Rendille, Kenya 2018 WBT Non-Drama (NT)

Rendille, Kenya 2018 WBT Drama (NT)

<div class="version vid2277 iso6393rel" data-vid="2277" data-iso6393="rel">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s1">Seytaan Yeesso kajmeti uskeel kalugu&#42892;ddo ikeena</div><div class="r">(Marko 1:12-13, Luuka 4:1-13)</div><div class="p"> 1Rubeyti Munyee saahka Yeesso woyte, ichoowka hidaad geesse, &#42892;dee Seytaan kajmeti uskeel kalugu&#42892;ddo ikeena. 2Inkoo us ibeen tomon affar maalintiche khabto af hiite ka, weyti ankaye. 3Seytaanki &#42892;Dookkaje layadeeh la iyimiyye, iiyeyye, &#8220;Chirri at Weeli Waakh tahe, dagahta leeyeede makaate a titaahe.&#8221;</div><div class="p"> 4Yeesso la wihi us ilaabe, &#8220;Wihi chiiran, &#8216;Weeli enenyet golol kalday mee kanoolyahe, i&#42892;daasenyi yeedi tuummane afi Waakh kasoobaho kanoolyahe.&#8217;&#8202;&#8221;#4:4 Deewutoronomi 8:3.</div><div class="p"> 5Seytaan toro Yeesso khaate, ilkerengeetti weene lagane Yeerusaleem ka minki Waakhe buure guutiis korche. 6Wihi us Yeesso iyidah, &#8220;Chirri at Weeli Waakh tahe, inta kanyaam. I&#42892;di tahe wihi chiiran,</div><div class="q1">&#8220; &#8216;Waakh hertiis amure ibahcha,</div><div class="q2">iche la dahanohiche ka serey kiokkhissa,</div><div class="q1">uus &#42892;dee luhtaah dagah gu&#42892;ddine.&#8217;&#8202;&#8221;#4:6 Sabuur 91:11-12.</div><div class="p"> 7Yeesso wihi us ilaabe, &#8220;Chiirnaanneti Waakh toro mehe tadeeh ya, &#8216;Kamuri Waakkhaahe kajme agelin.&#8217;&#8202; #4:7 Deewutoronomi 6:16.&#8221;</div><div class="p"> 8Seytaan toro Yeesso khaate, haloo weyti deer korche, yaafohi harra tuumman ichoow kamurroonkicho ba tuse. 9Seytaan wihi us Yeesso iyidah, &#8220;Chirri at jilbo il kagu&#42892;dubte at ani iwahatte, waha tuumman a kisiicha.&#8221;</div><div class="p"> 10Yeesso wihi us iyidah, &#8220;Seytaan, nyaam ikatab! A mehe wihi chiiran, &#8216;Kamuri Waakkhaahe waho toro la usu kalday on ihil.&#8217;#4:10 Deewutoronomi 6:13. &#8202;&#8221;</div><div class="p"> 11Seytaan &#42892;deerka Yeesso katabe, herti Waakh la timiyye Yeesso gargaarte.</div><div class="s1">Yeesso hiliis boroofenhi Gaalilaaya ka sookhabta</div><div class="r">(Marko 1:14-15, Luuka 4:14-15)</div><div class="p"> 12Yeesso inkoo us saggi Yoohana jeela liigesse daage ka, boroofenhi Gaalilaaya inokhte. 13Ilkerengeetti Naasaret katabe, ilkerengeetti Kafarnaa&#42892;hume beyti Gaalilaaya aficheenye ili yaaf Seebulon ichoow Naaftalee irte furte. 14Waha la a yateehiine, &#42892;dee wihi eti Wa&#225;kh &#237;yeyyeedo Isaaya layadeeh ka lacheeke, labuuhicha.</div><div class="q1"> 15&#42892;Doo&#42892;di harrati yaaf Seebulon ichoow yaaf Naaftali toolla yaalle,</div><div class="q2">jiti beyti Gaalilaaya liikasohti, hawti &#42892;dusso Yoordan bahayhiise yaal,</div><div class="q2">harrati Gaalilaaya &#42892;doo&#42892;di Waakh igaran yaalliine yaal.</div><div class="q1"> 16Atinhi mug&#42892;dihi uskeel goya fiddiiteen,</div><div class="q2">banayhi Waakhe buure a agarteen.</div><div class="q1">&#42892;Doo&#42892;di ili oosinti omooteet fiddiye,</div><div class="q2">banay a isookoreen. #4:16 Isaaya 9:1-2.</div><div class="p"> 17Uus maantaas Yeesso Yeedi Waakh &#42892;doo&#42892;d icheeke, wihi us iyidah, &#8220;Uskeeliin kasoonokhda, a mehe dakhi goobi Waakh a soodowwaatee.&#8221;</div><div class="s1">Yeesso abattitiisti oraat soobahsata</div><div class="r">(Marko 1:16-20, Luuka 5:1-11)</div><div class="p"> 18Yeesso Beyti Buurenye Gaalilaaya afiche kasohtaayi, reeroo lammeenye isleedesse arge. Waha a Siimonhi Beetero layadeeh ichoow Andereeya. Iche la oroohti bahag lakakhabti bey goya isaate, a mehe hiliche a ki bahag lakhabti. 19Yeesso la wihi us iyidah, &#8220;Kaaleya isooraaha abattiteey ateeha, hiloo husube enenyet Waakh liikeeno a atin korcho.&#8221; 20Chirraas on oroohti kootte iche bahag kakhabatti &#42892;diisse Yeesso raahte.</div><div class="p"> 21Toro orey isohte yeeletoo addane lammeenye isleedelatte too Sebedaayee arge. Iche la a Yaakoobo ichoow Yoohana. Lammache aabbahiche khabtaayi kooban goya fiddiita, oroohti bahag lakakhabti haagsatta. Yeesso yeele lammache wahe. 22Iche la chirraas on kooban ichoow aabbahiche ba katabte Yeesso raahte.</div><div class="s1">Yeesso Yeedi Waakh cheeka toro la &#42892;doo&#42892;di khakkhannan samaacha</div><div class="p"> 23Yeesso boroofenhi Gaalilaaya tuumman goya tabe, minassichoki weysiite Ya&#42892;huud ka Wori Haaggane dakhi Waakh miinsan cheeke, &#42892;doo&#42892;di khakkhannane khannaattetiis fil dakkhan tahe laka samaache. 24Woriis boroofenhi Siiriya tuumman kataa&#42892;he, &#42892;doo&#42892;d la &#42892;doo&#42892;di tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki ma&#42892;dee ikeene, ulla icho tuumman samaache. 25Ururreti buurenye boroofenhi Gaalilaaya ichoow Dekaabolis#4:25 Dekaabolis. Waha a Ilkerengeetohi Tomone. ichoow ilkerengeetti weene Yeerusaleem ichoow boroofenhi Ya&#42892;huudiya ichoow hawti &#42892;dusso Yoordan berihichee kayimiy Yeesso raahe.</div>
 </div>
 </div>
</div>

Rubeyti Munyee saahka Yeesso woyte, ichoowka hidaad geesse, ꞌdee Seytaan kajmeti uskeel kaluguꞌddo ikeena. Inkoo us ibeen tomon affar maalintiche khabto af hiite ka, weyti ankaye. Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”
Yeesso la wihi us ilaabe, “Wihi chiiran, ‘Weeli enenyet golol kalday mee kanoolyahe, iꞌdaasenyi yeedi tuummane afi Waakh kasoobaho kanoolyahe.’ ”
Seytaan toro Yeesso khaate, ilkerengeetti weene lagane Yeerusaleem ka minki Waakhe buure guutiis korche. Wihi us Yeesso iyidah, “Chirri at Weeli Waakh tahe, inta kanyaam. Iꞌdi tahe wihi chiiran,
“ ‘Waakh hertiis amure ibahcha,
iche la dahanohiche ka serey kiokkhissa,
uus ꞌdee luhtaah dagah guꞌddine.’ ”
Yeesso wihi us ilaabe, “Chiirnaanneti Waakh toro mehe tadeeh ya, ‘Kamuri Waakkhaahe kajme agelin.’  ”
Seytaan toro Yeesso khaate, haloo weyti deer korche, yaafohi harra tuumman ichoow kamurroonkicho ba tuse. Seytaan wihi us Yeesso iyidah, “Chirri at jilbo il kaguꞌdubte at ani iwahatte, waha tuumman a kisiicha.”
Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”
Seytaan ꞌdeerka Yeesso katabe, herti Waakh la timiyye Yeesso gargaarte.


Yeesso inkoo us saggi Yoohana jeela liigesse daage ka, boroofenhi Gaalilaaya inokhte. Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte. Waha la a yateehiine, ꞌdee wihi eti Waákh íyeyyeedo Isaaya layadeeh ka lacheeke, labuuhicha.
ꞌDooꞌdi harrati yaaf Seebulon ichoow yaaf Naaftali toolla yaalle,
jiti beyti Gaalilaaya liikasohti, hawti ꞌdusso Yoordan bahayhiise yaal,
harrati Gaalilaaya ꞌdooꞌdi Waakh igaran yaalliine yaal.
Atinhi mugꞌdihi uskeel goya fiddiiteen,
banayhi Waakhe buure a agarteen.
ꞌDooꞌdi ili oosinti omooteet fiddiye,
banay a isookoreen.
Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”


Yeesso Beyti Buurenye Gaalilaaya afiche kasohtaayi, reeroo lammeenye isleedesse arge. Waha a Siimonhi Beetero layadeeh ichoow Andereeya. Iche la oroohti bahag lakakhabti bey goya isaate, a mehe hiliche a ki bahag lakhabti. Yeesso la wihi us iyidah, “Kaaleya isooraaha abattiteey ateeha, hiloo husube enenyet Waakh liikeeno a atin korcho.” Chirraas on oroohti kootte iche bahag kakhabatti ꞌdiisse Yeesso raahte.
Toro orey isohte yeeletoo addane lammeenye isleedelatte too Sebedaayee arge. Iche la a Yaakoobo ichoow Yoohana. Lammache aabbahiche khabtaayi kooban goya fiddiita, oroohti bahag lakakhabti haagsatta. Yeesso yeele lammache wahe. Iche la chirraas on kooban ichoow aabbahiche ba katabte Yeesso raahte.

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache. Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache. Ururreti buurenye boroofenhi Gaalilaaya ichoow Dekaabolis ichoow ilkerengeetti weene Yeerusaleem ichoow boroofenhi Yaꞌhuudiya ichoow hawti ꞌdusso Yoordan berihichee kayimiy Yeesso raahe.

Listen to Mattaayo 4