If you would like a copy of this version please contact info@davaraudiobibles.org

Quichua Chimborazo Old Testament

<div class="version vid262 iso6393qug" data-vid="262" data-iso6393="qug">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s1">Yacu juillu chaquirishcami</div><div class="p"> 1Chai q'uipami Taita Diosca Noetapish, paihuan caj animalcunatapish huambuj huasipi cashcata yuyarirca. Chaimi Taita Diosca huairata cachashpa cai pachapi junda tiyacuj yacutaca chaquichishpa catirca. 2Ucujmanta llujshicuj jatun yacucunatapish huichcarcami. Jahua pacha lliquirishcatapish huichcajpimi, jahua pachamanta tamyacujca usyarirca. 3Cai pachapi tiyaj yacuca, asha ashami chaquirishpa catirca. 150 punllacuna tucujpica, yacuca ashtahuanmi chaquirirca. 4Chai huatapaj canchis quillapi, chai quillapaj chunga canchis punllapimi chai huambuj huasica Ararat urcucuna jahuapi tiyarirca. 5Yacu ashtahuan chaquirijpimi, chunga quilla callari punllapica urcucunapaj puntacuna ricurirca.</div><div class="p"> 6Chai urcucuna ricurishca punllamanta chuscu chunga punllacuna tucujpimi Noeca, pai rurashca huambuj huasi ventanata pascashpa, 7shuj cuervota cacharirca. Chai cuervo rishpaca, yacu chaquiringacama huairapi caiman chaiman puricurcallami. 8Chai q'uipaca Noeca, cai pachapi yacu &#241;a chaquirishcata yachangapajmi shuj palomata cacharirca. 9Ashtahuanpish chai palomaca, cai pachapi yacu manaraj chaquirijpimi, maipi mana tiyari tucushpa huambuj huasillamantaj tigrarca. Chaimi Noeca paipaj maquita chutashpa chai palomata japishpa, huambuj huasillamantaj yaicuchirca.</div><div class="p"> 10Noeca shujtaj canchis punllacunata shuyashpami, huambuj huasimantaca palomata cutinllataj cacharishpa cacharca. 11Chai palomaca &#241;a tutayacuitami, olivo p'angata apashpa tigramurca. Chaimi Noeca cai pachapi tiyaj yacuca &#241;a ashtahuan chaquiricushcata yacharca. 12Noeca shujtaj canchis punllahuan shuyashpami, palomataca cutinllataj cacharirca. Chai palomaca &#241;a mana tigrarcachu.</div><div class="p"> 13Noeca 601 huatayujmi carca. Chai huata callaripaj punta quillapi, chai quillapaj punta punllapimi yacuca &#241;a tucui chaquirirca. Chaimi Noeca, huambuj huasi c'atata pascashpa ricushpaca, cai pacha allpaca chaquishca cashcata ricurca. 14Chai huatapaj ishqui quilla, chai quillapaj ishqui chunga canchis punllapica, cai pacha allpaca ashtahuan chaquishcatajmi carca.</div><div class="p"> 15Chaipimi Taita Diosca, Noetaca: 16&#8220;Canpish, cambaj huarmipish, cambaj churicunapish, cambaj churicunapaj huarmicunapish huambuj huasimanta llujshichij. 17Canhuan caj tucui laya animalcunataca, huairata purij animalcunatapish, sacha animalcunatapish, llucaj animalcunatapish tucui cai pachata rishpa mirarishpa jundarichun llujshichi&#8221; nirca.</div><div class="p"> 18Noeca paipaj huarmindij, paipaj churicunandij, churicunapaj huarmicunandijmi llujshirca. 19Allpapi purij animalcunapish, llucaj animalcunapish, huairata purij alasyuj animalcunapish tucui laya animalcunami huambuj huasimantaca llujshircacuna.</div><div class="p"> 20Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca. 21Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: &#8220;Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.</div><div class="q1"> 22Cai pacha tiyashcacamaca tarpui punllacunapish, cozicha punllacunapish manataj illangachu.</div><div class="q1">Chiri punllacunapish, rupaj punllacunapish tiyangami.</div><div class="q1">Tamya punllacunapish, usya punllacunapish tiyangami.</div><div class="q1">Punllapish tutapish tiyangami&#8221; nircami.</div>
 </div>
 </div>
</div>

Quichua Chimborazo Bible Revision 2010 © United Bible Societies, 2010.

Chai q'uipami Taita Diosca Noetapish, paihuan caj animalcunatapish huambuj huasipi cashcata yuyarirca. Chaimi Taita Diosca huairata cachashpa cai pachapi junda tiyacuj yacutaca chaquichishpa catirca. Ucujmanta llujshicuj jatun yacucunatapish huichcarcami. Jahua pacha lliquirishcatapish huichcajpimi, jahua pachamanta tamyacujca usyarirca. Cai pachapi tiyaj yacuca, asha ashami chaquirishpa catirca. 150 punllacuna tucujpica, yacuca ashtahuanmi chaquirirca. Chai huatapaj canchis quillapi, chai quillapaj chunga canchis punllapimi chai huambuj huasica Ararat urcucuna jahuapi tiyarirca. Yacu ashtahuan chaquirijpimi, chunga quilla callari punllapica urcucunapaj puntacuna ricurirca.
Chai urcucuna ricurishca punllamanta chuscu chunga punllacuna tucujpimi Noeca, pai rurashca huambuj huasi ventanata pascashpa, shuj cuervota cacharirca. Chai cuervo rishpaca, yacu chaquiringacama huairapi caiman chaiman puricurcallami. Chai q'uipaca Noeca, cai pachapi yacu ña chaquirishcata yachangapajmi shuj palomata cacharirca. Ashtahuanpish chai palomaca, cai pachapi yacu manaraj chaquirijpimi, maipi mana tiyari tucushpa huambuj huasillamantaj tigrarca. Chaimi Noeca paipaj maquita chutashpa chai palomata japishpa, huambuj huasillamantaj yaicuchirca.
Noeca shujtaj canchis punllacunata shuyashpami, huambuj huasimantaca palomata cutinllataj cacharishpa cacharca. Chai palomaca ña tutayacuitami, olivo p'angata apashpa tigramurca. Chaimi Noeca cai pachapi tiyaj yacuca ña ashtahuan chaquiricushcata yacharca. Noeca shujtaj canchis punllahuan shuyashpami, palomataca cutinllataj cacharirca. Chai palomaca ña mana tigrarcachu.
Noeca 601 huatayujmi carca. Chai huata callaripaj punta quillapi, chai quillapaj punta punllapimi yacuca ña tucui chaquirirca. Chaimi Noeca, huambuj huasi c'atata pascashpa ricushpaca, cai pacha allpaca chaquishca cashcata ricurca. Chai huatapaj ishqui quilla, chai quillapaj ishqui chunga canchis punllapica, cai pacha allpaca ashtahuan chaquishcatajmi carca.
Chaipimi Taita Diosca, Noetaca: “Canpish, cambaj huarmipish, cambaj churicunapish, cambaj churicunapaj huarmicunapish huambuj huasimanta llujshichij. Canhuan caj tucui laya animalcunataca, huairata purij animalcunatapish, sacha animalcunatapish, llucaj animalcunatapish tucui cai pachata rishpa mirarishpa jundarichun llujshichi” nirca.
Noeca paipaj huarmindij, paipaj churicunandij, churicunapaj huarmicunandijmi llujshirca. Allpapi purij animalcunapish, llucaj animalcunapish, huairata purij alasyuj animalcunapish tucui laya animalcunami huambuj huasimantaca llujshircacuna.
Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca. Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.
Cai pacha tiyashcacamaca tarpui punllacunapish, cozicha punllacunapish manataj illangachu.
Chiri punllacunapish, rupaj punllacunapish tiyangami.
Tamya punllacunapish, usya punllacunapish tiyangami.
Punllapish tutapish tiyangami” nircami.

ಆಲಿಸಿ GÉNESIS 8