ខគម្ពីរពេញនិយមពី Mateo 4

ចែក​រំលែក

Ech tal ve't u Jesús ile': —Ech ni tal viyol u Tiixh ile' uva' tz'ib'amal kan: Jit kuxh u tx'ixe' la isb'a'n unq'a uxhchile'. Pet kajayil chit unq'a yole' uve' ni tel ch'u'l titzi' u Kub'aal Tiixhe', as a'e' uve' la isb'a'n unq'a uxhchile',— ti'k Aak.

Ech tal ve't u Jesús ile': —Jetz'en el sunvatz, tx'i'lanaj, tan ech ni tal uma't u yol ile' uva' tz'ib'amal kan: Ta'n kuxh u Tiixhe', u Kub'aale', la ku' axh qaaloj svatz. As Aak kuxhe' la anima,— ti'k u Jesúse'.

Ech tal ve't u Jesús ile': —Ech ni tal viyol u Tiixh ile' uva' tz'ib'amal kan: Ye' la uch ab'ek'at u Kub'aal Tiixhe',— ti'k Aak.

As b'en ve't u Jesúse' tu u tzuukin tx'ava'e' ta'n u Tiixhla Espíritue', ti' uva' la ichuk u tx'i'lanaje' txumb'al ti' ipaavin u Jesúse'. As ka'viinqil q'ii tuk' ka'viinqit aq'b'al uva' ye'l u Jesúse' nikat itx'a'ne'. As va'y ve't Aak.

As ech tal u Jesús ile' te chajnaj: —Xekeb'oj ex svi'. As la voksa ve't ex ti' uva' la eteq'o tzan unq'a tename' ti' tok sunk'atz,— ti'k u Jesús. As yak kuxh taq' ve't kan chajnaj unq'a ik'ache'. As xekeb' ve't chajnaj ti' u Jesús.

Tul kat oon ve't u Jesús tu u Capernaúm, as xe't ve't Aak ti' talat viyol u Tiixhe'. As ech nik tal Aak ile': —¡Ek'axataj vepaave'! Tan il u Tiixh ile' tul ve'te' tuk' u tijle'me' ti' vitename',— ti'k u Jesús.