ម៉ាកុស 15:16-20 ពួកទាហានបណ្ដើរព្រះ‌យេស៊ូទៅក្នុងទីធ្លាបន្ទាយ ហើយហៅកងទាហានទាំងមូលមក។ គេយកអាវពណ៌ក្រហមទុំមកពាក់ឲ្យព្រះអង្គ រួចយកបន្លាមកក្រងធ្វើភួង បំពាក់ជាមកុដលើព្រះ‌សិរសាព្រះអង្គ។ គេក៏ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ម៉ាកុស 15:16-20 គខប

ពួកទាហានបណ្ដើរព្រះ‌យេស៊ូទៅក្នុងទីធ្លាបន្ទាយ ហើយហៅកងទាហានទាំងមូលមក។ គេយកអាវពណ៌ក្រហមទុំមកពាក់ឲ្យព្រះអង្គ រួចយកបន្លាមកក្រងធ្វើភួង បំពាក់ជាមកុដលើព្រះ‌សិរសាព្រះអង្គ។ គេក៏នាំគ្នាសំពះព្រះអង្គ ទាំងពោលថា៖ «សូមគោរពថ្វាយ‌បង្គំស្ដេចយូដា!»។ គេយកផ្ដៅវាយព្រះ‌សិរសាព្រះអង្គ គេស្ដោះទឹកមាត់ដាក់ព្រះអង្គ ព្រមទាំងលុតជង្គង់ថ្វាយ‌បង្គំព្រះអង្គថែមទៀតផង។ ក្រោយពីបានប្រមាថមើល‌ងាយព្រះអង្គរួចហើយ ពួកគេដោះអាវពណ៌ក្រហមចេញ យកព្រះ‌ពស្ដ្ររបស់ព្រះអង្គមកពាក់ថ្វាយព្រះអង្គវិញ ហើយបណ្ដើរយកទៅឆ្កាង។

អាន ម៉ាកុស 15

ស្ដាប់នូវ ម៉ាកុស 15