ណាហ៊ុម ពាក្យលំនាំ
ពាក្យលំនាំ
កណ្ឌគម្ពីរណាហ៊ុមប្រកាសអំពីការវិនាសរបស់ក្រុងនីនីវេ ជារាជធានីនៃចក្រភពអាសសើុរដែលបានយកស្រុកអ៊ីស្រាអែលធ្វើជាចំណុះ។ កណ្ឌគម្ពីរនេះត្រូវបានចងក្រងឡើងនៅចន្លោះឆ្នាំ ៦៦៣ មុនគ.ស. គឺឆ្នាំដែលកងទ័ពអាសសើុរវាយយកបានក្រុងនរ-អាម៉ូន (ឬក្រុងថែប)នៅស្រុកអេស៊ីព្ទ និងឆ្នាំ ៦១២ មុនគ.ស. ជាឆ្នាំដែលកងទ័ពបាប៊ីឡូនវាយយកបានក្រុងនីនីវេ។
កណ្ឌគម្ពីរនេះចែកចេញជាបីផ្នែក៖
ផ្នែកទីមួយ មានលក្ខណៈជាបុរកថា ប្រកាសអំពីឫទ្ធានុភាពរបស់ព្រះដែលគ្រប់គ្រងលើអ្វីៗទាំងអស់ ហើយព្រះអង្គជាចៅក្រមវិនិច្ឆ័យទោសមនុស្សទួទៅ (១.២-៨)។
ផ្នែកទីពីរ បញ្ជាក់អំពីឫទ្ធានុភាពរបស់ព្រះអង្គ ដែលជាម្ចាស់លើស្ថានភាពនយោបាយនៅជំនាន់នោះ។ ព្រះធ្វើឲ្យក្រុងនីនីវេរលាយ ដើម្បីសង្គ្រោះប្រជាជននៅស្រុកយូដា (១.៩-២.៣)។
ផ្នែកទីបី រៀបរាប់អំពីមហន្តរាយកើតមានដល់ក្រុងនីនីវេ ដែលជាមហាអំណាច (២.៤-៣.១៩)។
នៅក្នុងកណ្ឌគម្ពីរនេះ ហោរាមិនត្រឹមតែប្រកាសអំពីការវិនាសរបស់ក្រុងនីនីវេប៉ុណ្ណោះទេ គឺលោកក៏បានបញ្ជាក់ថែមទៀតថា ការវិនាសនេះបណ្ដាលមកពីព្រះវិនិច្ឆ័យទោស។ អ្នកក្រុងនីនីវេមានចិត្តអួតអាង ប្រព្រឹត្តអំពើឃាតកម្ម និងអំពើប្រាសចាកសីលធម៌។ ក្រុងនីនីវេជានិមិត្តរូបនៃអំណាចគ្រប់គ្រងមួយដែលមនុស្សតែងតាំងឡើង ទាស់នឹងព្រះហឫទ័យព្រះ។ កណ្ឌគម្ពីរណាហ៊ុមណែនាំយើងឲ្យចងចាំថា របបគ្រប់គ្រងទាំងប៉ុន្មានដែលមានលក្ខណៈដូចរបបនៅក្រុងនីនីវេ មិនអាចស្ថិតស្ថេរគង់វង្សបានឡើយ។
ទើបបានជ្រើសរើសហើយ៖
ណាហ៊ុម ពាក្យលំនាំ: គកស១៦
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016 United Bible Societies