លូកា 2:7-11 នាងសម្រាលបានបុត្រមួយ ជាបុត្រច្បង។ នាងរុំបុត្រនោះនឹងសំពត់ រួចដាក់ឲ្យផ្ទំក្នុងស្នូកសត្វ ដ្បិតពុំមានសល់កន្លែងសំណាក់ក្នុងផ្ទះសោះ។ ក្នុងស្រុកនោះ ពេលយប់មានពួកគង្វាលនៅមើលហ្ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

លូកា 2:7-11 គខប

នាងសម្រាលបានបុត្រមួយ ជាបុត្រច្បង។ នាងរុំបុត្រនោះនឹងសំពត់ រួចដាក់ឲ្យផ្ទំក្នុងស្នូកសត្វ ដ្បិតពុំមានសល់កន្លែងសំណាក់ក្នុងផ្ទះសោះ។ ក្នុងស្រុកនោះ ពេលយប់មានពួកគង្វាលនៅមើលហ្វូងសត្វរបស់គេតាមវាលស្មៅ។ ពេលនោះ ទេវតា*របស់ព្រះ‌អម្ចាស់មកឈរនៅក្បែរពួកគេ សិរី‌រុងរឿងរបស់ព្រះ‌អម្ចាស់បានភ្លឺចិញ្ចែង‌ចិញ្ចាចនៅជុំ‌វិញគេ នាំឲ្យគេភ័យខ្លាចយ៉ាងខ្លាំង។ ទេវតាពោលទៅគេថា៖ «កុំខ្លាចអ្វីឡើយ ខ្ញុំនាំដំណឹង‌ល្អមួយមកប្រាប់អ្នករាល់គ្នា។ ដំណឹងនេះនឹងធ្វើឲ្យប្រជា‌រាស្ត្រទាំងមូលមានអំណរដ៏លើស‌លុប។ យប់នេះ នៅក្នុងភូមិកំណើតរបស់ព្រះ‌បាទដាវីឌ ព្រះ‌សង្គ្រោះរបស់អ្នករាល់គ្នាប្រសូតហើយ គឺព្រះ‌គ្រិស្តជាអម្ចាស់។

អាន លូកា 2

ស្ដាប់នូវ លូកា 2