एहुना 12
12
मरियम ईसूराः कटातरे नपाय महका हना सुनुमे दूलतेरा
(मती 26:6-13; मरकूस 14:3-9)
1पसहा परोबराः छो दिन मड़ंग ईसू गोएगतो अतेय जियाव रेमतिरिया हाँयग लाजरराः गाँव बेतनियारेय वेजेडा। 2हंडा हाँय लगा बियाड़ीकू अरूतेरा अरू लाजर हों हँकू सुदा जोजोम लगाय दुड़ुःनेना अरू मारता हँकूय बायवाःआ। 3दो मरियम आधा लिटर मुरुक किमइतराः नपाय महक जटामसी सुनुम ईसूराः काटरेय तिलाःतेरा अरू आँयग ऊबते कटते जोडतेरा। अरू हना सुनुम हना ओड़ाः पेंदा जमारे गह-महाःआ।
4मनदो तयोमरे ईसूय एचे साबतेरा ईसूरीग चेला जूदा इसकरियोती कताया, 5“नाःआ सुनुम पेय सव दिनारते#12:5 मी होड़राः मी बरिसराः मंजूरी हवे पेय सव दिनार। अकिरिंगकेडखन गरीब होड़कू एमेगोडवाकेकुःआ।” 6(हाँय नाःआ कता गरीबगोडकू बदीरे ओंगोल दोहोकेडखन मेरेय कतागाड, मनदो हाँय इनिग होड़े दोहोना अरू मूक चेलाकूराः बगली हाँय एचेरे दोहोना। जेमिन ढिबुवाकूनकू सोलोंगा हना हाँय उडुंग इनिगगेःआ।)
7हनते ईसू कतातेड, “नाँयग अइमी अड़ाःगोडेयपे। होड़कू ईंगकू तीलता हना दिन लगा नाःआ सुनुमे दोहो ओवा। 8गरीब होड़कू अपे एचेरे सगर बेलाकू दोहोनता, मनदो ईंग अपे सुदा सगर दिन ओरोयिंग दोहोनेना।”
लाजर ञेड एंडाराः बुइद
9ईसू हंडा इदानिया माःआन मुरुक एहूदाकू सुदीतेरा अरूकू वेजेडा। हँकू गोएगतो अते ईसू जियाव रेमतिरिया, हाँयग लाजर ञेल लगा होंकू वेजेडा। 10दो मरंग पुजउरीकू लाजर हों ञेड एंडा लगा बुइदकू तुलातेरा। 11लाजर जियाव रेमनेना हना ओजाहते मुरुक एहूदाकू अँकूरिकुःआ मूक होड़कूराः चेडतो अड़ाःतेडखन ईसू एचेरेकू बिसवासगेःआ।
ईसू एरुसलेम सहररेय बोलोयान
(मती 21:1-11; मरकूस 11:1-11; लूका 19:28-40)
12एटाः दिन पसहा परोब लगाकू वेगनेना हँकुःआ होड़कू अयूमतेरा, ईसू एरुसलेमरेय वेगतना, माःआन। 13दो हँकू किता डइड़ साबतेडखन हाँय सुदा जुमाः लगाकू सेनेडा। अरू मुरुक सटीतेकू कताया,
“होसनना!#12:13 इबरानी भासीरे होसननाराः मतलोब सडाव हवे। तयोमरे इसराएल होड़कू भगवान जाग लगा नाःआ लबदकू उपयोतकेरा।
परबूराः ञावतेय वेगता हाँयग होड़राः जीव भगवान भलावाय,
इसराएलरीग राजाराः जीव भगवान भलावाय।”#सेरेंगकून 118:26
14भगवानराः कागदरे ओजाःतो इदा हनन इया ईसू मीटोंग गदहा होने पवावनेना अरू हाँय चोटरे दुड़ुःनेनखने सेनेडा,
15“ने सीयोन सहररिकुःआ#12:15 एरुसलेम सहर सीयोन माःआन होंकू कतावाता। एरुसलेम सहर दोहोनता हना पहाड़कून अते मीटोंग पहाड़राः ञाव हवे सीयोन। होड़कू, अलोपे बोर,
अपेरीग राजा गदहा होन चोटरे दुडुःकियानखने वेगतना।”#जक 9:9
16नाःआ कता मड़ंगरे ईसूरिकुःआ चेलाकू मेरकू बुझावगान। मनदो ईसू जियाव रेमनेनखन सेरमो देस तोराय हना तयोमरे हँकू हाँय बदीरे नाःआ कता भगवानराः कागदरे ओजाःतो इदा अरू होड़कू हाँय लगा नाःआकूनकू एचेतेरा माःआनकू उहियार अगूतेरा।
17ईसू लाजर गोएगतो अतेय जियाव रेमतेड मेला हाँय सुदाकू दोहोना हँकुःआ होड़कू हना बदीरे होड़कूकू कता उदुःवातेरा। 18हाँय नाःआ बयाव जुवाः इयाःआ बुताय एचेतेरा। हनालगा हाँय सुदा जुमाः लगा मुरुक होड़कू हंडाकू वेगनेना। 19दो फरीसी होड़कू अँननकू अँकू कता होड़ेंगा, “ञेलकूपे, मुरुक होड़कू हाँय देह दूरकू ओतोंगतना अरू अबू कहिसाः मेरबू एचे अवेता।”
ईसू अनँयग गुजुः बदीरेय कताकेरा
20पसहा परोबरे भगवान जाग लगाकू वेगनेना, हँकुःआ होड़कू अते अदोम बेगर एहूदाकू दोहोना। 21हँकू गलीलराः बतसइदारीग पिलिपूस एचेरे सेनेकियानखनकू कतातेरा, “ने साहेब, अले ईसू सुदा जुमाः लगाले चहाःतना।” 22दो पिलिपूस, अंदरियास एचेरेय कतातेरा अरू हँकिन बना होड़ सेनेकियानखन ईसू एचेरेकिन कतातेरा।
23दो ईसू कता उदुःतेरा, “मनुवारीग बेटातराः मान मरजइत होयाःराः बेला सोदोरयना। 24अपे ईंगपे अयूम! गोहोम बिहान ओतरे वेरकेडखन मेर गुजुः दो, हना बिहान हनन इया दोहो जुवाःता। गुजुःतान दो हना बिहानते मुरुक जांगगुःता। 25अनँयगराः जीव बगराय दुलारता हाँय, अनँयग जीवे केड़े एंडा अटूता। मनदो नाःआ चउंदीसरे अनँयग जीव मेरेय दुलारगेता हाँय, ओरो टुटीगनेना हना जीवे पवाःता। 26तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।
27ईंगराः जीव कुंभलाःतना अरू चेले माःआनिंग कताय? ने अपांग, नाःआ बेला अतेम बनसावगींग। मनदो ईंग नाःआ लगा नानाः बेलारेयिंग सोदोरकिया। 28ने अपांग, अनम एचे मान मरजइतगुः।”
हनते सेरमो अगीते भगवानराः अरो अयूमनेना, “ईंग इनिंग मान मरजइतकिया, हनते अरूयिंग मान मरजइतगुःता।” 29हंडाकू चड़ाँकुःआ हँकुःआ होड़कू हना अरो अयूमतेडखनकू कताया, बदरी हदूड़किया, माःआन अरू एटाः होड़कू कताया, तोनोंगीग सेरमोरीग बराहील नाँय सुदाय बड़राकिया, माःआन।
30दो ईसू कतातेड, “नाःआ अरो ईंग लगा कोवान, मनदो अपेराः नफा लगापे अयूमकेरा। 31भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता। 32मनदो ओत अते सेरमोकू रेमिंग दो जमा होड़कू ईंग अगीयिंग राः अगुकूता।” 33हाँय अनँयग गुजुः करा उड़ी होयाःता हना बदीरेय कता उदुःतेरा।
34दो होड़कू हाँय एचेरेकू कतातेरा, “अले भगवानराः कागद अतेले अयूमकेरा, मसी सगर सइट वरीय दोहोनता। दो मसी अरू मनुवारीग बेटात मिनी इदान होले, आम करा उड़ीम कतायतना, मनुवारीग बेटात ओत अतेकू रेनेमेयता, माःआन? दो मनुवारीग बेटात इये हवे?”
35दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना। 36मरसलरिकुःआ लइंकू होयाः लगा मरसल अपे सुदा इदान मेला हनारेपे बिसवासगोड ञवन।”
एहूदाकू ईसू एचेरे मेरकू बिसवासगाड
नाःआ कतातेडखन ईसू सलावयाने अरू हँकुःआ एहूदाकू अते एनेकलाय दोहोना। 37होड़कू तलारे ईसू मुरुक बयाव जुवाः इयाःआ बुताकूने एचेतेरा, मनदो हँकू हाँय एचेरे मेरकू बिसवासगाड। 38नाःआते भगवानराः बड़रा कतायीग होड़ एसयाह ओजाःतेरा हनानाः कता इया होयानेना।
ने परबू, अलेराः सरवन इये बिसवासकेरा,
अरू आमराः जंगर इये सुदीतेरा?#एस 53:1
39एसयाह नाःआ इया हों भगवान बदीरेय ओजाःतेरा,
40हाँय हँकूराः मेडे अंदरागोतेड,
अरू हँकूराः जीवे केटेगगोतेड
नाःआते हँकू अँकू मेडते अहाकू ञेल
अरू जीवरे अहाकू सुदी अवेय
अरू ईंग एचेरे हँकू नपायगुः लगा जीव अहाकू कुदागे।#एस 6:10
हनालगा हँकू मेरकू बिसवास अवेगाड।
41मनदो एसयाह मड़ंगरे ईसूराः मान मरजइतेय ञेलतेरा। हनालगा हाँय हाँय बदीरे नाःआ कताय कता उदुःतेरा।
42हनारे हों मूक होड़कू अते मुरुक बगरा होड़कू ईसू एचेरेकू बिसवासतेरा। मनदो हँकू, फरीसी होड़कू अले अरजी ओड़ाः अते उडुंगगोडलेताकू, माःआनकू बोरा। हनालगा हँकू अँकूराः बिसवास बदीरे मेरकू कता उदुःगाड। 43नाःआ इया हँकू भगवानराः मान मरजइत अते होड़कूराः मान मरजइतकू मनेवातेरा।
44हनते ईसू मुरुक सटीतेय कताया, “ईंग एचेरेय बिसवासगेता हाँय, ईंग एचेरे एकला कोवान, मनदो ईंगे वारकेरा हाँय एचेरे होंय बिसवासगेता। 45हाँय ईंगे ञेलतान दो ईंगे वारकेरा हाँये ञेलता। 46ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।
47ईंगराः सरवने अयूमता मनदो हना सरवन इया मेरेय सलाःता हाँयग होड़ ईंग मेरिंग फड़ियावगेयता। ईंग चउंदीसरिकुःआ होड़कू फड़ियाव लगा मेरिंग वेगगना, मनदो हँकू सडावकू लगायिंग वेगकिया। 48ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता। 49ईंग इनिंग ओंगोलते मेरिंग कतागरा, मनदो ईंग चिला कता इदा अरू करा इयायिंग कताय, हना ईंगे वारकेरा हाँयग ईंग अपांग, ईंगे हुकुमवारा। 50ईंग कता उदुःगे लगा इदा हना सरवन ईंग एचेरे अपांग कताकेरा अरू हनन इया ईंग कता उदुःगेता। हनालगा ईंग सुदीयतना हाँयराः हुकुमकून ओरो टुटीगनेना हना जीव अगी गोःकूता।”
ទើបបានជ្រើសរើសហើយ៖
एहुना 12: kfp
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active) Wycliffe Bible Translators, Inc. All rights reserved.
