ខគម្ពីរពេញនិយមពី Matáayo 21

ចែក​រំលែក

Chochoosi ˆmʉrɨ loomba mpɨɨndɨ ˆmoomʉloomba Mʉlʉʉngʉ, koonɨ mooruma, kɨpata mʉrɨ.”

Yéesu akavasea, “Kɨmaarɨ noovawyɨɨra, koonɨ mʉvɨ́ɨre na kuruma baa kʉva na kivundu tʉkʉ kʉra mitimii yaanyu, sɨ mʉrɨ daha tʉmama ɨkɨ ˆkɨvɨ́ɨre vii kʉrɨ ʉhʉ mʉsaambu tʉkʉ. Maa kaa, daha mʉrɨ kʉlʉsea ʉlʉ lʉʉlʉ, ‘Kʉʉrɨka ʉkafweitɨrwe mayiyii,’ novyo kʉva viri jeyyo.

Vaantʉ vara ˆvajáa vamʉlóngorɨɨre na vara ˆvamutuubáa, vatʉláa isóso voosea, “Adʉʉmbwe Sha Daúdi, atalariwa yeeye ˆyookʉʉja kwa irina ra IJʉVA! Kʉdʉʉmbwe kurumu mweerimweeri.”

Aho, akavasea, “Masáarii ˆYarɨ Mpeho vyaandɨkwa, ‘Nyuumba yaanɨ kaanɨrɨrwa ɨrɨ nyuumba yo mʉloomba Mʉlʉʉngʉ.’ Maa kaa, nyuunyu mwɨɨválandwɨɨre ɨkava ‘mpaanga ya viívi.’”

“Vawyɨɨre vaantʉ va múuji wa Sayúuni, laangi Mʉtemi waanyu yookʉʉja! Ahola na iivérekiirye ndákwi, ˆngʼeene ɨrɨ hamwɨ na mwaana.”

Yéesu akavasea, “Eri, sɨ mʉnasoma Masáare ˆYarɨ Mpeho ˆcheene yalʉʉsa tʉkʉ wʉʉ? ‘Iwye ˆrasiitwa nɨ vajeengi, ravɨ́ɨre iwye ikʉʉlʉ ra kichurii. IJʉVA atʉ́mamire isáare ɨrɨ, noro rabooha na nɨ iyeni maatʉkʉ vii miiswii yiitʉ.’

Sa jeyyo, nɨ kʉvawyɨɨra niise, Ʉtemi wa Mʉlʉʉngʉ seyyiwa ʉrɨ kwaanyu, na heewa varɨ vaantʉ va ɨsɨ jɨɨngɨ ˆveene varɨ daha kʉvyaala ndɨɨwa jaachwe.