ទំនុកតម្កើង 128
128
លំនៅដ្ឋានដ៏មានសុភមង្គលរបស់មនុស្សស្មោះត្រង់
ទំនុកច្រៀងតាមថ្នាក់។
1មានពរហើយអស់អ្នកដែលកោតខ្លាចព្រះយេហូវ៉ា
ជាអ្នកដែលដើរតាមផ្លូវរបស់ព្រះអង្គ។
2អ្នកនឹងបានបរិភោគផល
ចេញពីកម្លាំងដៃរបស់អ្នក
អ្នកនឹងមានពរ ហើយមានសេចក្ដីសុខ។
3ប្រពន្ធរបស់អ្នកនឹងបានដូចជា
ដើមទំពាំងបាយជូរមានផ្លែ នៅក្នុងផ្ទះរបស់អ្នក
កូនៗរបស់អ្នកនឹងបានដូចជា
ដើមអូលីវនៅជុំវិញតុរបស់អ្នក។
4មើល៍ មនុស្សដែលកោតខ្លាចព្រះយេហូវ៉ា
នឹងមានពរបែបនេះឯង។
5សូមព្រះយេហូវ៉ាប្រទានពរអ្នកពីក្រុងស៊ីយ៉ូន!
សូមឲ្យអ្នកបានឃើញភាពចម្រុងចម្រើន
របស់ក្រុងយេរូសាឡិម អស់មួយជីវិតរបស់អ្នក!
6សូមឲ្យអ្នកបានឃើញចៅរបស់អ្នកដែរ!
សូមឲ្យសេចក្ដីសុខគ្របដណ្ដប់លើអ៊ីស្រាអែល!
ទើបបានជ្រើសរើសហើយ៖
ទំនុកតម្កើង 128: គកស១៦
គំនូសចំណាំ
ចែករំលែក
ចម្លង
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fkm.png&w=128&q=75)
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016 United Bible Societies