២ ពេត្រុស 1:10-14 ហេតុនេះ បងប្អូនអើយ ចូរខំប្រឹងយកចិត្តទុកដាក់ធ្វើឲ្យការត្រាស់ហៅ និងការជ្រើសរើសរបស់ព្រះ‌ជា‌ម្ចាស់ បានកាន់តែខ្ជាប់ខ្ជួនឡើងថែមទៀត។ ធ្វើយ៉ាងនេះ បងប្អូនមុខជាមិនជំពប់ដួលឡើយ។ ដូ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

២ ពេត្រុស 1:10-14 គខប

ហេតុនេះ បងប្អូនអើយ ចូរខំប្រឹងយកចិត្តទុកដាក់ធ្វើឲ្យការត្រាស់ហៅ និងការជ្រើសរើសរបស់ព្រះ‌ជា‌ម្ចាស់ បានកាន់តែខ្ជាប់ខ្ជួនឡើងថែមទៀត។ ធ្វើយ៉ាងនេះ បងប្អូនមុខជាមិនជំពប់ដួលឡើយ។ ដូច្នេះ បងប្អូននឹងទទួលសិទ្ធិដ៏ធំទូលំ‌ទូលាយ អាចចូលទៅក្នុងព្រះ‌រាជ្យ* ដែលនៅស្ថិត‌ស្ថេរអស់‌កល្បជានិច្ច គឺព្រះ‌រាជ្យរបស់ព្រះ‌យេស៊ូគ្រិស្តជាព្រះ‌អម្ចាស់ និងជាព្រះ‌សង្គ្រោះរបស់យើង។ ហេតុនេះ ខ្ញុំនឹងរំឭកដាស់‌តឿនបងប្អូនអំពីសេចក្ដីទាំងនោះជានិច្ច ទោះបីបងប្អូនបានដឹង និងនៅតែកាន់តាមសេចក្ដីពិត ដែលបងប្អូនបានទទួលយ៉ាងខ្ជាប់ខ្ជួនហើយក៏ដោយ។ ដរាបណាខ្ញុំនៅមានជីវិតរស់ក្នុងលោកីយ៍នេះនៅឡើយ ខ្ញុំយល់ឃើញថា ត្រូវតែរំឭកបងប្អូនឲ្យភ្ញាក់ស្មារតី។ ខ្ញុំដឹងថា ខ្ញុំនឹងត្រូវលាចាកលោកនេះក្នុងពេលឆាប់ៗខាងមុខ ដូចព្រះ‌យេស៊ូគ្រិស្តជាព្រះ‌អម្ចាស់នៃយើងបានសម្តែងឲ្យខ្ញុំដឹងស្រាប់។

អាន ២ ពេត្រុស 1

ស្ដាប់នូវ ២ ពេត្រុស 1