១ ពេត្រុស ពាក្យលំនាំ
ពាក្យលំនាំ
លោកពេត្រុសបានសរសេរសំបុត្រទីមួយនេះ ផ្ញើជូនគ្រីស្ទបរិស័ទដែលបែកខ្ញែកគ្នា តាមតំបន់ទាំងប្រាំនៅមជ្ឈិមបូព៌ា។ ក្រុមគ្រីស្ទបរិស័ទទាំងនោះកកើតឡើង តាមរយៈលោកប៉ូលបានប្រកាសដំណឹងល្អ។ ប្រហែលជាលោកពេត្រុសសរសេរសំបុត្រនេះ កាលលោកនៅក្រុងរ៉ូម ដែលលោកឲ្យឈ្មោះថា «បាប៊ីឡូន» (៥.១៣) នៅ គ.ស. ៦៤។
គោលបំណង
នៅគ្រានោះ គ្រីស្ទបរិស័ទត្រូវគេប្រមាថមាក់ងាយ និងត្រូវគេធ្វើទុក្ខបៀតបៀនទៀតផង។ ហេតុនេះ សាវកពេត្រុសមានបំណងដាស់តឿនគ្រីស្ទបរិស័ទ ដែលខ្ចាត់ខ្ចាយក្នុងពិភពលោក ឲ្យមានជំនឿកាន់តែមាំមួនដល់ព្រះយេស៊ូវគ្រីស្ទ ស្របតាមពិធីជ្រមុជទឹកដែលគេបានទទួល។ ជំនឿនេះ នឹងផ្ដល់ឲ្យគេមានចិត្ដសង្ឃឹមដ៏មោះមុតគ្រប់កាលៈទេសៈ និងមានជ័យជម្នះលើឧបសគ្គនានា។ រីឯទុក្ខលំបាកដែលគ្រីស្ទបរិស័ទជួបប្រទះ ធ្វើឲ្យគេរួមជាមួយព្រះគ្រីស្ទដែលបានរងទុក្ខលំបាកដែរ។
ទើបបានជ្រើសរើសហើយ៖
១ ពេត្រុស ពាក្យលំនាំ: គកស១៦
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2016 United Bible Societies