រ៉ូម 15:7-13 ដូច្នេះ ត្រូវទទួលគ្នាទៅវិញទៅមកដោយរាក់‌ទាក់ ឲ្យដូចព្រះ‌គ្រិស្តទទួលបងប្អូនដែរ ដើម្បីលើកតម្កើងសិរី‌រុងរឿងរបស់ព្រះ‌ជា‌ម្ចាស់។ ខ្ញុំសូមជម្រាបបងប្អូនថា ព្រះ‌គ្រិស្តបានមកធ្វើជាអ្នក | ព្រះគម្ពីរភាសាខ្មែរបច្ចុប្បន្ន ២០០៥ (គខប)

រ៉ូម 15:7-13 គខប

ដូច្នេះ ត្រូវទទួលគ្នាទៅវិញទៅមកដោយរាក់‌ទាក់ ឲ្យដូចព្រះ‌គ្រិស្តទទួលបងប្អូនដែរ ដើម្បីលើកតម្កើងសិរី‌រុងរឿងរបស់ព្រះ‌ជា‌ម្ចាស់។ ខ្ញុំសូមជម្រាបបងប្អូនថា ព្រះ‌គ្រិស្តបានមកធ្វើជាអ្នកបម្រើរបស់សាសន៍ដែលកាត់ស្បែក* ដើម្បីសម្រេចតាមព្រះ‌បន្ទូលដែលព្រះ‌ជា‌ម្ចាស់បានសន្យាចំពោះបុព្វបុរស* និងសម្តែងព្រះ‌ហឫទ័យសច្ចៈរបស់ព្រះអង្គ។ រីឯសាសន៍ដទៃវិញ គេលើកតម្កើងសិរី‌រុងរឿងរបស់ព្រះ‌ជា‌ម្ចាស់ ដោយព្រះអង្គសម្តែងព្រះ‌ហឫទ័យមេត្តា‌ករុណាដល់គេ ដូចមានចែងទុកមកថា: «ហេតុនេះហើយបានជាទូលបង្គំប្រកាសទទួល ស្គាល់ព្រះអង្គក្នុងចំណោមជាតិសាសន៍នានា ហើយទូលបង្គំនឹងច្រៀងលើកតម្កើង ព្រះ‌កិត្តិនាមរបស់ព្រះអង្គ» ។ មានចែងទៀតថា: «ជាតិសាសន៍ទាំង‌ឡាយអើយ ចូរមានអំណរ ជាមួយប្រជា‌រាស្ត្ររបស់ព្រះអង្គទៅ!» ។ ហើយមានចែងទៀតថា: «ជាតិសាសន៍ទាំង‌ឡាយអើយ ចូរកោតសរសើរព្រះ‌អម្ចាស់ ត្រូវឲ្យប្រជា‌រាស្ត្រផងទាំងពួង ច្រៀងសរសើរព្រះអង្គ» ។ ព្យាការីអេសាយក៏មានប្រសាសន៍ថា: «ពូជរបស់លោកអ៊ីសាយនឹងមកដល់ ព្រះអង្គនឹងក្រោកឡើង ដើម្បីដឹកនាំជាតិសាសន៍នានា ហើយជាតិសាសន៍ទាំងនោះ នឹងសង្ឃឹមលើព្រះអង្គ» ។ សូមព្រះ‌ជា‌ម្ចាស់ជាប្រភពនៃសេចក្ដីសង្ឃឹម ប្រោសបងប្អូនដែលមានជំនឿ ឲ្យបានពោរ‌ពេញដោយអំណរ និងសេចក្ដីសុខ‌សាន្តគ្រប់ប្រការ ដើម្បីឲ្យបងប្អូនមានសង្ឃឹមយ៉ាងបរិបូណ៌ហូរ‌ហៀរ ដោយឫទ្ធា‌នុភាពរបស់ព្រះ‌វិញ្ញាណដ៏វិសុទ្ធ។

អាន រ៉ូម 15

ស្ដាប់នូវ រ៉ូម 15