Thadou Kuki Bible

<div class="version vid1879 iso6393tcz" data-vid="1879" data-iso6393="tcz">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Chuti chun vanho le leiset, chule asunga um jouse chu akisem chaitan ahi. 2#Heb 4:4,10. Chuin ani sagi nin Pathen'in athilsem anatoh chu achaijin; chule ni sagi nin athilsem anatoh jouse-a konin akicholdon ahi. 3#Pot 20:11. Chuin Pathen'in nisagi ni chu phatthei aboh-in, asuthengtan ahi. Ajeh chu chuche nikho-a chu Pathen athilsem le athilbol anatoh jouse-a kicholdo-a ahi.</div><div class="p"> 4Hiche hohi akisem laijuva van le leiset khanggui chu ahi; Pakai Pathen'in leiset le vanho asem nikho, 5Alei laija thingphung namkim leiset chunga aum masang, chule aleija hampa louhing namkim akedoh masang, (akisem laijuva van le leiset khanggui chu ahi.) Ajeh chu Pakai Pathen'in leisetna go ajuhsah hihlaijin, alei lhouding jong mi khatcha anaum hih laijin ahi. 6Ahin leisetna konin twimei ahungdohjin, chule leiset chung jouse achapkot jin ahi.</div><div class="s">Eden Hon</div><div class="p"> 7 # 
 1 Cor 15:45. Chuin Pakai Pathen'in tolla leivuija konin mihem asemin, anahhom sunga chun hinna hu alhakhumin ahile, hichun mipa chu hinna nei mihing ahung hitai.</div><div class="p"> 8Chuin Pakai Pathen'in solama Eden'a chun honkhat asemin; aman sem mipa chu hikoma chun akoi tai. 9#Tph 2:7; 22:14. Chuin Pakai Pathen'in leisetna konin vetdinga hoitah, chule nehdinga tuitah theiphung namkim akedoh sah-in; chule honsung lailunga chun hinthing le ase apha hetna thing jong akedoh sah-in ahi.</div><div class="p"> 10Chule hon chu chapkot dingin Eden'a kon chun vadunglen khat along doh-in; chule chua kon chun akikhenin vadung ka-li akiso tan ahi. 11Amasa pen chu amin Pishon ahin; hichu sana umna Havilah gam kolkhumin alongin ahi. 12Chule chuche Gama Sana chu aphan; chukoma chu bdellium le songgel jong aumin ahi. 13Vadung nina chu Gihon ahin; Ethiopia gam kolkhuma longa chu hiche hi ahi. 14Athumna vadung minchu Hiddekel ahin; Assyria gam solama longa chu ahi. Chule vadung lina chu Euphrates ahi.</div><div class="p"> 15Chujouvin Pakai Pathen'in mipa chu aleilhou natong dingle angah dingin Eden hona chun akoitai 16Chuin Pakai Pathen'in mipa chu thupeh apen, Nangman honsunga thingga jouse chamlhat tah-a naneh thei ahi: 17Amavang ase apha hetna thingga vang chu naneh louding ahi; ajeh chu hichu naneh ninileh thonlouva nangma nathi tei ding ahi, ati.</div><div class="p"> 18Chule Pakai Pathen'in, Mipa hi achanga aum ding aphapoi, keiman ama dingin akithopi ding akilompi khat sempeh-ing kate, ati. 19Pakai Pathen'in leisetna konin gamsa jouse, chunga leng vachate jouse asemin; hicheng chu Adam'in amin asah dingin ahengah chun ahinpuijin ahi. Chuin Adam'in ganhing namkim amin asahbang cheh-in, aminu chu akisah dentai. 20Hiti chun Adam'in ganchaho, vanlaijola vachate, chule gamsaho jouse chu amin asahsoh keijin; ahivangin ama kithopi ding akilompi aumpon ahi.</div><div class="p"> 21Chuin Pakai Pathen'in Adam chu a-imutmil sah-in ahile, ama a-imutan ahi. Chuin aman anahgu holah-a khat aladoh-in, hilaimun chu aphe-in ahuh bitnin ahi. 22Chujouvin Pakai Pathen'in mihempa-a kona alahdoh anahgu chun, numei khat asemin, amanu chu mihempa henga chun ahinpuijin ahi. 23Chuin Adam'in,</div><div class="q1">Tuvangin hichehi keima gua kona gu,</div><div class="q2">chule kaphe-a kona phe ahi.</div><div class="q1">Amanuhi numei kisah ding ahi,</div><div class="q2">ajehchu ama pasal'a kona kiladoh ahi, ati. 24#Matt 19:5; Mrk 10:7-8; 1 Cor 6:16; Eph 5:31. Hijeh-a chu pasal'in anu le apa adalhah-a, ajia beh ding ahi; chule amani chu tikhat hilhon ding ahi.</div><div class="p"> 25Chule mipa le a-inneipi chu ani lhonin sagoh keo ahilhonin, ahin ajahcha lhonpon ahi.</div>
 </div>
 </div>
</div>

Chuti chun vanho le leiset, chule asunga um jouse chu akisem chaitan ahi. Chuin ani sagi nin Pathen'in athilsem anatoh chu achaijin; chule ni sagi nin athilsem anatoh jouse-a konin akicholdon ahi. Chuin Pathen'in nisagi ni chu phatthei aboh-in, asuthengtan ahi. Ajeh chu chuche nikho-a chu Pathen athilsem le athilbol anatoh jouse-a kicholdo-a ahi.
Hiche hohi akisem laijuva van le leiset khanggui chu ahi; Pakai Pathen'in leiset le vanho asem nikho, Alei laija thingphung namkim leiset chunga aum masang, chule aleija hampa louhing namkim akedoh masang, (akisem laijuva van le leiset khanggui chu ahi.) Ajeh chu Pakai Pathen'in leisetna go ajuhsah hihlaijin, alei lhouding jong mi khatcha anaum hih laijin ahi. Ahin leisetna konin twimei ahungdohjin, chule leiset chung jouse achapkot jin ahi.

Chuin Pakai Pathen'in tolla leivuija konin mihem asemin, anahhom sunga chun hinna hu alhakhumin ahile, hichun mipa chu hinna nei mihing ahung hitai.
Chuin Pakai Pathen'in solama Eden'a chun honkhat asemin; aman sem mipa chu hikoma chun akoi tai. Chuin Pakai Pathen'in leisetna konin vetdinga hoitah, chule nehdinga tuitah theiphung namkim akedoh sah-in; chule honsung lailunga chun hinthing le ase apha hetna thing jong akedoh sah-in ahi.
Chule hon chu chapkot dingin Eden'a kon chun vadunglen khat along doh-in; chule chua kon chun akikhenin vadung ka-li akiso tan ahi. Amasa pen chu amin Pishon ahin; hichu sana umna Havilah gam kolkhumin alongin ahi. Chule chuche Gama Sana chu aphan; chukoma chu bdellium le songgel jong aumin ahi. Vadung nina chu Gihon ahin; Ethiopia gam kolkhuma longa chu hiche hi ahi. Athumna vadung minchu Hiddekel ahin; Assyria gam solama longa chu ahi. Chule vadung lina chu Euphrates ahi.
Chujouvin Pakai Pathen'in mipa chu aleilhou natong dingle angah dingin Eden hona chun akoitai Chuin Pakai Pathen'in mipa chu thupeh apen, Nangman honsunga thingga jouse chamlhat tah-a naneh thei ahi: Amavang ase apha hetna thingga vang chu naneh louding ahi; ajeh chu hichu naneh ninileh thonlouva nangma nathi tei ding ahi, ati.
Chule Pakai Pathen'in, Mipa hi achanga aum ding aphapoi, keiman ama dingin akithopi ding akilompi khat sempeh-ing kate, ati. Pakai Pathen'in leisetna konin gamsa jouse, chunga leng vachate jouse asemin; hicheng chu Adam'in amin asah dingin ahengah chun ahinpuijin ahi. Chuin Adam'in ganhing namkim amin asahbang cheh-in, aminu chu akisah dentai. Hiti chun Adam'in ganchaho, vanlaijola vachate, chule gamsaho jouse chu amin asahsoh keijin; ahivangin ama kithopi ding akilompi aumpon ahi.
Chuin Pakai Pathen'in Adam chu a-imutmil sah-in ahile, ama a-imutan ahi. Chuin aman anahgu holah-a khat aladoh-in, hilaimun chu aphe-in ahuh bitnin ahi. Chujouvin Pakai Pathen'in mihempa-a kona alahdoh anahgu chun, numei khat asemin, amanu chu mihempa henga chun ahinpuijin ahi. Chuin Adam'in,
Tuvangin hichehi keima gua kona gu,
chule kaphe-a kona phe ahi.
Amanuhi numei kisah ding ahi,
ajehchu ama pasal'a kona kiladoh ahi, ati. Hijeh-a chu pasal'in anu le apa adalhah-a, ajia beh ding ahi; chule amani chu tikhat hilhon ding ahi.
Chule mipa le a-inneipi chu ani lhonin sagoh keo ahilhonin, ahin ajahcha lhonpon ahi.

ಆಲಿಸಿ Semtilbu 2