កូឡូស 2:1-7 ខ្ញុំចង់ឲ្យបងប្អូនជ្រាបថា ខ្ញុំតយុទ្ធខ្លាំងក្លាយ៉ាងណា សម្រាប់បងប្អូន សម្រាប់អស់អ្នកនៅស្រុកឡៅឌី‌សេ និងអស់អ្នកដែលមិនធ្លាប់បានឃើញមុខខ្ញុំផ្ទាល់ គឺខ្ញុំចង់លើកទឹកចិត្តបងប្អ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

កូឡូស 2:1-7 គខប

ខ្ញុំចង់ឲ្យបងប្អូនជ្រាបថា ខ្ញុំតយុទ្ធខ្លាំងក្លាយ៉ាងណា សម្រាប់បងប្អូន សម្រាប់អស់អ្នកនៅស្រុកឡៅឌី‌សេ និងអស់អ្នកដែលមិនធ្លាប់បានឃើញមុខខ្ញុំផ្ទាល់ គឺខ្ញុំចង់លើកទឹកចិត្តបងប្អូនទាំងនោះ ឲ្យរួប‌រួមគ្នាក្នុងសេចក្ដីស្រឡាញ់ ដើម្បីឲ្យគេមានប្រាជ្ញាវាង‌វៃបំផុត យល់សព្វគ្រប់ទាំង‌អស់ និងស្គាល់ច្បាស់នូវគម្រោង‌ការដ៏លាក់កំបាំងរបស់ព្រះ‌ជា‌ម្ចាស់ ពោលគឺព្រះ‌គ្រិស្តផ្ទាល់ ដ្បិតព្រះ‌តម្រិះ និងព្រះ‌ប្រាជ្ញា‌ញាណដ៏ខ្ពង់‌ខ្ពស់ របស់ព្រះ‌ជា‌ម្ចាស់ សុទ្ធតែលាក់ទុកក្នុងអង្គព្រះ‌គ្រិស្តហ្នឹងហើយ។ ខ្ញុំនិយាយដូច្នេះ ដើម្បីការពារកុំឲ្យនរណាម្នាក់អាចមកបញ្ឆោតបងប្អូន ដោយពាក្យសម្ដីដ៏ពីរោះៗនោះឡើយ។ ថ្វី‌ដ្បិតតែរូបកាយខ្ញុំនៅឆ្ងាយពីបងប្អូន តែចិត្តខ្ញុំ នៅជាប់ជាមួយបងប្អូន ហើយខ្ញុំក៏មានអំណរដោយឃើញបងប្អូនមានសណ្ដាប់‌ធ្នាប់ និងមានជំនឿមាំ‌មួនលើព្រះ‌គ្រិស្ត។ ដូច្នេះ បើបងប្អូនបានទទួលព្រះគ្រិស្ត‌យេស៊ូទុកជាព្រះ‌អម្ចាស់យ៉ាងណាហើយ ចូររស់នៅរួមជាមួយព្រះអង្គយ៉ាងនោះតទៅទៀតទៅ។ ចូរចាក់ឫស និងកសាងជីវិតលើព្រះអង្គ ចូររក្សាជំនឿឲ្យរឹង‌ប៉ឹង ស្របតាមសេចក្ដីប្រៀន‌ប្រដៅដែលបងប្អូនបានទទួល ហើយត្រូវអរព្រះ‌គុណព្រះ‌ជា‌ម្ចាស់ឲ្យច្រើនលើស‌លុប។

អាន កូឡូស 2

ស្ដាប់នូវ កូឡូស 2