<div class="version vid3325 iso6393lon" data-vid="3325" data-iso6393="lon">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">MAWU AWAAMBA</span></div><div class="ip"><span class="content">Nnddina na </span><span class="bk"><span class="content">Genesis</span></span><span class="content"> ninattaphullella &#8220;maambeellello&#8221;. Nibukhunna ninatthopoolla dda ophatuwa wa ellapo, waambeya wa athu, waambeya wa nichimo ni ohoowa wa va ellapo yavatthi. Ninnatthopoollattho dda mmo Mulluku aneerelleeye ni athu. Nibukhu na Genesis ttuukawiwa m'mapuroni muullupalli meelli.</span></div><div class="ip"><span class="content">(1) Miru 1.1&#8212;11.32: Ophatusiwa wa ellapo yavatthi ni ntthopoollo na mitundu dda athu. Mu miru ddenndda sika munaphwanyeya ntthopoollo na Adamu, Heva, Kaini ni Abele, Nowa ni echombo navettho dda nttattha na Babiloni.</span></div><div class="ip"><span class="content">(2) Miru 12.1&#8212;50.26: Ntthopoollo na makhollo awaamba a Aisraele. Nikhollo nawaamba tti Abrahamo oyo tti oodduwanyeya phaama ekaamba ya echikhulupililwaaye ni omwiiwellella waye Mulluku. Vatulli viwa tti epilli dda mwanaye Isaki ni mwanaye Yakobo (ooromolliwattho Israele), vamoddattho ni dda anamwani aallopwana khumi ni eelli a Yakobo, ayo tti makhollo khumi ni eelli a mitundu dda Aisraele. Mwa anamwani aallopwana attheenaalla epilli ya Yosefe sika enatthopoolliwa wunchichi ni nnddo ddamweerihalle Yakobo ni anaaye aallopwana ni mabanjiiwa okhalla o Iguputo.</span></div><div class="ip"><span class="content">Naari nibukhunna nitthopoollaka dda athu, wunchichi ninatthopoolla nnddo Mulluku eerilleeye. Ninaamba ni osimikizella wi Mulluku sika aphatusalle ellapo yooddullu ni yavatthi. Nave ninamalliha ni lonjezano nawi Mulluku aneerovirellella waahiya athwaaye vamurimani. Munibukhuni nittheenenna, mwaneena a mullupa mwaha tti Mulluku oyo anaweeruza ni waallaka athu oochimwa oyottho anaahoollella ni waakavihera athwaaye nave anahoollella epilliiwa. Nibukhu nakhallekhallenna nalembiwe wi noonihe epilli ya echikhulupililo ya athu ni okavihera wi echikhulupililweeyo ekhalleve yookumi.</span></div><div class="iot"><span class="content">Miru dda muwarimmu</span></div><div class="io1"><span class="content">Ophatusiwa wa ellapo yooddullu ni yavatthi ni athu </span><span class="ior"><span class="content">1.1&#8212;2.25</span></span></div><div class="io1"><span class="content">Waambeya wa machimo ni ddoohoosa </span><span class="ior"><span class="content">3.1-24</span></span></div><div class="io1"><span class="content">Ovenyera va Adamu ophiyera va Nowa </span><span class="ior"><span class="content">4.1&#8212;5.32</span></span></div><div class="io1"><span class="content">Nowa ni echigumula </span><span class="ior"><span class="content">6.1&#8212;10.32</span></span></div><div class="io1"><span class="content">Nttattha na Babiloni </span><span class="ior"><span class="content">11.1-9</span></span></div><div class="io1"><span class="content">Ovenyera va Shemu ophiyera va Abramu </span><span class="ior"><span class="content">11.10-32</span></span></div><div class="io1"><span class="content">Attiitthi: Abrahamu, Isaki, Yakobo </span><span class="ior"><span class="content">12.1&#8212;35.29</span></span></div><div class="io1"><span class="content">Edduullu dda Esau </span><span class="ior"><span class="content">36.1-43</span></span></div><div class="io1"><span class="content">Yosefe ni asinne </span><span class="ior"><span class="content">37.1&#8212;45.28</span></span></div><div class="io1"><span class="content">Aisraele mu Iguputo </span><span class="ior"><span class="content">46.1&#8212;50.26</span></span></div>
        </div>
    </div>
</div>

The Bible in Elhomwe © The Bible Society of Malawi, 2019.

MAWU AWAAMBA
Nnddina na Genesis ninattaphullella “maambeellello”. Nibukhunna ninatthopoolla dda ophatuwa wa ellapo, waambeya wa athu, waambeya wa nichimo ni ohoowa wa va ellapo yavatthi. Ninnatthopoollattho dda mmo Mulluku aneerelleeye ni athu. Nibukhu na Genesis ttuukawiwa m'mapuroni muullupalli meelli.
(1) Miru 1.1—11.32: Ophatusiwa wa ellapo yavatthi ni ntthopoollo na mitundu dda athu. Mu miru ddenndda sika munaphwanyeya ntthopoollo na Adamu, Heva, Kaini ni Abele, Nowa ni echombo navettho dda nttattha na Babiloni.
(2) Miru 12.1—50.26: Ntthopoollo na makhollo awaamba a Aisraele. Nikhollo nawaamba tti Abrahamo oyo tti oodduwanyeya phaama ekaamba ya echikhulupililwaaye ni omwiiwellella waye Mulluku. Vatulli viwa tti epilli dda mwanaye Isaki ni mwanaye Yakobo (ooromolliwattho Israele), vamoddattho ni dda anamwani aallopwana khumi ni eelli a Yakobo, ayo tti makhollo khumi ni eelli a mitundu dda Aisraele. Mwa anamwani aallopwana attheenaalla epilli ya Yosefe sika enatthopoolliwa wunchichi ni nnddo ddamweerihalle Yakobo ni anaaye aallopwana ni mabanjiiwa okhalla o Iguputo.
Naari nibukhunna nitthopoollaka dda athu, wunchichi ninatthopoolla nnddo Mulluku eerilleeye. Ninaamba ni osimikizella wi Mulluku sika aphatusalle ellapo yooddullu ni yavatthi. Nave ninamalliha ni lonjezano nawi Mulluku aneerovirellella waahiya athwaaye vamurimani. Munibukhuni nittheenenna, mwaneena a mullupa mwaha tti Mulluku oyo anaweeruza ni waallaka athu oochimwa oyottho anaahoollella ni waakavihera athwaaye nave anahoollella epilliiwa. Nibukhu nakhallekhallenna nalembiwe wi noonihe epilli ya echikhulupililo ya athu ni okavihera wi echikhulupililweeyo ekhalleve yookumi.
Miru dda muwarimmu
Ophatusiwa wa ellapo yooddullu ni yavatthi ni athu 1.1—2.25
Waambeya wa machimo ni ddoohoosa 3.1-24
Ovenyera va Adamu ophiyera va Nowa 4.1—5.32
Nowa ni echigumula 6.1—10.32
Nttattha na Babiloni 11.1-9
Ovenyera va Shemu ophiyera va Abramu 11.10-32
Attiitthi: Abrahamu, Isaki, Yakobo 12.1—35.29
Edduullu dda Esau 36.1-43
Yosefe ni asinne 37.1—45.28
Aisraele mu Iguputo 46.1—50.26

Listen to Genesis MAWU AWAAMBA