ខគម្ពីរពេញនិយមពី मत्ती 5

ចែក​រំលែក

अउ लोग मन दीया ला जलाए के टुकना कर खाल्हे नही लेकिन फुला मे रखथे, तब ओकर ले घर कर सबेच लोग मन ला इंजोर पहुचथे। ओहिच नियर तुमन कर इंजोर हर मैनसे मन कर आगू मे चमकही, कि तुमन कर बड़िया बुता ला देख के तुमन कर दाऊ कर, जे स्वर्ग मे हे, बड़ाई करे।”

तुमन जगत कर ज्योति हवा, जे नगर पहार पर बसल आहे, ओहर छिप नी सकही।

धन्य हे ओमन, जेमन कर मन शुद्ध हे काबर कि ओमन परमेश्वर ला देखही।

धन्य हे ओमन, जेमन धार्मिकता कर भूखा अउ प्यासा है, काबर कि ओमन मन तृप्त करल जाही।

लेकिन मैहर तुमन ले ये कहथो कि अपन बैरी मन ले प्रेम रखा, अउ अपन सताए बाला मन बर प्रार्थना करा।

धन्य हे ओमन, जेमन मन कर दीन है, काबर कि स्वर्ग कर राएज ओमन मन कर है।

धन्य हे ओमन, जेमन मेल करवाए बाला हे काबर कि ओमन परमेश्वर कर बेटा कहलाही।

धन्य हे ओमन, जेमन शोक करथे, काबर कि ओमन शान्ति पाही।

धन्य हे ओमन, जेमन धार्मिकता कर कारन सताए जाथे काबर कि स्वर्ग कर राएज ओमन मन कर हे।

धन्य हे ओमन, जेमन दयावंत हे काबर कि ओमन पर दया करल जाही।

धन्य हा तुमन, जब मैनसे मन मोर कारन तुमन मन कर निंदा करही अउ सताही अउ झूठ बोएल-बोएल के तुमन कर बिरोध मे सबेच मंधे कर बुरा गोएठ कही। आनन्दित अउ मगन होईहा, काबर कि तुमन मन बर स्वर्ग मे बड़खा प्रतिफर है। एकरे बर कि ओमन मन ओ अगमजानी मन ले जेमन तुमन ले आगू रहिन, एहिच नियर सताए रहिन।

धन्य हे ओमन, जेमन नम्र हे, काबर कि ओमन धरती कर हकदार होही।

“तुमन जगत कर नमक हवा, लेकिन अगर नमक कर स्वाद बिगेड़ जाही, त फिर ओहर कोन चीज ले नमकिन करल जाही? फिर ओहर कोनो बुता कर नही, केबल एकरे बर कि बाहर कती फेकल जाही ताकि मैनसे मन कर गोड़ तरी खुनदल जाही।

एकरे बर चाही कि तुमन सिद्ध बना, जेकस तुमन मन कर स्वर्गीय दाऊ हर सिद्ध आहे।

लेकिन तोर गोएठ हर हा का हा या नही कर नही होए बर चाही; काबर कि जे कुछ एकर ले बगरा होथे ओहर बुराई ले होथे।”

“तुमन सुईन दारे हवा कि, कहल गए रहिस, कि आएख कर बदला मे आएख, अउ दांत कर बदले मे दांत।” लेकिन मैहर तुमन ले ये कहथो, कि बुराई कर सामना झिन करिहा, लेकिन जे कोनो हर तोर गाल पर थोपियाही, ओकर कती दूसर ला भी फेर देबे।

अगर तोर जेवनी आएख हर तोला ठोकर खिलाही, त ओला हिकाएल के अपन जग ले फेक दे; काबर कि तोर बर एहिच बड़िया है कि तोर देह मन ले एक अंग हर नाएस होही अउ तोर सबेच देह हर नरक मे नी डाएल देहल जाही। अगर तोर जेवनी हाथ हर तोला ठोकर खिलाही, त ओला काएट के फेक दे; काबर कि तोर बर बड़िया है कि तोर अंग मे ले एक हर नाएस होही अउ तोर सबेच देह हर नरक मे नी डाएल देहल जाही।”