ម៉ាកុស 14:32-36 ព្រះអង្គយាងទៅដល់កន្លែងមួយ ឈ្មោះកេតសេ‌ម៉ានី ជាមួយពួកសិស្ស*។ ព្រះអង្គមានព្រះ‌បន្ទូលថា៖ «ចូរអ្នករាល់គ្នាអង្គុយនៅទីនេះហើយ ចាំខ្ញុំអធិស្ឋាន*សិន»។ ព្រះអង្គនាំលោកពេត្រុស លោកយ៉ាកុប | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ម៉ាកុស 14:32-36 គខប

ព្រះអង្គយាងទៅដល់កន្លែងមួយ ឈ្មោះកេតសេ‌ម៉ានី ជាមួយពួកសិស្ស*។ ព្រះអង្គមានព្រះ‌បន្ទូលថា៖ «ចូរអ្នករាល់គ្នាអង្គុយនៅទីនេះហើយ ចាំខ្ញុំអធិស្ឋាន*សិន»។ ព្រះអង្គនាំលោកពេត្រុស លោកយ៉ាកុប និងលោកយ៉ូហាន ទៅជាមួយ។ ពេលនោះ ព្រះអង្គចាប់ផ្ដើមភ័យតក់‌ស្លុត ព្រមទាំងចុកចាប់អន្ទះ‌សាពន់ប្រមាណ។ ព្រះអង្គមានព្រះ‌បន្ទូលទៅកាន់អ្នកទាំងបីថា៖ «ខ្ញុំព្រួយចិត្តយ៉ាងខ្លាំងស្ទើរតែស្លាប់ អ្នករាល់គ្នានៅទីនេះសិនហើយ ចូរប្រុងស្មារតី »។ ព្រះអង្គយាងទៅមុខបន្តិច ក្រាបចុះដល់ដី ទូល‌អង្វរសូមឲ្យទុក្ខលំបាកនេះ ចេញឆ្ងាយពីព្រះអង្គទៅ បើសិនជាអាចកន្លងផុតទៅបាន។ ព្រះអង្គទូលថា៖ «អប្បា ឱព្រះ‌បិតាអើយ! ព្រះអង្គអាចសម្រេចគ្រប់កិច្ចការទាំងអស់បាន សូមដកយកពែងនៃទុក្ខលំបាកនេះ ចេញឲ្យឆ្ងាយពីទូលបង្គំទៅ ប៉ុន្តែ សូមកុំតាមបំណងចិត្តទូលបង្គំឡើយ គឺសូមឲ្យបានសម្រេចតាមព្រះ‌ហឫទ័យព្រះអង្គវិញ»។

អាន ម៉ាកុស 14

ស្ដាប់នូវ ម៉ាកុស 14