ខគម្ពីរពេញនិយមពី Markus 2

ចែក​រំលែក

Noak ma Yesus ndengar farane nfalak ber sir, “Tomwatar ma to rafanas to ranriak dokter, lan mangafansar; Yakw kmwa e to ktwar tomwatar ma rase feti to nir sal, nempa Yakw kmwa ber tomwat salar nema rtate nir salar a ne.”

Noak ma Yesus nsalan ma rose farane, I nafai feti sir ralele desar I ma bise ma nafngamone mangamlukut a ne. Mpa nfalak ber mangamlukut ne, “Amo, klwure nim salar lo.”

Ne Yesus nfalak, “Ratu ntetak lerar sa ma neluk ler Sanari ber tomwatar fen nir ngamone. Ma to ntetak ma tomwatar rose ler Sanari la nose suse sir.

Nempa tomwatar yadin mpa to bise ma rti dalam ma ror i ber Yesus. Iane nwayat ma ror i ma rfangat far bubungan, ma rbanril daftar ma ntulu Yesus a ne, betno rtolar mangamlukut ne nor ni mpeluk na sounlury.

Nempa lere ye kuftutu ber a kmi nema mifai feti, na saryamprene ye Yakw, Tomwate Anaky, Ningw kuase ma klwure tomwatar nir salar. Ne I nfalak ber mangamlukut a ne, “Mpwote ko, mwal nim mpeluk a ne ma mbwali ko!”

Nof a kmi e impe ma merawe: kfwalak, “Klwure nim salar lo, nre kfwalak feti Mpwote ko ma mwal nim mpeluk ma mpwan?”

Ne tomwate ne npote desar i, ma nal ni mpeluk ma nti burit. Tomwatar monuk ma rsalan farane, rampriang desar ma rdangin Ratu ma rfalak, “To lain sa ma tsalan ngrie farye fuky!”