ទំនុកតម្កើង 51:12-19 សូមប្រោសប្រទានឲ្យទូលបង្គំមានអំណរ ព្រោះតែព្រះអង្គសង្គ្រោះទូលបង្គំ សូមគាំទ្រទូលបង្គំ ដោយប្រទានឲ្យទូលបង្គំ មានចិត្តទូលាយមកពីព្រះ‌វិញ្ញាណ។ ទូលបង្គំនឹងប្រៀន‌ប្រដៅមនុស្សពាល ទាំង‌ឡាយ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ទំនុកតម្កើង 51:12-19 គខប

សូមប្រោសប្រទានឲ្យទូលបង្គំមានអំណរ ព្រោះតែព្រះអង្គសង្គ្រោះទូលបង្គំ សូមគាំទ្រទូលបង្គំ ដោយប្រទានឲ្យទូលបង្គំ មានចិត្តទូលាយមកពីព្រះ‌វិញ្ញាណ។ ទូលបង្គំនឹងប្រៀន‌ប្រដៅមនុស្សពាល ទាំង‌ឡាយឲ្យស្គាល់មាគ៌ារបស់ព្រះអង្គ នោះពួកគេនឹងបែរចិត្តវិលមករកព្រះអង្គវិញ។ ឱព្រះ‌ជាម្ចាស់ជាព្រះ‌សង្គ្រោះនៃទូលបង្គំ សូមរំដោះទូលបង្គំឲ្យរួចពីស្លាប់ នោះទូលបង្គំនឹងប្រកាសអំពីសេចក្ដីសុចរិត របស់ព្រះអង្គដោយអំណរ។ ព្រះ‌អម្ចាស់អើយ សូមជួយទូលបង្គំឲ្យបន្លឺសំឡេង ពោលពាក្យសរសើរតម្កើងព្រះអង្គផង។ ព្រះអង្គមិនសព្វព្រះ‌ហឫទ័យ ឲ្យទូលបង្គំថ្វាយយញ្ញ‌បូជាទេ ទោះបីតង្វាយដុតទាំងមូល ក៏មិនគាប់ព្រះ‌ហឫទ័យព្រះអង្គដែរ។ យញ្ញ‌បូជាដែលព្រះអង្គសព្វព្រះ‌ហឫទ័យ ឲ្យទូលបង្គំថ្វាយ គឺចិត្តសោកស្ដាយ ព្រះអង្គតែងតែទទួលចិត្តសោកស្ដាយ និងចិត្តលែងមានអំនួត។ ព្រះ‌អម្ចាស់អើយ សូមប្រោស‌ប្រណីក្រុងស៊ីយ៉ូន ហើយសូមមេត្តាប្រទានឲ្យ ក្រុងយេរូ‌សាឡឹមបានរឹង‌មាំឡើងវិញផង។ ពេលនោះ ព្រះអង្គមុខជាគាប់ព្រះ‌ហឫទ័យ នឹងតង្វាយដែលស្របតាមវិន័យ*របស់ព្រះអង្គ គឺតង្វាយដុតទាំងមូល ហើយគេនឹងយកគោឈ្មោល មកថ្វាយនៅលើអាសនៈរបស់ព្រះអង្គដែរ។

អាន ទំនុកតម្កើង 51

ស្ដាប់នូវ ទំនុកតម្កើង 51