ខគម្ពីរពេញនិយមពី ruumiya 6

ចែក​រំលែក

kaka eṯi gwu ujra weḏi ŋikya orɔ ŋiɽany, lakin haḏiya wir beyin weḏi Allah wiri ŋimiiḏa ŋiaŋ, ŋinḏi eḏi nanniḏa dɔk eḏi Kwruztu-na kweni Yecu, kwir Kweleny kweri.

kaka iti inḏi gwu ŋikya eḏeḏi zulṯa kwokwony daŋgal-na mac, kaka iti ur ŋa gwu leḏi kuruu mac, lakin na orɔ ŋaŋa leḏi ṯimeca ṯeḏi ŋimɽi ŋeḏi Allah.

kaka aninar gwu nyiŋa ŋundu gi ṯibaptizina ṯi, leni layyu, ṯaŋwu, kaka diɽer gwu Kwruztuŋw ŋiɽany-na ŋiniṯ ŋi ŋeḏi Papa ta, er ma dirnaṯi nyiŋa tɔk ŋeḏre ŋi ŋizaw ki ŋimiiḏa-na ŋiaŋ.

etere ṯiŋaci ŋikyaŋi kwɔmne lu kwalu kweḏi yaŋna mac eḏi zi gi erri ŋeni ŋiki, lakin eṯi ṯiŋaci Allah rɔgwɽɔ lu ralu, kaka kla limɔŋw zi diɽi ŋiɽany-na eḏi miiḏi kwokwony, na eṯi ṯiŋaci Allah kwɔmne lu kwalu kweḏi yaŋna eḏi zi gi erri ŋeni ŋofḏana.

a kwilŋiicar eḏaruŋw, rɔgwɽɔ reri ruɽun rimay ŋundu gi, ki ŋwuɽi la ŋwuɽmɔḏalu, mindaŋ eḏi ma rɔgwɽɔ reṯəkizi ŋikyaŋi ŋɔḏɽor ere eḏi ŋuma kwokwony mac, mindaŋ er ere orɔ nyiŋa luway leḏi ŋikya kwokwony tɔk mac.

ŋwu ṯaŋwu, ŋaŋa tɔk aruŋw, rɔgwɽɔ reri rimay ŋiɽaŋal ŋi ŋeḏi ŋikya, na eṯir miiḏi ŋiɽaŋal ŋi ŋeḏi Allah eḏi Kwruztu-na kweni Yecu.

ta a kwer ari ḏa? a kwer ṯa erri ŋikyaŋi ṯirṯir mindaŋ a ma ṯimeca ṯeḏi ŋimɽi kikindeḏi a? beri ma! a kwirir kwayir ŋiɽaŋal ŋi ŋeḏi ŋikya ta, ŋer gwu dirnaṯi-na kwokwony aŋgwuru?

ŋaŋa liti lilŋiica manya, a liri luway leḏi ŋgwa kwuṯiŋacaŋa rɔgwɽɔ lu ralu eḏinyica nana? kwir ŋikya kweṯi zi multaḏa ŋiɽany-na, ya kwir ṯiniŋneḏu kweṯi zi multaḏa ki ṯofḏana-na.

lakin alhamḏulillah, ŋaŋa, leni kerreny luway leḏi ŋikya, leṯinyici kirem ṯilŋiiḏina nana rugwor ri, kḏa ṯimɔ ŋazi mulɔtɔ. na ŋaŋa, limerzi kediḏa ki ŋikya-na, a limorɔ luway leḏi ṯofḏana.