Bible translation: Taita © Bible Society of Kenya, 1997 Recording of the New Testament ℗ Hosanna, 2019

Taita-1997 KENBS (NT) Drama

<div class="version vid2138 iso6393dav" data-vid="2138" data-iso6393="dav">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Arusi muzinyi Kana</div><div class="p"> 1Ituku ja kadadu korekoghe na arusi Kana muzi ghwa Galilaya, na mae Jesu orekoghe ahoeni. 2Jesu na wanughi wake wori werewangiloghe. 3Divei iendasia, mae Jesu ukamzera, &#8220;Ndewina divei.&#8221; 4Jesu ukamzera, &#8220;Ngamao agho ni ghaki? Ngelo yapo ndeivikie anduangi.&#8221; 5Niko aho mae Jesu ukawizera wadumiki, &#8220;Bonyenyi ijo jose uchaamzera.&#8221;</div><div class="p"> 6Na aho korekoghe na mbuta irandadu ra magho riwikilo kunughana na mzango ghwa Wayahudi ghokuelesha, kula mbuta idimagha kungira sa lita ighana ra machi. 7Jesu ukawizera wadumiki, &#8220;Churenyi iri mbuta machi.&#8221; Nao wikarichura pacha. 8Ukawizera, &#8220;Idana daenyi mumghenjere m'baa wa arusi.&#8221; Nawo wikamghenjera. 9Hata iji m'baa wa arusi watoa agho machi ghiwurie divei, nao usemanyagha andu ifumie, (ela awo wadumiki werekoghe wikimanya) ukammbanga uja bwana arusi, 10ukamzera, &#8220;Kula mundu wadaneka wandu divei iboie kiimbiri, wandu wikanywa na ndighi, niko uredagha ija ya machi-machi. Ela oho kwaduagha na divei iboie hata idana!&#8221;</div><div class="p"> 11Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.</div><div class="p"> 12Nyuma ya agho, Jesu, na mae, na waruna, na wanughi wake, wikasea cha Kafarnaumu; wikakaia aho kwa matuku matini.#Mat. 4.13</div><div class="s">Jesu kughenda Hekalunyi</div><div class="r">(Mat. 21.12-13; Mk. 11.15-17; Lk. 19.45-46)</div><div class="p"> 13Ngelo ya Ndima ya Pasaka ya Wayahudi erekoghe yavika kaavui, na Jesu ukajoka Jerusalemu.#Kuf. 12.1-27 14Nao aja Hekalunyi ukakua wandu wikiuza ng'ombe, na ng'ondi, na maringo; na awo wibadilishanagha pesa wiko kidombo mezenyi kwawo. 15Nao Jesu ukaboisa kiboko cha mirizi, ukawifunya Hekalunyi wose, na ng'ondi na ng'ombe; ukaridia pesa ra awo werekoghe wikibadilishana, ukaribingilisha meza rawo; 16ukawizera awo werekoghe wikiuza maringo, &#8220;Rifunyenyi noko iri rose, msakeibonya nyumba ya Aba ikaie nyumba ezoghoria.&#8221; 17Wanughi wake wikakumbuka seji iandikilo huwu, &#8220;Iriso jeikunda nyumba yako janibwagha.&#8221;#Zab. 69.9</div><div class="p"> 18Nao Wayahudi wikamkotia, &#8220;Ni alamaki kuibonyagha idiwonyere angu koko na hachi ebonya maza iri?&#8221; 19Jesu ukawizera, &#8220;Inonenyi Hekalu ihi, nani nichaiagha kwa matuku adadu.&#8221;#Mat. 26.61; 27.40; Mk. 14.58; 15.29 20Nao Wayahudi wikaghamba, &#8220;Kwadima kuiagha Hekalu ereaghiloghe kwa miaka mirongo ina na irandadu kwa matuku adadu?&#8221; 21Ela Jesu odeghora Hekalu ya mumbi ghwake. 22Kwa huwu, iji warukishwa kufuma kwa wafu, wanughi wake wikakumbuka seji oreghorieghe huwo; wikaghirumiria maandiko na ilagho ijo Jesu orejighorieghe.</div><div class="s">Jesu kurimanya tabia ra wandu wose</div><div class="p"> 23Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe; 24ela Jesu nderewirumirieghe awo, angu orewimanyireghe wose. 25Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.</div>
 </div>
 </div>
</div>

Ituku ja kadadu korekoghe na arusi Kana muzi ghwa Galilaya, na mae Jesu orekoghe ahoeni. Jesu na wanughi wake wori werewangiloghe. Divei iendasia, mae Jesu ukamzera, “Ndewina divei.” Jesu ukamzera, “Ngamao agho ni ghaki? Ngelo yapo ndeivikie anduangi.” Niko aho mae Jesu ukawizera wadumiki, “Bonyenyi ijo jose uchaamzera.”
Na aho korekoghe na mbuta irandadu ra magho riwikilo kunughana na mzango ghwa Wayahudi ghokuelesha, kula mbuta idimagha kungira sa lita ighana ra machi. Jesu ukawizera wadumiki, “Churenyi iri mbuta machi.” Nao wikarichura pacha. Ukawizera, “Idana daenyi mumghenjere m'baa wa arusi.” Nawo wikamghenjera. Hata iji m'baa wa arusi watoa agho machi ghiwurie divei, nao usemanyagha andu ifumie, (ela awo wadumiki werekoghe wikimanya) ukammbanga uja bwana arusi, ukamzera, “Kula mundu wadaneka wandu divei iboie kiimbiri, wandu wikanywa na ndighi, niko uredagha ija ya machi-machi. Ela oho kwaduagha na divei iboie hata idana!”
Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.
Nyuma ya agho, Jesu, na mae, na waruna, na wanughi wake, wikasea cha Kafarnaumu; wikakaia aho kwa matuku matini.


Ngelo ya Ndima ya Pasaka ya Wayahudi erekoghe yavika kaavui, na Jesu ukajoka Jerusalemu. Nao aja Hekalunyi ukakua wandu wikiuza ng'ombe, na ng'ondi, na maringo; na awo wibadilishanagha pesa wiko kidombo mezenyi kwawo. Nao Jesu ukaboisa kiboko cha mirizi, ukawifunya Hekalunyi wose, na ng'ondi na ng'ombe; ukaridia pesa ra awo werekoghe wikibadilishana, ukaribingilisha meza rawo; ukawizera awo werekoghe wikiuza maringo, “Rifunyenyi noko iri rose, msakeibonya nyumba ya Aba ikaie nyumba ezoghoria.” Wanughi wake wikakumbuka seji iandikilo huwu, “Iriso jeikunda nyumba yako janibwagha.”
Nao Wayahudi wikamkotia, “Ni alamaki kuibonyagha idiwonyere angu koko na hachi ebonya maza iri?” Jesu ukawizera, “Inonenyi Hekalu ihi, nani nichaiagha kwa matuku adadu.” Nao Wayahudi wikaghamba, “Kwadima kuiagha Hekalu ereaghiloghe kwa miaka mirongo ina na irandadu kwa matuku adadu?” Ela Jesu odeghora Hekalu ya mumbi ghwake. Kwa huwu, iji warukishwa kufuma kwa wafu, wanughi wake wikakumbuka seji oreghorieghe huwo; wikaghirumiria maandiko na ilagho ijo Jesu orejighorieghe.

Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe; ela Jesu nderewirumirieghe awo, angu orewimanyireghe wose. Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

Listen to JOHANE 2