257;tau ai ki ahau?&#8221;</div><div class="p">Ka whakahoki a &#298;hu ki a ia, ka mea, &#8220;I te mea k&#299;an&#333; koe i karangatia e Piripi, i a koe an&#333; i raro i te piki, i kite ahau i a koe.&#8221;</div><div class="p"> 49N&#257;, ka whakahoki a Natanahira, ka mea ki a ia, &#8220;E Rapi, ko te Tama koe a te Atua, ko te K&#299;ngi koe o &#298;haraira!&#8221;</div><div class="p"> 50N&#257;, ka whakahoki a &#298;hu, ka mea ki a ia, &#8220;N&#333; t&#257;ku meatanga ki a koe, &#8216;I kite ahau i a koe i raro i te piki,&#8217; i whakapono ai koe? Rahi atu i &#275;nei ng&#257; mea e kitea e koe.&#8221; 51I mea an&#333; ia ki a ia, &#8220;He pono, he pono t&#275;nei kupu &#257;ku ki a koutou, t&#275;r&#257; koutou e kite i te rangi e tuwhera ana, i ng&#257; anahera a te Atua e piki ake ana, e heke iho ana ki te Tama a te tangata.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

I te tīmatanga te Kupu, i te Atua te Kupu, ko te Atua anō te Kupu. I te Atua anō tēnei Kupu i te tīmatanga. Nāna ngā mea katoa i hanga; kāhore hoki tētahi mea i kore te hanga e ia o ngā mea i hangā. I a ia te ora; ko te ora te mārama mō ngā tāngata. I roto i te pōuri te mārama e whiti ana; heoi, kīhai i mau i te pōuri.
I tonoa mai he tangata e te Atua, ko Hoani tōna ingoa. I haere mai ia hei kaiwhakaatu, hei whakaatu mō te mārama, kia meinga ai e ia ngā tāngata katoa kia whakapono. Ehara ia i te mārama, engari, i haere mai hei kaiwhakaatu mō te mārama. Ko te mārama pono tērā, arā, ko te mārama e mārama ai ngā tāngata katoa e haere mai ana ki te ao.
I te ao ia, i hangā anō e ia te ao, ā, kīhai te ao i mōhio ki a ia. I haere mai ia ki ōna, ā, kīhai ōna i manako ki a ia. Tēnā ko te hunga i manako ki a ia i tukua e ia ki a rātou ngā tikanga e meinga ai rātou hei tamariki mā te Atua, arā ki te hunga e whakapono ana ki tōna ingoa. Ki te hunga ehara nei i te toto, ehara i tā te kikokiko i pai ai, ehara i tā te tangata i pai ai, engari, nā te Atua i whānau ai.
I whakakikokikotia te Kupu, ā, noho ana i a mātou, i kite anō mātou i tōna korōria he korōria e rite ana ki tō te Tama kotahi a te Matua, kī tonu i te aroha noa, i te pono.
I kōrerotia ia e Hoani; i karanga tērā, i mea, “Ko ia tēnei i kōrerotia rā e ahau, ‘Ko ia e haere mai ana i muri i ahau e meinga ana ki mua i ahau; nō mua hoki ia i ahau.’ ”
Kua riro hoki i a tātou katoa tētahi wāhi o tōna raneatanga, te aroha noa hono iho ki te aroha noa. Nā Mohi hoki i hōmai te ture; ko te aroha noa me te pono i ahu mai i a Īhu Karaiti. Kāhore anō he tangata i kite noa i te Atua; ko te Tama kotahi, kei te uma nei o te Matua, nāna ia i whakapuaki.


Nā, ko te kōrero tēnei a Hoani, i te tononga mai a ngā Hūrai i Hiruhārama i ngā tohunga nui rātou ko ngā Rīwaiti hei ui ki a ia, “Ko wai koe?”
Nā, ka whākina e ia, kīhai i whakakāhore, i whāki hoki, “Ehara ahau i a te Karaiti.”
Ā, ka ui rātou ki a ia, “Tēnā, pēhea? Ko Irāia koe?”
Ka mea ia, “Kāhore.”
“Ko te poropiti oti koe?”
Ka whakahokia e ia, “Kāhore.”
Nā, ka mea rātou ki a ia, “Ko wai koia koe? Hei kupu whakahoki mā mātou ki te hunga i tonoa mai ai mātou. E pēhea ana koe ki a koe?”
Ka mea ia:
“He reo ahau nō tētahi e karanga ana i te koraha,
‘Whakatikaia te huarahi o te Ariki!’ ”
He pērā me tā Ihāia poropiti i mea ai.
Nō ngā Parihi hoki te hunga i tonoa mai rā. Nā, ka ui rātou ki a ia, ka mea ki a ia, “He aha oti koe i iriiri ai, ki te mea ehara koe i a te Karaiti, ehara i a Irāia, ehara i te poropiti?”
Nā, ka whakahoki a Hoani ki a rātou, ka mea, “He iriiri tāku ki te wai; otiia tēnā te tū nā i waenganui i a koutou tētahi kāhore e mōhiotia e koutou. Ko ia tēnei e haere mai ana i muri i ahau kāhore hoki ahau e tau hei wewete i te here o tōna hū.”
I meatia ēnei mea ki Petapara, ki tāwāhi atu o Horano, ki te wāhi e iriiri ana a Hoani.

I te aonga ake, ka kite ia i a Īhu e haere ana mai ki a ia, ka mea, “Nā te Reme a te Atua, hei waha atu i te hara o te ao! Ko ia tēnei i kōrero ai ahau, ‘Kei te haere mai i muri i ahau tētahi tangata kua meinga ki mua i ahau; nō mua hoki ia i ahau.’ Ā, kāhore ahau i mātau ki a ia; heoi, hei whakakite i a ia ki a Īharaira, i haere mai ai ahau me tāku iriiri ki te wai.”
Nā, ka whakaatu a Hoani, ka mea, “I kite ahau i te Wairua e heke iho ana i te rangi, ānō he kūkupa, ā, noho ana i runga i a ia. Ā, kāhore ahau i mātau ki a ia; engari i kī mai ki ahau te kaitono mai i ahau ki te iriiri ki te wai, ‘Ko te tangata e kite ai koe i te Wairua e heke iho ana, e noho ana ki runga ki a ia, ko ia tēnā te kaiiriiri ki te Wairua Tapu.’ Ā, kua kite ahau, kua whakaatu nei hoki, ko te Tama tēnei a te Atua.”

I te aonga ake i te tū anō a Hoani me āna ākonga tokorua; nā, ka titiro ia ki a Īhu e haere ana, ka mea, “Nā, te Reme a te Atua!”
Ā, ka rongo ngā ākonga tokorua ki a ia e kōrero ana, ā, aru ana rāua i a Īhu. Ā, ka tahuri a Īhu, ka kite i a rāua e aru ana, ka mea ia ki a rāua “E rapu ana kōrua i te aha?”
Nā, ko tā rāua meatanga ki a ia, “E Rapi” (ko te tikanga tēnei ina whakamāoritia, e te Kaiwhakaako), “kei hea tōu kāinga?”
Ka mea ia ki a rāua, “Haere mai kia kite.” Haere ana rāua, ā, ka kite i tōna wāhi i noho ai, ā, noho ana i a ia i taua rā; ko te tekau hoki ia o ngā hāora.
Ko Anaru, teina o Haimona Pita tētahi o taua tokorua i rongo nei ki a Hoani e kōrero ana, ā, aru ana i a ia. Ko ia kua kite wawe i tōna tuakana ake, i a Haimona, ka mea ki a ia, “Kua kitea e māua te Mīhaia.” (Ko te tikanga tēnei ina whakamāoritia, ko te Karaiti). Nā, ka ārahina mai ia e ia ki a Īhu.
Ā, ka titiro a Īhu ki a ia, ka mea, “Ko Haimona koe, ko te tama a Hona, me hua koe ko Kipa.” (Tōna whakamāoritanga ko Pita, arā ko Kōhatu).

I te aonga ake ka mea a Īhu kia haere ki Karirī, ā, ka kite i a Piripi; ā, ka mea a Īhu ki a ia, “E aru i ahau.”
Nā, ko Piripi nō Petahaira, nō te pā o Anaru rāua ko Pita. Ka kite a Piripi i a Natanahira, ka mea ki a ia, “Kua kitea e mātou a ia, mōna nei te tuhituhi a Mohi i roto i te ture, tā ngā poropiti hoki, a Īhu o Nahareta te tama a Hōhepa.”
Nā, ka mea a Natanahira ki a ia, “E puta koia tētahi mea pai i Nahareta?”
Ka mea a Piripi ki a ia, “Haere mai kia kite.”
Ka kite a Īhu i a Natanahira e haere ana mai ki a ia, ka puaki tāna kupu mōna, “Nā, he tino tangata nō Īharaira, kāhore ōna tinihanga.”
Ka mea a Natanahira ki a ia, “Nō hea koe i mātau ai ki ahau?”
Ka whakahoki a Īhu ki a ia, ka mea, “I te mea kīanō koe i karangatia e Piripi, i a koe anō i raro i te piki, i kite ahau i a koe.”
Nā, ka whakahoki a Natanahira, ka mea ki a ia, “E Rapi, ko te Tama koe a te Atua, ko te Kīngi koe o Īharaira!”
Nā, ka whakahoki a Īhu, ka mea ki a ia, “Nō tāku meatanga ki a koe, ‘I kite ahau i a koe i raro i te piki,’ i whakapono ai koe? Rahi atu i ēnei ngā mea e kitea e koe.” I mea anō ia ki a ia, “He pono, he pono tēnei kupu āku ki a koutou, tērā koutou e kite i te rangi e tuwhera ana, i ngā anahera a te Atua e piki ake ana, e heke iho ana ki te Tama a te tangata.”

ಆಲಿಸಿ Hoani 1