Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
   <div class="book bkJHN">
      <div class="chapter ch18" data-usfm="JHN.18">
         <div class="label">18</div><div class="s1"><span class="heading">Yesu bamuwaamba</span></div><div class="r"><span class="heading">(</span><span class="heading">Matayo 26.47-56</span><span class="heading">; </span><span class="heading">Mako 14.43-50</span><span class="heading">; </span><span class="heading">Luka 22.47-53</span><span class="heading">)</span></div><div class="p"><span class="content">  </span><span class="verse v1" data-usfm="JHN.18.1"><span class="label">1</span><span class="content">Awo Yesu n'amala khuukanikha bilomo bino, waarura ni baleekelwa beewe, baambukha khakheetsi kheesi balaanga bari Kidironi. Ibweene iyo yabayo kumukuunda, mweesi Yesu ni baleekelwa beewe baatsya. </span></span><span class="verse v2" data-usfm="JHN.18.2"><span class="label">2</span><span class="content">Yuda uwalya mu Yesu luwomelo abe waamanya shiifwo sheenesho, khulwekhuuba Yesu atsyaatsakayo tsifuunda tsingali ni baleekelwa beewe. </span></span><span class="verse v3" data-usfm="JHN.18.3"><span class="label">3</span><span class="content">Aryo Yuda waatsyayo mu mukuunda ukwo, nga waraangilile kumukaanda kwe basilikhale, ni babakaanisi babaandi khukhwaama isi basaayi bakhulu ni Bafarisaayo. Baaba basutile tsitaala, ni tsisaso, ni bye busoolo. </span></span><span class="verse v4" data-usfm="JHN.18.4"><span class="label">4</span><span class="content">Yesu n'amanya byoosi bibiitsya khumukholekhakho, umweene weerusa ibulafu, waabareeba ari, &#8220;Naanu esi mulikho muweentsa?&#8221;</span></span></div><div class="p"><span class="verse v4" data-usfm="JHN.18.4"><span class="content">  </span></span><span class="verse v5" data-usfm="JHN.18.5"><span class="label">5</span><span class="content">Baamwiilamo bari, &#8220;Yesu, uwe Nazareesi.&#8221;</span></span></div><div class="p"><span class="verse v5" data-usfm="JHN.18.5"><span class="content">Yesu waabaloma ari, &#8220;Ise niy'oyu.&#8221;</span></span></div><div class="p"><span class="verse v5" data-usfm="JHN.18.5"><span class="content">Ni Yuda uwamulyamo luwomelo naye aba weemile ni nabo. </span></span><span class="verse v6" data-usfm="JHN.18.6"><span class="label">6</span><span class="content">Ne Yesu n'abaloma ari, &#8220;Ise niy'oyu,&#8221; boosi beelayo shinyumanyuma baakwa aasi.</span></span></div><div class="p"><span class="verse v6" data-usfm="JHN.18.6"><span class="content">  </span></span><span class="verse v7" data-usfm="JHN.18.7"><span class="label">7</span><span class="content">Luundi ndi Yesu waabareeba ari, &#8220;Naanu esi mulikho muweentsa?&#8221;</span></span></div><div class="p"><span class="verse v7" data-usfm="JHN.18.7"><span class="content">Baamuloma bari, &#8220;Yesu uwe Nazareesi.&#8221;</span></span></div><div class="p"><span class="verse v7" data-usfm="JHN.18.7"><span class="content">  </span></span><span class="verse v8" data-usfm="JHN.18.8"><span class="label">8</span><span class="content">Yesu waabaloma ari, &#8220;Imbabooleele ndi ise niy'oyu. Nashiryo noola mumeentsa ise, khayo babaandu bano babe.&#8221; </span></span><span class="verse v9" data-usfm="JHN.18.9"><span class="label">9</span><span class="content">Shino shakholekha nio shilomo sholelese sheesi aaloma ari, &#8220;Ise naakhukosakho na mutweela khu beesi waamba ise ta.&#8221;</span></span></div><div class="p"><span class="verse v9" data-usfm="JHN.18.9"><span class="content">  </span></span><span class="verse v10" data-usfm="JHN.18.10"><span class="label">10</span><span class="content">Nga bishiili biryo, Simoni Petero, uwaba abe ni lurima, waalusoowolayo, waatseyakho khukhuru khwe kumukhono kumulayi, khw'omukulwa w'Omusaayi ufuura bukhulu. Lisiina ly'omukulwa yuno, lyaba bari Maluko. </span></span><span class="verse v11" data-usfm="JHN.18.11"><span class="label">11</span><span class="note x"><span class="label">#</span><span class=" body">Mat 26.39; Mako 14.36; Luka 22.42</span></span><span class="content">Yesu waaloma Petero ari, &#8220;Ni wiise lurima lwoowo mu shilaalo shalwo. Shino nisho shikopo she butsiina sheesi Paapa ambeele. Shingane ishinywe ta?&#8221;</span></span></div><div class="s1"><span class="heading">Yesu ayilibwa wa Anasi</span></div><div class="p"><span class="verse v11" data-usfm="JHN.18.11"><span class="content">  </span></span><span class="verse v12" data-usfm="JHN.18.12"><span class="label">12</span><span class="content">Lwanyuma, kumukaanda kwe basilikhale n'umukhulu waabwe, atweela ni babakaanisi be Bayudaaya, bawaamba Yesu bamubowa. </span></span><span class="verse v13" data-usfm="JHN.18.13"><span class="label">13</span><span class="content">Banyoowa baamuyila wa Anasi, uwaba paapawe w'omukhasi uwa Kayafa. Kayafa niye uwaba umusaayi ufuura bukhulu kumwiiko kwen'ekwo. </span></span><span class="verse v14" data-usfm="JHN.18.14"><span class="label">14</span><span class="note x"><span class="label">#</span><span class=" body">Yok 11.49,50</span></span><span class="content">Naluundi yaba Kayafa mwene uyo, uwawa Bayudaaya kamakyesi ari abe umuundu mutweela wafwa khulwe babaandu boosi, shifuura.</span></span></div><div class="s1"><span class="heading">Petero ekaana Yesu</span></div><div class="r"><span class="heading">(</span><span class="heading">Matayo 26.69-70</span><span class="heading">; </span><span class="heading">Mako 14.66-68</span><span class="heading">; </span><span class="heading">Luka 22.55-57</span><span class="heading">)</span></div><div class="p"><span class="verse v14" data-usfm="JHN.18.14"><span class="content">  </span></span><span class="verse v15" data-usfm="JHN.18.15"><span class="label">15</span><span class="content">Khu mbuka yino, Simoni Petero n'umuleekelwa ukuundi, baloonda khu Yesu. Ne khulwekhuuba abe umuleekelwa yuno aba waamanyikhana isi Umusaayi ufuura bukhulu, baamufukiilisa wenjila mu lwaanyi lw'Omusaayi umukhulu, atweela ni Yesu. </span></span><span class="verse v16" data-usfm="JHN.18.16"><span class="label">16</span><span class="content">Petero waarama nga waaliindile ibulafu, amulyaango. Aryo umuleekelwa yuno abe esi umusaayi umukhulu aamanya, waarura ibulafu, waakanikha isi umukhaana uwaba aliinda khu shilibwa, wenjisa Petero mu lwaanyi. </span></span><span class="verse v17" data-usfm="JHN.18.17"><span class="label">17</span><span class="content">Umukhaana umuliindi yuno waareeba Petero ari, &#8220;Iwe nawe s'uli mutweela khu baleekelwa b'omusaani uyu?&#8221;</span></span></div><div class="p"><span class="verse v17" data-usfm="JHN.18.17"><span class="content">Petero wekaana ari, &#8220;Taawe.&#8221;</span></span></div><div class="p"><span class="verse v17" data-usfm="JHN.18.17"><span class="content">  </span></span><span class="verse v18" data-usfm="JHN.18.18"><span class="label">18</span><span class="content">Babakaanisi ni basilikhale baaba beemile awo nga boora kumulilo kweesi baaba baasile, khulwekhuuba imbuka yaba iye bunyifu. Petero naye aba weemile ni nabo nga oora kumulilo.</span></span></div><div class="s1"><span class="heading">Umusaayi ufuura bukhulu areeba Yesu</span></div><div class="r"><span class="heading">(</span><span class="heading">Matayo 26.59-66</span><span class="heading">; </span><span class="heading">Mako 14.55-64</span><span class="heading">; </span><span class="heading">Luka 22.66-71</span><span class="heading">)</span></div><div class="p"><span class="verse v18" data-usfm="JHN.18.18"><span class="content">  </span></span><span class="verse v19" data-usfm="JHN.18.19"><span class="label">19</span><span class="content">Ibyo nga bili biryo, Umusaayi ufuura bukhulu wareeba Yesu bibiwaamba khu baleekelwa beewe, ni ndeekela yeewe. </span></span><span class="verse v20" data-usfm="JHN.18.20"><span class="label">20</span><span class="content">Yesu wamwilamo ari, &#8220;Ise nakanikhatsaka isi shiibala shoosi lubuula. Naleekelatsaka busheele mu ntsu tsye khukhwisaayilamo, ni mu Lisaayilo Likhulu, esi Bayudaaya boosi babuusanila. Sinalomatsakakho shishiindu shoosi mu shimoonyo ta. </span></span><span class="verse v21" data-usfm="JHN.18.21"><span class="label">21</span><span class="content">Lwashiina undeeba? N'ureebe babaandu babaambuliilisatsaka ise byeesi nabalomatsaka. Nibo baamanya byeesi naloma.&#8221;</span></span></div><div class="p"><span class="verse v21" data-usfm="JHN.18.21"><span class="content">  </span></span><span class="verse v22" data-usfm="JHN.18.22"><span class="label">22</span><span class="content">Yesu n'amala khuloma bino, mutweela khu basilikhale uwaba wemikhile ambi awo, wamukhupa luuyi, nga aloma ari, &#8220;Iyo niyo isaambo isi wiilamo Umusaayi ufuura bukhulu?&#8221;</span></span></div><div class="p"><span class="verse v22" data-usfm="JHN.18.22"><span class="content">  </span></span><span class="verse v23" data-usfm="JHN.18.23"><span class="label">23</span><span class="content">Yesu wamwiilamo ari, &#8220;Noola ise inomele buubi, n'untsokese buubi bwase. Ne noola inomele bulayi, lwashiina kila ukhupa?&#8221; </span></span><span class="verse v24" data-usfm="JHN.18.24"><span class="label">24</span><span class="content">Lwanyuma Anasi wamwakaanisayo wa Kayafa, Umusaayi ufuura bukhulu, nga ashiili umubowe.</span></span></div><div class="s1"><span class="heading">Petero ekaana Yesu luundi</span></div><div class="r"><span class="heading">(</span><span class="heading">Matayo 26.71-75</span><span class="heading">; </span><span class="heading">Mako 14.69-72</span><span class="heading">; </span><span class="heading">Luka 22.58-62</span><span class="heading">)</span></div><div class="p"><span class="verse v24" data-usfm="JHN.18.24"><span class="content">  </span></span><span class="verse v25" data-usfm="JHN.18.25"><span class="label">25</span><span class="content">Bino biba biryo, Simoni Petero aba nga ashiimikha oora kumulilo. Baamureeba bari, &#8220;Ni nawe s'uli mutweela khu baleekelwa b'omusaani uyu?&#8221;</span></span></div><div class="p"><span class="verse v25" data-usfm="JHN.18.25"><span class="content">Ne Petero wekaana nga aloma ari, &#8220;Taawe.&#8221;</span></span></div><div class="p"><span class="verse v25" data-usfm="JHN.18.25"><span class="content">  </span></span><span class="verse v26" data-usfm="JHN.18.26"><span class="label">26</span><span class="content">Lwanyuma mutweela khu bakaanisi b'omusaayi ufuura bukhulu, nga aba umulebe w'omusaani isi Petero akhalakho khukhuru, wamutsuntsumilisa ari, &#8220;Ise sinakhuboone ni naye mu mukuunda?&#8221;</span></span></div><div class="p"><span class="verse v26" data-usfm="JHN.18.26"><span class="content">  </span></span><span class="verse v27" data-usfm="JHN.18.27"><span class="label">27</span><span class="content">Indi luundi Petero wikaana. Ni khu saawa nyene iyo, itwaya yakholookha.</span></span></div><div class="s1"><span class="heading">Yesu nga ali mu moni tsa Pilato</span></div><div class="r"><span class="heading">(</span><span class="heading">Matayo 27.1-2</span><span class="heading">,</span><span class="heading">11-14</span><span class="heading">; </span><span class="heading">Mako 15.1-5</span><span class="heading">; </span><span class="heading">Luka 23.1-5</span><span class="heading">)</span></div><div class="p"><span class="verse v27" data-usfm="JHN.18.27"><span class="content">  </span></span><span class="verse v28" data-usfm="JHN.18.28"><span class="label">28</span><span class="content">Lwanyuma Bayudaaya baarusa Yesu wa Kayafa, baamuyila muungo mwa Gafana. Bubwiile bwaba kumutikhinyi, mu mamilimili. Ne Bayudaaya baalekha khwinjila mu lwaanyi lwa Gafana ta, khulwekhuuba abe she kumusilo, bari nio banyalise khuulya Kamayiiya ke Khuubirakho.</span></span></div><div class="p"><span class="verse v28" data-usfm="JHN.18.28"><span class="content">  </span></span><span class="verse v29" data-usfm="JHN.18.29"><span class="label">29</span><span class="content">Aryo Pilato waarura ibulafu isi baaba, wabareeba ari, &#8220;Musaango shiina kweesi mufunaana umuundu yuno?&#8221;</span></span></div><div class="p"><span class="verse v29" data-usfm="JHN.18.29"><span class="content">  </span></span><span class="verse v30" data-usfm="JHN.18.30"><span class="label">30</span><span class="content">Nabo beelamo bari, &#8220;Umusaani yuno alekha khukhola buubi bwoosi, khali sikhwamureerire is'uli ta.&#8221;</span></span></div><div class="p"><span class="verse v30" data-usfm="JHN.18.30"><span class="content">  </span></span><span class="verse v31" data-usfm="JHN.18.31"><span class="label">31</span><span class="content">Pilato wabeelamo ari, &#8220;Mwabeene ni mumuyile mumukhalile kumusaango nga kamakaambila keenywe ni kaloma.&#8221;</span></span></div><div class="p"><span class="verse v31" data-usfm="JHN.18.31"><span class="content">Ne Bayudaaya bamwiilamo bari, &#8220;Ifwe sikhufukiilisibwa khukhwiira umuundu yeesi ta.&#8221; </span></span><span class="verse v32" data-usfm="JHN.18.32"><span class="label">32</span><span class="note x"><span class="label">#</span><span class=" body">Yok 3.14; 12.32</span></span><span class="content">Shino shakholekha shiryo nio ilomo ya Yesu isi aaloma yoolele, nga okesana khuufwa khweesi atsya khufwamo nga ni khuli.</span></span></div><div class="p"><span class="verse v32" data-usfm="JHN.18.32"><span class="content">  </span></span><span class="verse v33" data-usfm="JHN.18.33"><span class="label">33</span><span class="content">Lwanyuma Pilato welayo luundi mu lwaanyi lwe kimisaango, walaanga Yesu, waamureeba ari, &#8220;Iwe uli Umuyiinga we Bayudaaya?&#8221;</span></span></div><div class="p"><span class="verse v33" data-usfm="JHN.18.33"><span class="content">  </span></span><span class="verse v34" data-usfm="JHN.18.34"><span class="label">34</span><span class="content">Yesu waamwiilamo ari, &#8220;Shino ushiloma khu lwoowo wamweene, namwe iliyo babaandi babaakhubooleele baryo khus'ise?&#8221;</span></span></div><div class="p"><span class="verse v34" data-usfm="JHN.18.34"><span class="content">  </span></span><span class="verse v35" data-usfm="JHN.18.35"><span class="label">35</span><span class="content">Pilato waamwiilamo ari, &#8220;Ise ndi Umuyudaaya? Babaandu be linaambo lyoowo ni Basaayi bakhulu nibo babaakhuntsakaanisile isi ise. Shiina sheesi ukholile?&#8221;</span></span></div><div class="p"><span class="verse v35" data-usfm="JHN.18.35"><span class="content">  </span></span><span class="verse v36" data-usfm="JHN.18.36"><span class="label">36</span><span class="content">Yesu waaloma ari, &#8220;Buyiinga bwase sibuli bwe mu shiibala shino ta. Buba bubuuli bwe mu shiibala shino, khali babakaanisi baase basoolanile, indekha khuwaanibwayo mu mikhono kye Bayudaaya ta. N'enga ni shili, buyiinga bwase sibuli bwa khuno ta.&#8221;</span></span></div><div class="p"><span class="verse v36" data-usfm="JHN.18.36"><span class="content">  </span></span><span class="verse v37" data-usfm="JHN.18.37"><span class="label">37</span><span class="content">Pilato waamureeba ari, &#8220;Khuumanya uli Umuyiinga?&#8221;</span></span></div><div class="p"><span class="verse v37" data-usfm="JHN.18.37"><span class="content">Yesu waamwiilamo ari, &#8220;Iwe niye ulomile uryo, uri ise ndi Umuyiinga. Isho nisho shishakila ise naasaalikha. Naluundi neetsa mu shiibala, ndi nio imboolele bya &#331;ali. Buli muundu yeesi urekeeresa bya &#331;ali, awulila likono lyase.&#8221;</span></span></div><div class="p"><span class="verse v37" data-usfm="JHN.18.37"><span class="content">  </span></span><span class="verse v38" data-usfm="JHN.18.38"><span class="label">38</span><span class="content">Pilato waamureeba ari, &#8220;&#330;ali nisho shiina?&#8221;</span></span></div><div class="s"><span class="heading">Yesu bamukhalila kwe khuufwa</span></div><div class="r"><span class="heading">(</span><span class="heading">Matayo 27.15-31</span><span class="heading">; </span><span class="heading">Mako 15.6-20</span><span class="heading">; </span><span class="heading">Luka 23.13-25</span><span class="heading">)</span></div><div class="p"><span class="verse v38" data-usfm="JHN.18.38"><span class="content">Ne Pilato n'amala khuumureeba aryo, waarura luundi waatsya isi Bayudaaya, waabaloma ari, &#8220;Ise s'imbona ilomo yoosi ikila mwafunana umusaani uyu kumusaango ta. </span></span><span class="verse v39" data-usfm="JHN.18.39"><span class="label">39</span><span class="content">Ne ili isaambo yeenywe ise khuubalekhuulila umubowe mutweela khu bifukhu bye Kamayiiya ke Khuubirakho. Ari mukana imbalekhuulile Umuyiinga we Bayudaaya?&#8221;</span></span></div><div class="p"><span class="verse v39" data-usfm="JHN.18.39"><span class="content">  </span></span><span class="verse v40" data-usfm="JHN.18.40"><span class="label">40</span><span class="content">Ne boosi bayokesela angaaki, baaloma bari, &#8220;Akhuba umusaani yuno ta. Ne akhali iwe n'ukhulekhuulile ifwe Baraba!&#8221; Baraba aba umunuuli.</span></span></div>
      </div>
   </div>
</div>

The Bible in Lumasaaba © Bible Society of Uganda, 2016. 

Awo Yesu n'amala khuukanikha bilomo bino, waarura ni baleekelwa beewe, baambukha khakheetsi kheesi balaanga bari Kidironi. Ibweene iyo yabayo kumukuunda, mweesi Yesu ni baleekelwa beewe baatsya. Yuda uwalya mu Yesu luwomelo abe waamanya shiifwo sheenesho, khulwekhuuba Yesu atsyaatsakayo tsifuunda tsingali ni baleekelwa beewe. Aryo Yuda waatsyayo mu mukuunda ukwo, nga waraangilile kumukaanda kwe basilikhale, ni babakaanisi babaandi khukhwaama isi basaayi bakhulu ni Bafarisaayo. Baaba basutile tsitaala, ni tsisaso, ni bye busoolo. Yesu n'amanya byoosi bibiitsya khumukholekhakho, umweene weerusa ibulafu, waabareeba ari, “Naanu esi mulikho muweentsa?”
Baamwiilamo bari, “Yesu, uwe Nazareesi.”
Yesu waabaloma ari, “Ise niy'oyu.”
Ni Yuda uwamulyamo luwomelo naye aba weemile ni nabo. Ne Yesu n'abaloma ari, “Ise niy'oyu,” boosi beelayo shinyumanyuma baakwa aasi.
Luundi ndi Yesu waabareeba ari, “Naanu esi mulikho muweentsa?”
Baamuloma bari, “Yesu uwe Nazareesi.”
Yesu waabaloma ari, “Imbabooleele ndi ise niy'oyu. Nashiryo noola mumeentsa ise, khayo babaandu bano babe.” Shino shakholekha nio shilomo sholelese sheesi aaloma ari, “Ise naakhukosakho na mutweela khu beesi waamba ise ta.”
Nga bishiili biryo, Simoni Petero, uwaba abe ni lurima, waalusoowolayo, waatseyakho khukhuru khwe kumukhono kumulayi, khw'omukulwa w'Omusaayi ufuura bukhulu. Lisiina ly'omukulwa yuno, lyaba bari Maluko. Yesu waaloma Petero ari, “Ni wiise lurima lwoowo mu shilaalo shalwo. Shino nisho shikopo she butsiina sheesi Paapa ambeele. Shingane ishinywe ta?”

Lwanyuma, kumukaanda kwe basilikhale n'umukhulu waabwe, atweela ni babakaanisi be Bayudaaya, bawaamba Yesu bamubowa. Banyoowa baamuyila wa Anasi, uwaba paapawe w'omukhasi uwa Kayafa. Kayafa niye uwaba umusaayi ufuura bukhulu kumwiiko kwen'ekwo. Naluundi yaba Kayafa mwene uyo, uwawa Bayudaaya kamakyesi ari abe umuundu mutweela wafwa khulwe babaandu boosi, shifuura.


Khu mbuka yino, Simoni Petero n'umuleekelwa ukuundi, baloonda khu Yesu. Ne khulwekhuuba abe umuleekelwa yuno aba waamanyikhana isi Umusaayi ufuura bukhulu, baamufukiilisa wenjila mu lwaanyi lw'Omusaayi umukhulu, atweela ni Yesu. Petero waarama nga waaliindile ibulafu, amulyaango. Aryo umuleekelwa yuno abe esi umusaayi umukhulu aamanya, waarura ibulafu, waakanikha isi umukhaana uwaba aliinda khu shilibwa, wenjisa Petero mu lwaanyi. Umukhaana umuliindi yuno waareeba Petero ari, “Iwe nawe s'uli mutweela khu baleekelwa b'omusaani uyu?”
Petero wekaana ari, “Taawe.”
Babakaanisi ni basilikhale baaba beemile awo nga boora kumulilo kweesi baaba baasile, khulwekhuuba imbuka yaba iye bunyifu. Petero naye aba weemile ni nabo nga oora kumulilo.


Ibyo nga bili biryo, Umusaayi ufuura bukhulu wareeba Yesu bibiwaamba khu baleekelwa beewe, ni ndeekela yeewe. Yesu wamwilamo ari, “Ise nakanikhatsaka isi shiibala shoosi lubuula. Naleekelatsaka busheele mu ntsu tsye khukhwisaayilamo, ni mu Lisaayilo Likhulu, esi Bayudaaya boosi babuusanila. Sinalomatsakakho shishiindu shoosi mu shimoonyo ta. Lwashiina undeeba? N'ureebe babaandu babaambuliilisatsaka ise byeesi nabalomatsaka. Nibo baamanya byeesi naloma.”
Yesu n'amala khuloma bino, mutweela khu basilikhale uwaba wemikhile ambi awo, wamukhupa luuyi, nga aloma ari, “Iyo niyo isaambo isi wiilamo Umusaayi ufuura bukhulu?”
Yesu wamwiilamo ari, “Noola ise inomele buubi, n'untsokese buubi bwase. Ne noola inomele bulayi, lwashiina kila ukhupa?” Lwanyuma Anasi wamwakaanisayo wa Kayafa, Umusaayi ufuura bukhulu, nga ashiili umubowe.


Bino biba biryo, Simoni Petero aba nga ashiimikha oora kumulilo. Baamureeba bari, “Ni nawe s'uli mutweela khu baleekelwa b'omusaani uyu?”
Ne Petero wekaana nga aloma ari, “Taawe.”
Lwanyuma mutweela khu bakaanisi b'omusaayi ufuura bukhulu, nga aba umulebe w'omusaani isi Petero akhalakho khukhuru, wamutsuntsumilisa ari, “Ise sinakhuboone ni naye mu mukuunda?”
Indi luundi Petero wikaana. Ni khu saawa nyene iyo, itwaya yakholookha.


Lwanyuma Bayudaaya baarusa Yesu wa Kayafa, baamuyila muungo mwa Gafana. Bubwiile bwaba kumutikhinyi, mu mamilimili. Ne Bayudaaya baalekha khwinjila mu lwaanyi lwa Gafana ta, khulwekhuuba abe she kumusilo, bari nio banyalise khuulya Kamayiiya ke Khuubirakho.
Aryo Pilato waarura ibulafu isi baaba, wabareeba ari, “Musaango shiina kweesi mufunaana umuundu yuno?”
Nabo beelamo bari, “Umusaani yuno alekha khukhola buubi bwoosi, khali sikhwamureerire is'uli ta.”
Pilato wabeelamo ari, “Mwabeene ni mumuyile mumukhalile kumusaango nga kamakaambila keenywe ni kaloma.”
Ne Bayudaaya bamwiilamo bari, “Ifwe sikhufukiilisibwa khukhwiira umuundu yeesi ta.” Shino shakholekha shiryo nio ilomo ya Yesu isi aaloma yoolele, nga okesana khuufwa khweesi atsya khufwamo nga ni khuli.
Lwanyuma Pilato welayo luundi mu lwaanyi lwe kimisaango, walaanga Yesu, waamureeba ari, “Iwe uli Umuyiinga we Bayudaaya?”
Yesu waamwiilamo ari, “Shino ushiloma khu lwoowo wamweene, namwe iliyo babaandi babaakhubooleele baryo khus'ise?”
Pilato waamwiilamo ari, “Ise ndi Umuyudaaya? Babaandu be linaambo lyoowo ni Basaayi bakhulu nibo babaakhuntsakaanisile isi ise. Shiina sheesi ukholile?”
Yesu waaloma ari, “Buyiinga bwase sibuli bwe mu shiibala shino ta. Buba bubuuli bwe mu shiibala shino, khali babakaanisi baase basoolanile, indekha khuwaanibwayo mu mikhono kye Bayudaaya ta. N'enga ni shili, buyiinga bwase sibuli bwa khuno ta.”
Pilato waamureeba ari, “Khuumanya uli Umuyiinga?”
Yesu waamwiilamo ari, “Iwe niye ulomile uryo, uri ise ndi Umuyiinga. Isho nisho shishakila ise naasaalikha. Naluundi neetsa mu shiibala, ndi nio imboolele bya ŋali. Buli muundu yeesi urekeeresa bya ŋali, awulila likono lyase.”
Pilato waamureeba ari, “Ŋali nisho shiina?”


Ne Pilato n'amala khuumureeba aryo, waarura luundi waatsya isi Bayudaaya, waabaloma ari, “Ise s'imbona ilomo yoosi ikila mwafunana umusaani uyu kumusaango ta. Ne ili isaambo yeenywe ise khuubalekhuulila umubowe mutweela khu bifukhu bye Kamayiiya ke Khuubirakho. Ari mukana imbalekhuulile Umuyiinga we Bayudaaya?”
Ne boosi bayokesela angaaki, baaloma bari, “Akhuba umusaani yuno ta. Ne akhali iwe n'ukhulekhuulile ifwe Baraba!” Baraba aba umunuuli.

Listen to Yokana 18