Bible translation: Lomwe © The Bible Society of Malawi, 2014 www.biblesociety-malawi.org/ Recording of Lomwe New Testament ℗ Hosanna, 2017

Elhomwe - 2014 MWI (NT) Non Drama

Elhomwe - 2014 MWI (NT) Drama

<div class="version vid3325 iso6393lon" data-vid="3325" data-iso6393="lon">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Yoovelleella ya naamukhwelle</div><div class="r">(Mrk 12.41-44)</div><div class="p"> 1Yesu awehilleeye wa athu yamwaapheenllaayo aawoona athu eeyuuma yaari mu enyumba ya Mulluku emorihellaka moosungellamo ddoovelleella ddiwa. 2Vano aamoonattho naamukhwelle oohoowa avokhellakamo asimakobiri meelli. 3Nave Yesu aallota wi, &#8220;Ddawoona, kinimuulleellani wi, naamukhwelle oohoowooyo sika amorihellemo ddinchichi ohiyana ni attheenaayo. 4Vawi amoddaayo yaavelleella moollikana ni nnddo yavahullalliiwa va eyuumiiwa koma olliyoolla ni ohoowa wayenngu, oovelleella ddittheddene aariiyena wi achelleke.&#8221;</div><div class="s">Dda okumulliwa wa enyumba ya Mulluku</div><div class="r">(Mat 24.1-2; Mrk 13.1-2)</div><div class="p"> 5Amodda yaanallota dda enyumba ya Mulluku wi yaamakiwa ni malluku oophwanelliwa phaama ni oreerihiwa ni ddoovelleella dda wa Mullukunndde. Vano Yesu aallota wi, 6&#8220;Ddittheddene munooneenyundda, mallapo eneerophiya awi khavikhalla nlluku naari nimodda va nikhwaaye nihinaamorihiwe.&#8221;</div><div class="s">Ddookatamiha ni ddoohoosa</div><div class="r">(Mat 24.3-14; Mrk 13.3-13)</div><div class="p"> 7Amodda yaamukoha Yesu wi, &#8220;Ahuddihi, ddineereye niini ddenndda? Echizindikiro yawi enthaweeyo yookwakhwana enaakhalle yawiidde?&#8221;</div><div class="p"> 8Yesu ahaalleella wi, &#8220;Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, &#8216;Mi tti Mesiya,&#8217;* nave &#8216;Enthawi yookwakhwana&#8217; koma muhaathware. 9Nyuwaano mwiiwa dda ekhoto ni owana, muhinahoowa m'murimani mwanyu vawi tti ddoophwanella wi ddeereye koma emallihello khenaphiye.&#8221;</div><div class="p"> 10Ahaalleellattho wi, &#8220;Mutundu ni mutundu mmodda oneerekowana navettho omwene ni omwene omodda oneerekowana.&#8221; 11Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu. 12Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka. 13Yoolla onaakhalle mpataanyu wawi mwakhalle amboni a othenga waphaama. 14#Luk 12.11,12Dduwellani, muhinakhupanya muhinaphiyewo wi munaaye mwallote tini wi mwiiteteze. 15Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani. 16Makhollwaanyu, asinninyu, abalaanyu ni akhwiinyu, eneerewuumakani nave amoddanyu eneerowiiphani. 17Athu attheene eneerowiitani kaambiiwa nyuwaano tti oohudderaaka. 18Koma khaniwa nitathiyavo naari neehi nimodda na murwaanyu. 19Kaambiiwa mwavillella muneerewaakhella okumi woohimalla.</div><div class="s">Yesu anallota dda woonongeya wa Yerusalemu</div><div class="r">(Mat 24.15-21; Mrk 13.14-19)</div><div class="p"> 20&#8220;Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella. 21Vano ayo eri o Yudeya ethawelle omiyaangoni nave ayo eri m'muzindani ekhumemo nave ayo eri m'matani otte wa muzinda ehivollowemo. 22#Hos 9.7Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe. 23Enthawi yeeyo ootulli enaakhalle atthiyana ayo enaakhalle ni erukullu vamodda ni awaamwiha anamwani! Vawi oneerokhalla ohoosiwa wawoopiha mu ellapo yeella ni ollaka wa Mulluku va athu a mu ellapo yeella. 24Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.</div><div class="s">Owa wa mwaana a muthu</div><div class="r">(Mat 24.29-31; Mrk 13.24-27)</div><div class="p"> 25 # 
 Yes 13.10; Ezk 32.7; Yow 2.31; Yaw 6.12,13 &#8220;Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja. 26Athu eneerongomowa ni woova, etiyerellaka nnddo ddinaaweereye va ellapo yavatthi kaambiiwa masiva a muddullu eneerotikhiwa. 27#Dan 7.13; Yaw 1.7Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho. 28Vano ddeko ddenndda ddaawaambaka weereya, venyani wehani muddullu vawi woopolliwa wanyu wohaatamella.&#8221;</div><div class="s">Mahuddero a muteekho wanamukuyu</div><div class="r">(Mat 24.32-35; Mrk 13.28-31)</div><div class="p"> 29Vano aallota niphwanaphwaniho wi, &#8220;Ganizerani dda muteekho wanamukuyu ni miteekho ddittheddene. 30Enthambi ddiwa ddaamba ophuwa makukhu, munnadduwella wi ellimwe yohaatamella. 31Emoddamoddave yeeyo nyuwaano mwawa moona ddenndda dduwellani wi omwene wa Mulluku wohaatamella. 32Ddawoona, kinimuulleellani wi ddeko ddenndda ddineereweereya athu a mbadoolla amodda ehinakhwe. 33Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.</div><div class="p"> 34&#8220;Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha. 35Vawi nineerewaaphiyera athu attheene ookhalla va ellapo yavatthimva. 36Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.&#8221;</div><div class="p"> 37 # 
 Luk 19.47
 Mallapo mattheene Yesu aanahuddiha mu enyumba ya Mulluku koma mahiiyu aanakhalla va mwaango wa Olivi. 38Nave ohinase athu attheene yaanawa mu enyumba ya Mulluku wi emwiiwelle.</div>
 </div>
 </div>
</div>

Yesu awehilleeye wa athu yamwaapheenllaayo aawoona athu eeyuuma yaari mu enyumba ya Mulluku emorihellaka moosungellamo ddoovelleella ddiwa. Vano aamoonattho naamukhwelle oohoowa avokhellakamo asimakobiri meelli. Nave Yesu aallota wi, “Ddawoona, kinimuulleellani wi, naamukhwelle oohoowooyo sika amorihellemo ddinchichi ohiyana ni attheenaayo. Vawi amoddaayo yaavelleella moollikana ni nnddo yavahullalliiwa va eyuumiiwa koma olliyoolla ni ohoowa wayenngu, oovelleella ddittheddene aariiyena wi achelleke.”


Amodda yaanallota dda enyumba ya Mulluku wi yaamakiwa ni malluku oophwanelliwa phaama ni oreerihiwa ni ddoovelleella dda wa Mullukunndde. Vano Yesu aallota wi, “Ddittheddene munooneenyundda, mallapo eneerophiya awi khavikhalla nlluku naari nimodda va nikhwaaye nihinaamorihiwe.”


Amodda yaamukoha Yesu wi, “Ahuddihi, ddineereye niini ddenndda? Echizindikiro yawi enthaweeyo yookwakhwana enaakhalle yawiidde?”
Yesu ahaalleella wi, “Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave ‘Enthawi yookwakhwana’ koma muhaathware. Nyuwaano mwiiwa dda ekhoto ni owana, muhinahoowa m'murimani mwanyu vawi tti ddoophwanella wi ddeereye koma emallihello khenaphiye.”
Ahaalleellattho wi, “Mutundu ni mutundu mmodda oneerekowana navettho omwene ni omwene omodda oneerekowana.” Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu. Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka. Yoolla onaakhalle mpataanyu wawi mwakhalle amboni a othenga waphaama. Dduwellani, muhinakhupanya muhinaphiyewo wi munaaye mwallote tini wi mwiiteteze. Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani. Makhollwaanyu, asinninyu, abalaanyu ni akhwiinyu, eneerewuumakani nave amoddanyu eneerowiiphani. Athu attheene eneerowiitani kaambiiwa nyuwaano tti oohudderaaka. Koma khaniwa nitathiyavo naari neehi nimodda na murwaanyu. Kaambiiwa mwavillella muneerewaakhella okumi woohimalla.


“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella. Vano ayo eri o Yudeya ethawelle omiyaangoni nave ayo eri m'muzindani ekhumemo nave ayo eri m'matani otte wa muzinda ehivollowemo. Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe. Enthawi yeeyo ootulli enaakhalle atthiyana ayo enaakhalle ni erukullu vamodda ni awaamwiha anamwani! Vawi oneerokhalla ohoosiwa wawoopiha mu ellapo yeella ni ollaka wa Mulluku va athu a mu ellapo yeella. Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.


“Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja. Athu eneerongomowa ni woova, etiyerellaka nnddo ddinaaweereye va ellapo yavatthi kaambiiwa masiva a muddullu eneerotikhiwa. Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho. Vano ddeko ddenndda ddaawaambaka weereya, venyani wehani muddullu vawi woopolliwa wanyu wohaatamella.”


Vano aallota niphwanaphwaniho wi, “Ganizerani dda muteekho wanamukuyu ni miteekho ddittheddene. Enthambi ddiwa ddaamba ophuwa makukhu, munnadduwella wi ellimwe yohaatamella. Emoddamoddave yeeyo nyuwaano mwawa moona ddenndda dduwellani wi omwene wa Mulluku wohaatamella. Ddawoona, kinimuulleellani wi ddeko ddenndda ddineereweereya athu a mbadoolla amodda ehinakhwe. Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.
“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha. Vawi nineerewaaphiyera athu attheene ookhalla va ellapo yavatthimva. Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”
Mallapo mattheene Yesu aanahuddiha mu enyumba ya Mulluku koma mahiiyu aanakhalla va mwaango wa Olivi. Nave ohinase athu attheene yaanawa mu enyumba ya Mulluku wi emwiiwelle.

Listen to Luka 21