If you have would like a copy of this version please contact info@davarpartners.com

The Lusamia-Lugwe Bible

<div class="version vid2366 iso6393lsm" data-vid="2366" data-iso6393="lsm">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s">Nasaae alagira Abburahamu ohuyaana Yisaka</div><div class="p"> 1 # 
 Abaib 11:17-19. Bino nibyawa, Nasaae yateema Abburahamu yamulaanga ati, &#8220;Abburahamu!&#8221; Nae yakobolamo ati, &#8220;Ndiwo&#8221;. 2#2 Biha 3:1.Nasaae yamuboolera ati, &#8220;Bukula omwaana wao, omwaana wao mudeerwa Yisaka, omuheerwa wao oyo, ochie mu syaalo sya Moria, omuyaanireyo eyo koti esiyaanwa sisaambe hu lugulu lu njia ohuhweekesa.&#8221; 3Mani nibwahya echuli mu mabwiibwi, Abburahamu yasiingira, yasyaaka eehwi, yaachita hu suhiri yae, haandi yaabukula abahalaabani bae babiri, neende omwaana wae Yisaka bachaaka olukeendo. Basiingira baachia abuundu yi Nasaae yali naamuboolere. 4Endaalo chidatu nichabitao, Abburahamu yasiingisa obweeni mani yaabona abuundu ao. 5Abburahamu yaboolera abahalaabani bae babiri ati, &#8220;Eng'we mudoong'e ano neende esuhiri chino, nae ese neende omusoliiri waange wuno huchie eyo mani hwiinamire Nasaae. Nihuba nihumalire, huchia ohukobola yi muli.&#8221; 6Abburahamu yabukula eehwi ch'ohusaambira esiyaanwa mani n'achidwiiha Yisaka omwaana wae oyo. Nae omweene yakiinga omuliro neende ehaande. Boombi bakeendera alala nibachia. 7Yisaka yaboolera laatang'ene ati, &#8220;Laata!&#8221; Nae yakobolamo ati, &#8220;Ndiwo, mwaana waange.&#8221; Mani Yisaka yateeba ati, &#8220;Bona, omuliro neende eehwi mbino biriwo; nae ekoondi lyohusaamba koti esiyaanwa liri yeena?&#8221; 8Abburahamu yakobolamo ati, &#8220;Nasaae mweene niye ochia ohwenyoolera ekoondi lyohusaamba.&#8221; Mani boombi nibakeendera alala nibachia.</div><div class="p"> 9 # 
 Yak 2:21. Nae niboola abuundu yi Nasaae yali naamuboleere, Abburahamu yoombahao alutaari, yaalaho bulai eehwi. Yaboya Yisaka omwaana wae, yaamwaalisa hu hwi chiri hu alutaari. 10Bulaanu Abburahamu yasobolayo ehaande ohumwiita. 11Nae malaika w'Omwaami naamulaanga naali muukulu ati, &#8220;Abburahamu, Abburahamu!&#8221; Nae yaakobolamo ati, &#8220;Nduwo.&#8221; 12Malaika yamuboolera ati, &#8220;Otanyaalaho omwaana wao oyo, kata sa waamuholaho esiindu syoosi. Bulaanu manyire endi hane wiisa oluyaali haandi otya Nasaae. Olwohuba haba soohayire ohuumberesa omwaana wao mudeerwa.&#8221; 13Abburahamu yahubba amahemo enyuma mani yaabonayo ekoondi emiiku niliyandiisye enjika chalyo mu sichaha. Abburahamu mani n'abukula ekoondi emiiku elyo, naaliyaanayo koti esiyaanwa sisaambwa ataali omwaana wae oyo daawe. 14Abburahamu yalaanga abuundu ao ati, &#8220;Omwaami niye oberesa.&#8221; Kata buti, abaandu baboolaanga sa bati, &#8220;Hu lugulu lw'Omwaami, omweene niye oberesa.&#8221; 15Malaika w'Omwaami naali muukulu haandi yalaanga Abburahamu ehabi lyohubiri, 16#Abaib 6:13,14.haandi yaboola ati, Omwaami aboola ati, &#8220;Ndeechuba mu liita lyaange lyeene endi, njia ohuhuberesa ehabi nyiingi. Koti lw'oholere sino, mani waahaya ohuunyima omwaana wao mudeerwa, 17#Abaib 11:12.syesi suubisa endi njia ohuhuberesa abeechuhulu baangi, abaangi koti eng'ining'ini ch'aakulu, haandi koti omusenye kwohu lwaasi lw'enyaanja. Abeechuhulu bao bachia ohuyiingira abasuku baabwe. 18#Biho 3:25.Ebyaalo byoosi bichia ohuusabaanga ehabi koti lu mbereese abeechuhulu bao ehabi. Njia ohuhola bino byoosi olwohuba wumbuliire.&#8221; 19Mani Abburahamu yakobola eyiri abahalaabani bae, nibawaao boosi ohukobola Bberisebba, yi Abburahamu yamala yaamenya.</div><div class="s">Abeechuhulu ba Nahori</div><div class="p"> 20Ebyo nibyawa, baboolera Abburahamu bati, Milika yesi yeebuliire Nahori mwaanang'ina abaana bataanu-na-badatu. 21Wuusi omwaana waamberi, Bbusi mwaanang'ina, Kemueli laatang'ene Aramu, 22Kesedi, Haso, Pilidaasi, Yidilaafi, neende Bbetueli. 23Bbetueli niye laatang'ene Rebbeka. Milika yebulira Nahori, mwaanang'ina Abburahamu abaana bataanu-na-badatu bano. 24Rewuma, omuhasi w'erwaanyi wa Nahori yesi yeebula Tebba, Gahamu, Tahasi, neende Maaka.</div>
 </div>
 </div>
</div>

©Bible Society of Kenya, 2019 ©Bible Society of Uganda, 2019

Bino nibyawa, Nasaae yateema Abburahamu yamulaanga ati, “Abburahamu!” Nae yakobolamo ati, “Ndiwo”. Nasaae yamuboolera ati, “Bukula omwaana wao, omwaana wao mudeerwa Yisaka, omuheerwa wao oyo, ochie mu syaalo sya Moria, omuyaanireyo eyo koti esiyaanwa sisaambe hu lugulu lu njia ohuhweekesa.” Mani nibwahya echuli mu mabwiibwi, Abburahamu yasiingira, yasyaaka eehwi, yaachita hu suhiri yae, haandi yaabukula abahalaabani bae babiri, neende omwaana wae Yisaka bachaaka olukeendo. Basiingira baachia abuundu yi Nasaae yali naamuboolere. Endaalo chidatu nichabitao, Abburahamu yasiingisa obweeni mani yaabona abuundu ao. Abburahamu yaboolera abahalaabani bae babiri ati, “Eng'we mudoong'e ano neende esuhiri chino, nae ese neende omusoliiri waange wuno huchie eyo mani hwiinamire Nasaae. Nihuba nihumalire, huchia ohukobola yi muli.” Abburahamu yabukula eehwi ch'ohusaambira esiyaanwa mani n'achidwiiha Yisaka omwaana wae oyo. Nae omweene yakiinga omuliro neende ehaande. Boombi bakeendera alala nibachia. Yisaka yaboolera laatang'ene ati, “Laata!” Nae yakobolamo ati, “Ndiwo, mwaana waange.” Mani Yisaka yateeba ati, “Bona, omuliro neende eehwi mbino biriwo; nae ekoondi lyohusaamba koti esiyaanwa liri yeena?” Abburahamu yakobolamo ati, “Nasaae mweene niye ochia ohwenyoolera ekoondi lyohusaamba.” Mani boombi nibakeendera alala nibachia.
Nae niboola abuundu yi Nasaae yali naamuboleere, Abburahamu yoombahao alutaari, yaalaho bulai eehwi. Yaboya Yisaka omwaana wae, yaamwaalisa hu hwi chiri hu alutaari. Bulaanu Abburahamu yasobolayo ehaande ohumwiita. Nae malaika w'Omwaami naamulaanga naali muukulu ati, “Abburahamu, Abburahamu!” Nae yaakobolamo ati, “Nduwo.” Malaika yamuboolera ati, “Otanyaalaho omwaana wao oyo, kata sa waamuholaho esiindu syoosi. Bulaanu manyire endi hane wiisa oluyaali haandi otya Nasaae. Olwohuba haba soohayire ohuumberesa omwaana wao mudeerwa.” Abburahamu yahubba amahemo enyuma mani yaabonayo ekoondi emiiku niliyandiisye enjika chalyo mu sichaha. Abburahamu mani n'abukula ekoondi emiiku elyo, naaliyaanayo koti esiyaanwa sisaambwa ataali omwaana wae oyo daawe. Abburahamu yalaanga abuundu ao ati, “Omwaami niye oberesa.” Kata buti, abaandu baboolaanga sa bati, “Hu lugulu lw'Omwaami, omweene niye oberesa.” Malaika w'Omwaami naali muukulu haandi yalaanga Abburahamu ehabi lyohubiri, haandi yaboola ati, Omwaami aboola ati, “Ndeechuba mu liita lyaange lyeene endi, njia ohuhuberesa ehabi nyiingi. Koti lw'oholere sino, mani waahaya ohuunyima omwaana wao mudeerwa, syesi suubisa endi njia ohuhuberesa abeechuhulu baangi, abaangi koti eng'ining'ini ch'aakulu, haandi koti omusenye kwohu lwaasi lw'enyaanja. Abeechuhulu bao bachia ohuyiingira abasuku baabwe. Ebyaalo byoosi bichia ohuusabaanga ehabi koti lu mbereese abeechuhulu bao ehabi. Njia ohuhola bino byoosi olwohuba wumbuliire.” Mani Abburahamu yakobola eyiri abahalaabani bae, nibawaao boosi ohukobola Bberisebba, yi Abburahamu yamala yaamenya.

Ebyo nibyawa, baboolera Abburahamu bati, Milika yesi yeebuliire Nahori mwaanang'ina abaana bataanu-na-badatu. Wuusi omwaana waamberi, Bbusi mwaanang'ina, Kemueli laatang'ene Aramu, Kesedi, Haso, Pilidaasi, Yidilaafi, neende Bbetueli. Bbetueli niye laatang'ene Rebbeka. Milika yebulira Nahori, mwaanang'ina Abburahamu abaana bataanu-na-badatu bano. Rewuma, omuhasi w'erwaanyi wa Nahori yesi yeebula Tebba, Gahamu, Tahasi, neende Maaka.

Listen to Ohuchaaka 22