Tourat 1: Foeda Nama 8
8
Banor fani taki rehai
1Zazo Nuh ar tan loge zoto zandar ar fala heman asil, Allae tarar ḳota-o faurila na. Tain duniait batash salaile fani koma shuru oilo. 2Maṭir tol taki fani baroni ar asman tone meg foṛar faṭa bond oigelo, ar meg-o dom loilo. 3Maṭir ufror fani hori gelo, ar deṛ-sho din bade deḳa gelo fani bout ḳomse. 4Shat nombor mashor shotro tarik zazḳan Ararator faṛi elaḳat gia aṭkilo. 5Erbade-o fani komat taḳlo, ar dosh nombor mashor foyla din faṛ oḳlor mata deḳa gelo.
6Er sallish din bade Nuhe zazor kiṛki kulla. 7Ar kiṛkibae ek kaua saṛla. Maṭi taki fani na hukani forzonto ḳauaṭa aoa-zaoat roilo. 8Maṭir ufor tone fani komse ki na deḳar lagi Nuhe bade eḳṭa faro saṛla. 9I shomoy-o asta duniait fani asil ḳori fao toibar zaga na faia faroṭa hirbar firia ailo. Tain at baṛaia tare bitre anla. 10Heshe tain aro shat din bar saia hirbar tare saṛla. 11Hainja bala he tan gese firia ailo, ar tar ṭuṭo asil zoytun gasor hazma fata, tain buzla maṭir ufor taki fani komi gese. 12Aro shat din bade tain hirbar faroṭa saṛla, ikṭa ar firia ailo na.
13Nuhor boyosh soy-sho eḳ bosoror shomoy foyla mashor foyla din maṭir ufor taki fani hori gelo, ar Nuhe zazor sal kulia saia deḳla, maṭi hukani dorse. 14Dusra mashor shataish dinor din maṭi eḳoibare hukai gelo. 15Allae tanre ḳoila, 16“Tumi tumar bibi, tumar fuain ar tumar fuaintor boure loia zaz taki bar oia ao. 17Ar tumar loge zoto zator zandar ase - faki, zanuar ar maṭir maze buke solra zandar - tarare-o bar ḳori loia ao, zenu hara duniai zuṛi tara sitria gia folala oia baṛe.” 18Teu Nuhe, tan bibi, tan fuain ar tarar boure loia zaz taki bar oila. 19Tarar loge duniair hoḳol zanuar, maṭit solra huru-muru zandar, ar faki, ek kotae duniait solra hoḳol zandar, zarzir zatmoto bar oilo.
20Bade Nuhe Mabudor name ekḳan kurbani kana banaila, ar forteḳ zator halal foshu-faki taki eḳ eḳṭa loia zobo ḳoria, zalaia kurbani dila. 21Mabud i kurbanir dumar gerane kushi oila, ar tain ḳoila, “Manshor lagi ami ar kunu shomoy-o maṭire lannot ditam nae, zudio hurubala taki-u manshor monor kial ḳarafir bae taḳe. Ifira zela hoḳol zandarre marsi, ilaḳan ar kunu din-u martam nae. 22Zotodin i duniai taḳbo, otodin niommoto bis falani ar foshol ḳaṭa, ṭanḍa ar gorom, barisha ar eot, din ar rait solte-u taḳbo.”
ទើបបានជ្រើសរើសហើយ៖
Tourat 1: Foeda Nama 8: sylL
គំនូសចំណាំ
ចែករំលែក
ចម្លង
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fkm.png&w=128&q=75)
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ahle Kitab Society. All rights reserved.