ខគម្ពីរពេញនិយមពី Matius 16

ចែក​រំលែក

Mpene Yesus nfalak ber Ni manglartar, “Ise nmpeang ma nlarat Yakw, ka kete nlarat ni mpempeang, nempa ka nabare ni sangwalu ma nlarat Yakw.

Iane nwayat ma kufngare ko a na Petrus, ma isiny feti baty fakoran. Yakw keta kufdiri Ningw das a na baty fakoran a ne. Ningw das a ne iane feti tomwatar ma ralele Yakw. Ma keta mamate to nkuase sir.

Keta kal kuase ber ko ma mnrure Ningw tomwatar. Iane feleles farlan ma kal kukusy surga ma ber ko. Ma safe-safe monuk ma myose mtyeri na saryamprene ye, keta Ratu nose nteri na surga nbal. Ma safe-safe monuk ma mwinrang na saryamprene ye, keta Ratu ninrang na surga nbal.

Fali ise ma nmorip a nlarat koko i ni mpempeang, keta to nonri momorip dedesar. Nempa ise ma to nmorip a nlarat ni mpempeang terik ma nmat fali nlarat Yakw, keta nonri momorip dedesar.

To ubany ber tomwate ma nonri monuk kabain saryamprenar, nempa to nonri momorip dedesar na lere ma nma ne. Fali to bise ma nal sasaf la nlikur momorip dedesar.

Ne Yesus nenrat sir a nbal, “Ma koko kmi e mfyalak feti Yakw ye ise?” Ne Simon Petrus nfalak, “Maken, Ko ye Ray Silai, ma Ratu ma nmorip dedesar ne Anaky.”

Ne Yesus nfalak, “Simon Yunus anaky, ngamone ber ko fali tomwatar to rafbotin ngrie ne ber ko, nempa Amangw ma namin surga ne ma nafbotin ber ko.”