ហេប្រឺ 11:36-40 អ្នកខ្លះទៀតសុខចិត្តឲ្យគេចំអកឡក‌ឡឺយ ឲ្យគេវាយ‌ដំ ហើយថែមទាំងឲ្យគេដាក់ច្រវាក់ឃុំ‌ឃាំងថែមទៀតផង។ អ្នកខ្លះត្រូវគេយកដុំថ្មគប់សម្លាប់ ត្រូវគេសម្លាប់ដោយអារនឹងរណារ ត្រូវគេសម្ល | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ហេប្រឺ 11:36-40 គខប

អ្នកខ្លះទៀតសុខចិត្តឲ្យគេចំអកឡក‌ឡឺយ ឲ្យគេវាយ‌ដំ ហើយថែមទាំងឲ្យគេដាក់ច្រវាក់ឃុំ‌ឃាំងថែមទៀតផង។ អ្នកខ្លះត្រូវគេយកដុំថ្មគប់សម្លាប់ ត្រូវគេសម្លាប់ដោយអារនឹងរណារ ត្រូវគេសម្លាប់ដោយមុខដាវ ត្រូវរសាត់អណ្ដែតពីកន្លែងមួយទៅកន្លែងមួយ មានតែស្បែកចៀម និងស្បែកពពែបិទ‌បាំងខ្លួន ខ្វះខាតសព្វគ្រប់ទាំងអស់ ហើយត្រូវគេជិះ‌ជាន់សង្កត់‌សង្កិនធ្វើបាបថែមទៀតផង។ លោកីយ៍ពុំស័ក្ដិ‌សមនឹងឲ្យអ្នកនោះរស់នៅជាមួយឡើយ ដូច្នេះ គេទៅរស់នៅតែលតោលតាមវាលរហោ‌ស្ថាន តាមភ្នំ តាមរូងភ្នំ និងតាមរអាងភ្នំ។ ទោះបីអ្នកទាំងនោះទទួលសក្ខីភាពល្អ ព្រោះតែជំនឿរបស់ខ្លួនក្ដី ក៏គេពុំបានទទួលអ្វីៗតាមព្រះ‌បន្ទូលសន្យាដែរ។ ដោយព្រះ‌ជាម្ចាស់គ្រោងទុកថានឹងប្រទានអ្វីៗដ៏ល្អប្រសើរមកយើង ព្រះអង្គពុំបានប្រោសអ្នកទាំងនោះឲ្យបានគ្រប់លក្ខណៈមុនយើងឡើយ។

អាន ហេប្រឺ 11

ស្ដាប់នូវ ហេប្រឺ 11