ខគម្ពីរពេញនិយមពី Pulim 6

ចែក​រំលែក

BAŋA Wɛ wo ma tiini ko chɔge dedaane o na maŋe o ke nabiina o yage tega baŋa ne to. Ko ma daane‑o dedɛ ko ŋwaane.

BAŋA Wɛ déem ma maane we nabiina tiini ba jege puseŋa, ye ba boboŋa de ba pale-kia maama tɔge lwarem yerane mo.

Se ko ná ye Noah, BAŋA Wɛ yi déem su wonto totoŋa yam.

Noah dedaane o dwi dem taane mo tento. Noah déem maa ye nɔn-ŋom ye o ba jege tusim. O maa tiini o me de Wɛ.

O laam ma boŋe o tete ne we, “Amo wó seene a chɔge woŋo kolo maama a na ke ye te ŋwe to. Ko ná ye nabiina de vara dwi delo maama, dedaane tega-veila de wo-korro dwi maama, ko ta woli de zuna bam dwi maama mo, a lage a saare-te a yage logo baŋa ne, amo wo na chɔge dedaane a na maŋe a ke-te to ŋwaane.”

Ko déem maa wora ko wora ye nabiina puli ba su logo kom jei maama ye ba lo bukwa. Wɛyuu nɔn-donno ma tu tega baŋa ba na nabiina bukwa bam na tiini ba lamma tei. Ba ma di ba wone ba ma ba ji ba kaana. BAŋA Wɛ maa we, “Amo daa bá yage a siu kolo na pae ŋwea to taa wo nɔɔna wone se ko taa vei wuu. Ba jege se ba te mo. Ba ŋwea daa bá dwoni bena bi de finlei (120).” Maŋa kam konto ne de ka kwaga ne, wɛyuu nɔɔna bam dedaane nabiina bukwa bam déem na lage daane ye ba lo bia to, nɔn-sawaara maa wo logo baŋa ne. Ba déem bwoŋi-ba we ‘Nefili tiina’ mo. Banto ye babɛ mo ye ba tiini ba na yere faŋa faŋa.

Noah déem ma ke kolo maama Wɛ na pɛ‑o ni se o ke to.

O ma ta de Noah we, “Amo boboŋa jaane se a chɔge nabiina bam mo. Ko ye banto ŋwaane mo logo kom maama su de vuvuga yerane. Amo wó yɔɔre a chɔge-ba ko woli de logo kom wonnu maama.

Konto to, beeri da-ŋonno n ma n ke dakaa kamunu se ka taa nye de nabworo. Nam ke-ka se ka taa jege di dedɛ ka wone, ye n laam daare n ma kɔtaale n taare ka wo kom dedaane ka kwaga kam maama.

Wɛ ma na we nabiina yɔɔre ba ke lwarem mo, ye ba ba tɔge chwoŋa de fenfee tete de.

Nmo jege se n ja woŋo kolo maama na ŋwe to dwi maama wone balei balei mo n ja n zo dakaa kam wo, woŋo maama wo-bɛa dedaane wo-kana. Konto mo wó pa se te dwi dem ta ŋwe.