១ កូរិនថូស 1:27-31 ផ្ទុយទៅវិញ ព្រះ‌ជាម្ចាស់បានជ្រើសរើសអ្វីៗដែលមនុស្សលោកចាត់ទុកថាលេលាមកផ្ចាញ់ពួកអ្នកប្រាជ្ញ ព្រះអង្គបានជ្រើសរើសអ្វីៗដែលមនុស្សលោកចាត់ទុកថាទន់ខ្សោយ មកផ្ចាញ់ពួកអ្នកខ្លាំងពូ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

១ កូរិនថូស 1:27-31 គខប

ផ្ទុយទៅវិញ ព្រះ‌ជាម្ចាស់បានជ្រើសរើសអ្វីៗដែលមនុស្សលោកចាត់ទុកថាលេលាមកផ្ចាញ់ពួកអ្នកប្រាជ្ញ ព្រះអង្គបានជ្រើសរើសអ្វីៗដែលមនុស្សលោកចាត់ទុកថាទន់ខ្សោយ មកផ្ចាញ់ពួកអ្នកខ្លាំងពូកែ។ ព្រះ‌ជាម្ចាស់បានជ្រើសរើសអ្វីៗដែលមនុស្សលោកចាត់ទុកថាទាបថោក គួរឲ្យមាក់ងាយ ហើយគ្មានតម្លៃ មកផ្ចាញ់អ្វីៗដែលមនុស្សលោកចាត់ទុកថាថ្លៃ‌ថ្នូរវិញ។ ដូច្នេះ គ្មានមនុស្សណាអាចអួត‌អាងនៅចំពោះព្រះ‌ភ័ក្ត្រព្រះ‌ជាម្ចាស់ឡើយ គឺព្រះអង្គហើយ ដែលបានប្រោសឲ្យបងប្អូនមានតម្លៃ ដោយចូលរួមជាមួយព្រះគ្រិស្ត‌យេស៊ូ ដែលបានទៅជាប្រាជ្ញាមកពីព្រះ‌ជាម្ចាស់ សម្រាប់យើង។ ព្រះអង្គប្រទានឲ្យយើងបានសុចរិត* បានវិសុទ្ធ* និងលោះយើងឲ្យមានសេរី‌ភាព។ ដូច្នេះ អ្នកណាចង់អួត‌អាង ត្រូវអួត‌អាងអំពីកិច្ចការដែលព្រះ‌អម្ចាស់បានធ្វើ ដូចមានចែងទុកមកស្រាប់។

អាន ១ កូរិនថូស 1

ស្ដាប់នូវ ១ កូរិនថូស 1